என்னை அறிந்துகொள்ள உன் நேரத்தைப் பயன்படுத்து.
எனக்குச் செவிகொடு; என்னையே உனக்குக் கொடுக்க என்னை அனுமதி.
நீ பயன்படுத்திக்கொள்ள நான் உனக்கு நேரம் தருகிறேன்.
நீ மகிழ்ந்திருக்க நான் நேரம் தருகிறேன்.
இந்தக் கொடையுடன் அமைதியாக இரு.
உனக்குக் கொடையாகக் கிடைத்த நேரத்தை நெறிப்படுத்து,
நான் உனக்குக் காட்டும் வழியில்.
பிறர் வழியாக நான் உன்னிடம் பேசும் வார்த்தைகளுக்குச் செவிகொடு.
இந்த ஞான வார்த்தைகளை என்னிடமிருந்து பெற்றுக்கொள்;
இந்த அறிவைக் கொண்டு உன் விலைமதிப்பற்ற நேரத்தை நெறிப்படுத்து.
எல்லாவற்றையும் புரிந்துகொள்ள முயலாதே,
ஏனெனில் இந்த முயற்சிகளால் நீ சோர்ந்துபோவாய்.
ஞான வார்த்தைகளை நம்ப மனம்கொள்,
அவை உனக்கு வழங்கப்படுகின்றன.
உன் அவநம்பிக்கையை விட்டுவிடு;
அது உன்னை என்னை நோக்கி இட்டுச் செல்வதில்லை.
நான் உனக்குத் தீங்கு செய்யமாட்டேன்.
ஒரு சிறுமி தன் தாயையும் தந்தையையும் நம்புவதுபோல் என்னை நம்பு.
உன்னை வழிநடத்த என்னை அனுமதி.
உனக்கு உதவ என்னை அனுமதி.
உன்னை ஆசீர்வதிக்க என்னை அனுமதி.
அவநம்பிக்கையிலிருந்து உன்னைக் குணப்படுத்த என்னை அனுமதி.
உன் நேரத்தை எனக்குக் கொடு.
நீ இதைச் செய்தால்,
ஆசிபெற்றதும்
நீ அறியாததுமான அனைத்தையும் நான் உனக்குத் தருவேன்.