पवित्र शास्त्राचे वाचन: मत्तय 14:13–21
संदर्भ: बाप्तिस्मा देणाऱ्या योहानाचा शिरच्छेद झाल्याचे येशूंना कळते, त्यानंतर लगेचच हा उतारा सुरू होतो. येशू तेथून निघून एका ‘एकांतस्थळी’ गेले. योहानाच्या पावलांवर पाऊल ठेवण्याची आपली वेळ अजून आलेली नाही, हे कदाचित येशूंना ठाऊक होते; म्हणून ते तिथून निघून गेले. पण लोकांना हे कळल्यावर त्यांनी येशूंचा शोध घेतला आणि ते जिथे होते तिथे ते पोहोचले. येशूंना त्या जमावाचा फार कळवळा आला आणि त्यांनी त्यांच्यातील आजाऱ्यांना बरे केले.
उरलेला सगळा दिवस लोक येशूंबरोबर राहिले आणि खाण्याची त्यांना काहीच चिंता नसल्यासारखे दिसत होते. येशूंविषयीच्या विस्मयाने ते इतके भारावून गेले होते की त्यांना खाण्याचेही भान राहिले नाही.
चिंतन: वरील शास्त्रउतारा प्रार्थनापूर्वक वाचताना, चिंतनासाठी पुढील मुद्द्यांची मदत घेऊ शकता:
- ते निर्जन स्थळ डोळ्यांसमोर आणा.
- आता कल्पना करा की येशू त्या स्थळी गेले हे ज्यांना कळले, त्यांच्यापैकी तुम्ही एक आहात. येशूंच्या मागे जाण्याची ओढ तुमच्या मनात किती खोलवर रुजते आणि उत्कट होत जाते, हे अनुभवा. येशूंपर्यंतच्या त्या पायी प्रवासाचे चिंतन करा.
- तुम्ही जमावाबरोबर येशूंजवळ पोहोचता, तेव्हा त्यांच्या डोळ्यांतला कळवळा तुम्हाला दिसतो. मग अनेक आजाऱ्यांना ते एकेक करून बरे करताना तुम्ही पाहता. तुम्ही विस्मयाने पाहत राहता.
- अनेक तास उलटून गेले तरी तुम्ही काहीही न खाता तिथेच राहता. येशूंबरोबर राहावे, एवढीच तुमची इच्छा आहे. या इच्छेचे चिंतन करा: ती तुम्हाला येशूंवर कोणतीही शंका न बाळगता भरवसा ठेवायला आणि त्यांच्यावर आशा ठेवायला प्रवृत्त करते. त्या भरवशामुळे बाकी सगळ्या चिंता दूर होतात, अगदी अन्नाची आणि निवाऱ्याची चिंताही.
- या चमत्काराचे वर्णन सावकाश वाचा (वचने 16–20) आणि हे सारे घडत असताना आपण तिथेच आहोत, अशी सहज कल्पना करा.
- थोडा वेळ चिंतन केल्यावर, शेवटी 5,000 पुरुषांच्या (आणि त्यांच्याबरोबरच्या स्त्रिया व मुलांच्या) त्या प्रचंड जमावाकडे नजर टाका. त्या पाच भाकऱ्या आणि दोन मासे यांतून त्या सर्वांना जेवायला मिळाले, हे लक्षात घ्या.
मुख्य चित्र: भाकऱ्या आणि माशांची अद्भुत वाढ — फ्रान्सिस्को दे हेरेरा (ज्येष्ठ) यांचे चित्र
- प्रभूचा बाप्तिस्मा
- दोन ध्वज
- माणसांचे तीन प्रकार
- मोह
- प्रेषितांना पाचारण
- काना येथील विवाहसोहळा
- मंदिराचे शुद्धीकरण
- डोंगरावरील प्रवचन
- वादळ शांत करणे
- पाण्यावरून चालणे
- प्रेषितांना सुवार्तेचा प्रचार करण्यासाठी पाठवले
- मरिया मग्दालेनाचे मनपरिवर्तन
- ख्रिस्ताने पाच हजार लोकांना कसे जेवू घातले
- ख्रिस्ताचे रूपांतर
- लाझरचे पुनरुत्थान
- बेथानीतील रात्रीचे भोजन
- नम्रतेचे तीन मार्ग
