Pasiuna sa mga Pagpamalandong alang sa Ordinaryong Panahon
- Bunyag sa Ginoo
- Duha ka Bandila
- Tulo ka Matang sa mga Tawo
- Pagtintal
- Pagtawag sa mga Apostoles
- Kasal sa Cana
- Paghinlo sa Templo
- Wali sa Bukid
- Pagpakalma sa Bagyo
- Paglakaw Ibabaw sa Tubig
- Gipadala ang mga Apostoles aron Magsangyaw
- Pagkakabig ni Maria Magdalena
- Giunsa ni Kristo Pagpakaon ang Lima ka Libo
- Pagkausab sa Dagway ni Kristo
- Pagkabanhaw ni Lazaro
- Panihapon sa Betania
- Tulo ka Paagi sa Pagpaubos
Anaa sa paperback ug eBook:
Amazon – Google Play– iTunes – Barnes & Noble
Pasiuna
Ang napulog-pito ka pagpamalandong niini nga seksiyon gamiton sa duha ka higayon sa tuig nga anaa kita sa Panahon sulod sa Tuig. Kadaghanan sa mga pagpamalandong niini nga seksiyon naggikan sa โIkaduhang Semanaโ sa Mga Espirituhanong Pagbansay.
Una, pagkahuman sa Panahon sa Pasko, sugdi sa Pista sa Pagbunyag sa Ginoo, nga mopuli sa Unang Domingo sa Panahon sulod sa Tuig. Ang gidugayon niini nga bahin sa Panahon sulod sa Tuig magkalahi matag tuig depende kon kanus-a motunong ang Miyerkoles sa Badlis. Busa, pipila lamang niini nga mga pagpamalandong ang inyong gamiton niining bahina sa Panahon sulod sa Tuig sa dili pa ang Kwaresma.
Ang nahibiling mga pagpamalandong niini nga seksiyon angay gamiton human matapos ang Panahon sa Pasko sa Pagkabanhaw pinaagi sa pagsaulog sa Solemnidad sa Pentekostes. Busa, ang nahibiling mga pagpamalandong niini nga seksiyon gamiton sa dihang magpadayon na pag-usab ang Panahon sulod sa Tuig. Kon mahuman ninyo ang tanang pagpamalandong sa ulahing bahin sa ting-init o sa sayong bahin sa tingdagdag, sa ulahing bahin sa Panahon sulod sa Tuig, mahimo ninyong balikan ang pipila sa mga pagpamalandong nga labing nakatandog kaninyo sa tibuok tuig.
