Pasiuna sa mga Pagpamalandong alang sa Adbiyento
- Usa ka Bag-ong Hari
- Kristo nga Hari
- Bug-os nga Pagtugyan
- Ang Panginahanglan og Manluluwas
- Ang Fiat sa Inahan sa Diyos
- Ang Pagduaw sa Inahan ug sa Anak sa Diyos
Pangunang Hulagway: “Ang Pagpahibalo sa Anghel” ni Leonardo Da Vinci
Anaa sa paperback ug eBook:
Amazon – Google Play– iTunes – Barnes & Noble
Pasiuna
Kining unom ka pamalandong gamiton panahon sa Adbiyento matag tuig. Ang Adbiyento kanunayng magsugod pinaagi sa pagpunting kang Kristo isip Hari. Unya, sa tungatunga sa Adbiyento, ang pagtagad mobalhin ngadto sa mga panghitabo nga misangpot sa pagkatawo niining Hari, si Kristo nga atong Ginoo. Pinaagi sa pagpunting sa imong mga mata sa sinugdanan sa kinabuhi ni Kristo, gidapit ka dili lamang sa pagtalikod sa sala kondili usab sa pagdangop kang Kristo. Ang bugtong katuyoan sa pagsusi pag-ayo sa imong mga sala diha sa Mga Sukaranang Pamalandong mao ang pagtalikod niini. Ug ang bugtong hinungdan sa pagtalikod sa sala mao aron makadangop ka kang Kristo. Siya ang imong kinabuhi ug imong paglaom. Siya ang hinungdan nga buhi ka. Ang Iyang kabubut-on ug ang Iya mismong Persona kinahanglan mahimong sentro ug sukaranan sa imong pagkatawo. Ug mahimo lamang kini kon makaila ka Kaniya sa lawom, personal ug suod nga paagi, uban sa bug-os nga pagtugyan sa imong kaugalingon.
Kining serye sa mga pamalandong mosunod sa samang han-ay alang sa imong mga balaang oras ug Sinimanang Pagsusi sa Konsensiya sama sa Mga Sukaranang Pamalandong, uban sa gamayng pagbalhin gikan sa Pito ka Pangunang Sala ug sa Napulo ka Sugo ngadto sa mga Kakulangan sa mga Hiyas sa Pagtuo, Paglaom ug Gugma. Hinayhinaya ang paggamit niining mas lawom nga pagsusi, nga magpunting sa usa ka hiyas matag higayon, gikan sa usa ka semana ngadto sa sunod.
Mga Buluhaton sa Kuwaderno
Kon gipili nimo ang paggamit ug kuwaderno o talaadlawan, sa pagkahuman sa matag balaang oras, paggahin ug panahon sa pagsulat ug mga nota bahin sa bisan unsang nakatandog kanimo. Hatagi ug pagtagad kadtong mga hunahuna, kay ilabina pinaagi niini nagalihok ang Espiritu Santo. Walay laing sama kanimo, ug buot sa Dios nga isulti kanimo ang pipila ka kamatuoran nga kinahanglan nimong mahibaloan sa personal nianang higayona. Ang pagsulat ug mugbong mga nota bahin sa bisan unsang ilabinang nakapukaw sa imong pagtagad makatabang kanimo sa umaabot nga mga semana sa imong pagbalik niining mga nota. Ilabinang mapuslanon ang pagsugod sa pagpangita ug nagbalikbalik nga mga sumbanan aron mas dali nimong mailhan kon unsa ang personal nga gisulti sa Dios kanimo.
