Cebuano

Pagsusi sa Konsensya: Napulo ka Sugo

Unang Sugo: โ€œAko ang Ginoo nga imong Dios; dili ka magbaton og laing mga dios gawas Kanako.โ€ย 

Gilimod ko ba ang Dios? Naulaw ba ako sa akong pagtuo o gilimod ko ba kini atubangan sa uban? Gibugalbugalan ko ba ang mga pagtulon-an o mga buhat sa Simbahan? Gipasagdan ko ba ang akong mga pag-ampo? Migamit ba ako og pagpang-ungo, Wicca, o ubang mga buhat sa okultismo? Nagsunod ba ako sa nagkalainlaing matang sa patuotuo, sama sa pagdangop sa mga mananagna, mga espiritista, mga ouija board, o mga tarot card?

Ikaduhang Sugo: โ€œAyaw paggamit sa ngalan sa Ginoo sa walay kapuslanan.โ€ย 

Gigamit ko ba ang ngalan sa Dios nga walay pagtahod, sa akong kasuko o sa akong kakurat? Gitunglo ko ba ang bisan kinsa o bisan unsa?

Ikatulong Sugo: โ€œBalaana ang Adlaw nga Igpapahulay.โ€

Tungod ba sa akong kaugalingong sala, wala ako makatambong sa Misa matag Domingo ug sa matag Adlaw nga Igpapangilin nga Obligado? Maulahi ba ako sa Misa o mobiya sa dili pa kini mahuman nga walay maayong hinungdan? Gitugotan ko ba nga mabalda ang akong pagtagad panahon sa Misa?

Ikaupat nga Sugo: โ€œTahora ang imong amahan ug inahan.โ€ย 

Misupak ba ako sa akong mga ginikanan o wala magpakitag pagtahod kanila? Gipasagdan ko ba ang akong tigulang nang mga ginikanan? Wala ba akoy pagtahod, maayong pamatasan, o pagkamatinahuron ngadto sa akong pamilya? Gipasagdan ko ba ang akong trabaho o pagtuon? Matinabangon ba ako sa among panimalay? Wala ba akoy pagtahod sa mga tigulang? Wala ba ako mosunod sa balaod sibil o sa mga may awtoridad sama sa mga polis?

Ikalimang Sugo: โ€œAyaw pagpatay.โ€

Nakapatay ba ako og tawo? Nagpakuha ba ako og gisabak o mitabang sa uban sa pagpakuha sa ilang gisabak? Gituyo ko ba ang pagdaot o pagputol sa bahin sa akong lawas o sa lawas sa uban? Misulay ba ako sa paghikog o seryosong naghunahuna sa paghikog? Nagmapintas ba ako pinaagi sa pagpakig-away o pagpangulata sa uban? Nakahimo ba ako sa sala sa pagpihig tungod sa rasa? Naghunahuna ba ako og pagdumot batok sa uban? Gituyo ko ba ang paghambin og dili maayong mga hunahuna ug tinguha sa pagpanimalos batok sa uban? Nanimalos ba ako? Migamit ba ako og mapintas o mapasipalahong mga pulong ngadto sa uban? Nagbinuotan ba ako og bastos, walay pagtahod, o nagbugalbugal sa uban? Migamit ba ako og ilegal nga droga o nag-abuso sa mga tambal nga gireseta? Namaligya o nang-apod-apod ba ako og ilegal nga droga? Gipasagdan ko ba ang hustong pag-atiman sa akong lawas? Nagpasobra ba ako sa pagkaon o sa pagkatulog? Nagpasobra ba ako sa pag-inom og ilimnong makahubog? Gipasagdan ko ba ang akong kaugalingon nga mahubog? Sobra ba ang akong pagkabalaka sa akong panglawas o panagway? Mapintas ba ako sa mga hayop?

Ikaunom & Ikasiyam nga mga Sugo: โ€œAyaw pagpanapaw. Ayaw kaibog sa asawa sa imong isigkatawo.โ€ย 

Nakigrelasyon ba ako sa dili nako kapikas? Nagluib ba ako sa akong kapikas o nakigrelasyon sa kapikas sa uban? Nakighilawas ba ako gawas sa kaminyoon? Nagtinguha o naghimo ba ako og mahugaw nga mga butang? Nagpatuyang ba ako sa mahugaw nga mga hunahuna o tinguha aron malipay? Nagbasa ba ako og mahugaw nga mga sinulat, naminaw og musika nga mahugaw og mga liriko, o mitan-aw og mahugaw nga mga hulagway, sa mga litrato man, sa telebisyon, sa mga salida, o sa Internet? Gipukaw ko ba ang seksuwal nga tinguha sa akong kaugalingon o sa uban pinaagi sa mahugaw nga paghalok, paggakos, o paghikap? Naghimo ba ako og mahugaw nga mga buhat nga ako ra usa, nga mao ang masturbasyon? Naghimo ba ako og mga buhat nga homoseksuwal o ubang mga buhat nga supak sa kinaiyahan? Migamit ba ako og artipisyal nga kontrasepsiyon, pinaagi man sa operasyon, mga paagi nga nagbabag, o mga kemikal? Nagsul-ob ba ako og dili maugdang nga sinina o sobra nga nabalaka sa akong panagway? Migamit ba ako og malaw-ay nga pinulongan o nagsulti o naminaw og mahugaw nga mga komedya o sugilanon?

Ikapito ug Ikanapulo nga mga Sugo: โ€œAyaw pagpangawat. Ayaw kaibog sa kabtangan sa imong isigkatawo.โ€ย 

Mikuha ba ko og bisan unsa nga dili akoa? Nakadaot ba ko og pribado o publikong kabtangan, o naghugawhugaw niini pinaagi sa bandalismo? Nangawat ba ko og mga baligya sa tindahan? Midawat o mipalit ba ko og kinawat nga kabtangan, o mitabang sa usa ka tawo sa pagpangawat? Nagsuhol ba ko og usa ka tawo? Nanghulam ba ko og usa ka butang nga walay pagtugot sa tag-iya? Wala ba nako mauli ang akong gihulaman? Nag-usik-usik ba ko og kuwarta o nagpatuyang sa paggasto niini? Nagpatuyang ba ko sa pagsugal? Nagtanom ba ko og kahakog sa kuwarta o sa kalibotanong mga kabtangan? Gihimo ba nako nga bakak nga diyos ang kuwarta o bisan unsang kabtangan? Nag-usik-usik ba ko og mga butang o pagkaon? Nanikas ba ko sa mga eksamin o buluhaton sa eskwelahan? Nanikas ba ko sa mga dula o isport?

Ikawalong Sugo: โ€œDili ka magbakak sa pagpamatuod batok sa imong isigkatawo.โ€ย 

Tinuyo ba kong namakak? Nagbutangbutang ba ko batok sa uban? Naglibak ba ko sa uban o naminaw sa mga paglibak? Gisulti ba nako ang usa ka sekreto nga gihangyo kong tipigan? Gibudhian ba nako ang pagsalig sa usa ka tawo? Gisaway ba nako ang bisan kinsa nga walay gugma? Nagdali-dali ba ko sa paghukom ug nagtanom og walay basihanan nga mga pagduda bahin sa uban? Tinuyo ba kong nagpahisalaag o naglimbong og bisan kinsa? Nagsulti ba ko og dili tibuok kamatuoran? Midumili ba ko sa pagpasaylo sa usa ka tawo o nagdumot kaniya? Wala ba ko mangayo og pasaylo o maghimo og paagi aron mabayran ang kadaot nga akong nahimo sa usa ka tawo nga akong napasakitan?

Ubang mga angay pamalandongan: Hakog ba ko o hakog sa kaugalingon, o nagpatuyang ba ko sa pagkaluoy sa akong kaugalingon? Mapahitas-on ba ko o mapagarbohon, o nagpasundayag ba ko sa akong kaugalingon? Taphaw ba ko ug kalibotanon? Nagtinguha ba kong dayegon pinaagi sa pagpasobra sa akong kalamposan? Dali ba kong masuko ug sobra ka sensitibo? Gipadako ba nako ang labing gamay nga pagkahikalimot o kakulang sa pagtagad ug giisip kini nga insulto o tinuyong pagtamay? Nanghambog ba ko? Nagmapahitas-on ba ko sa uban? Gahi ba kog ulo sa pagdepensa sa mga buhat nga makasasala, akoa man o sa uban? Masinupakon ba ko? Nag-usik-usik ba ko og panahon sa paglingkod atubangan sa TV samtang mahimo unta kong magbuhat og mas mapuslanong mga butang? Nasinahon ba ko sa mga kabtangan sa uban ug nagtinguha ba ko niini sa dili hustong sukod aron maakoa? Nalipay ba ko sa mga kaalautan sa uban?

BUHAT SA PAGBASOL

O akong Diyos, kinasingkasing akong nagbasol sa akong pagpasakit Kanimo, ug gidumtan ko ang tanan kong mga sala tungod sa Imong makiangayong mga silot, apan labaw sa tanan tungod kay nakapasakit kini Kanimo, akong Diyos, nga bug-os nga maayo ug takos sa tanan kong gugma. Lig-on ang akong tinguha, uban sa tabang sa Imong grasya, nga dili na magpakasala ug molikay sa mga higayon nga duol sa pagkasala. Amen.


Han-ay sa Balaang mga Takna

Pagsusi sa Konsensya: Pito ka Pangulong Sala

Pagsusi sa Konsensya: Napulo ka Sugo

Sinemanang Pagsusi sa Konsensya alang sa Balaang Takna

Pagsusi sa Konsensya: Pagtuo, Paglaom & Gugma

Mubo nga Pagsusi sa Konsensya: Pagtuo, Paglaom & Gugma

Adlaw-adlaw nga mga Pag-ampo

Mga Pag-ampo sa Buntag

Pag-ampo sa Hapon

Adlaw-adlaw nga Kinatibuk-ang Pagsusi sa Konsensya sa Gabii

Pagsusi sa Kahiladman – Kompletong Talaan sa mga Sulod

Unang Bahin: Kasayuran Bahin kang San Ignacio ug mga Leksyon Gikan sa Ang Espirituwal nga mga Pagbansay

Ikaduhang Bahin: Mga Ignasyanong Pamalandong nga Gihan-ay Sumala sa Tuig Liturhiko

Ikatulong Bahin: Dugang nga mga Materyal sa Pag-ampo nga Magamit sa Tibuok Tuig