मला जाणून घेण्यासाठी तुझा वेळ वापर.
माझे ऐक आणि मला स्वतःला तुला देऊ दे.
तुला वापरता यावा म्हणून मी तुला वेळ देतो.
तुला त्याचा आनंद घेता यावा म्हणून मी तुला वेळ देतो.
ही देणगी शांत मनाने स्वीकार.
तुला मिळालेल्या वेळेच्या देणगीचा उपयोग
मी तुला दाखवलेल्या दिशेनुसार कर.
इतरांच्या माध्यमातून मी तुला जे सांगतो ते ऐक.
ज्ञानाचे हे शब्द माझ्याकडून स्वीकार
आणि त्या ज्ञानाच्या आधारे तुझा मौल्यवान वेळ कसा वापरायचा ते ठरव.
सगळेच समजून घेण्याचा प्रयत्न करू नकोस,
कारण अशा प्रयत्नांनी तू थकून जाशील.
तुला दिलेल्या ज्ञानाच्या शब्दांवर
विश्वास ठेवायला तयार राहा.
तुझ्या मनातला अविश्वास सोडून दे;
तो तुला माझ्याकडे नेत नाही.
मी तुला इजा करणार नाही.
एखादे लहान मूल जसा आपल्या आईवडिलांवर विश्वास ठेवते, तसा माझ्यावर विश्वास ठेव.
मला तुला वाट दाखवू दे.
मला तुला मदत करू दे.
मला तुला आशीर्वाद देऊ दे.
तुझ्या मनातला अविश्वास दूर करून मला तुला बरे करू दे.
तुझा वेळ मला दे.
तू असे केलेस, तर
जे काही आशीर्वादित आहे
आणि अजून तुला माहीत नाही, ते सर्व मी तुला देईन.
