Cebuano

Han-ay sa Balaang mga Takna

5 minutos—Sugdi pinaagi sa hilom nga pagluhod atubangan sa Santisimo Sakramento ug pagpakalma sa imong mga hunahuna. Dayon pamalandongi ang mosunod nga pag-ampo sa pagpangandam ug padayon sa paghilom:

Akong bililhon ug diosnong Ginoo, Jesus. Nagluhod ako atubangan sa Imong natagong pagkahalangdon ug nagsimba sa Imong balaang presensya uban sa akong hunahuna ug kasingkasing. Nagtuo ako nga ania Ka, presente niining labing Balaang Sakramento.

Sa akong pagsugod niining takna sa pag-ampo, moingon ako og “Oo” sa tanan nga buot Nimong buhaton sa akong kalag. Pakigsulti kanako, lipaya ako, lamoya ako, lamdagi ako. Kuhaa ang tanang makabalda gikan sa akong nagsuroysuroy nga hunahuna ug tabangi ako nga Kanimo lamang motutok, akong Dios ug akong Tanan.

10–15 minutos—Sinemanang Examen uban sa Pagsusi sa Konsensya

Atol sa “Sukaranang mga Pagpamalandong,” gamita ang mga pagsusi sa konsensya mahitungod sa Pito ka Pangulong Sala ug sa Napulo ka Sugo.

Sa nahibiling bahin sa tuig, hatagi og espesyal nga pagtagad ang mga detalye sa pagsusi sa konsensya mahitungod sa pagtuo, paglaom ug gugma, ug baliki matag karon ug unya ang miaging duha ka pagsusi sumala sa imong pagbuot.

5 minutos—Pagpamalandong sa Pag-ampo nga Suscipe

Kuhaa, Ginoo, ug dawata ang tanan kong kagawasan,
ang akong panumdoman, ang akong pagsabot,
ug ang akong tibuok kabubut-on,
ang tanan nga ania kanako ug akong gipanag-iya.

Ikaw ang naghatag kanako sa tanan.
Kanimo, Ginoo, akong giuli kini.

Imoha ang tanan; buhata niini ang Imong kabubut-on.
Ihatag lamang kanako ang Imong gugma ug ang Imong grasya.
Igo na kana alang kanako.

— San Ignacio de Loyola

25–30 minutos—Pagpamalandong sa usa hangtod tulo ka mga pagpamalandong:

Sukaranang mga Pagpamalandong

Mga Pagpamalandong alang sa Adbiyento

Mga Pagpamalandong alang sa Panahon sa Pasko

Mga Pagpamalandong alang sa Ordinaryong Panahon

Mga Pagpamalandong alang sa Kwaresma

Mga Pagpamalandong alang sa Panahon sa Pasko sa Pagkabanhaw

5 minutos—Dugangi ang pagpamalandong sa labing nakatandog kanimo sulod sa balaang takna; pagsulat og mga nota kon naggamit ka og talaadlawan

5 minutos—Kahilom sa sulod, pagpakig-uban sa Dios nga walay paghunahuna, pagbasa o paglitok og mga pag-ampo


Han-ay sa Balaang mga Takna

Pagsusi sa Konsensya: Pito ka Pangulong Sala

Pagsusi sa Konsensya: Napulo ka Sugo

Sinemanang Pagsusi sa Konsensya alang sa Balaang Takna

Pagsusi sa Konsensya: Pagtuo, Paglaom & Gugma

Mubo nga Pagsusi sa Konsensya: Pagtuo, Paglaom & Gugma

Adlaw-adlaw nga mga Pag-ampo

Mga Pag-ampo sa Buntag

Pag-ampo sa Hapon

Adlaw-adlaw nga Kinatibuk-ang Pagsusi sa Konsensya sa Gabii

Pagsusi sa Kahiladman – Kompletong Talaan sa mga Sulod

Unang Bahin: Kasayuran Bahin kang San Ignacio ug mga Leksyon Gikan sa Ang Espirituwal nga mga Pagbansay

Ikaduhang Bahin: Mga Ignasyanong Pamalandong nga Gihan-ay Sumala sa Tuig Liturhiko

Ikatulong Bahin: Dugang nga mga Materyal sa Pag-ampo nga Magamit sa Tibuok Tuig