ለደስታህና ለሰላምህ ወደ እኔ ተመልከት፤
እነዚህን ፍሬዎች ታገኛለህ፣
ቃሌን በሕይወትህ ከተገበርህ።
ብዙ ጥያቄዎች ይነሣሉ፣
ብዙ መልሶችም አይታወቁህም።
እነዚህ መልሶች የግንዛቤህ ክፍል ሊሆኑ ይችላሉ፣
የምሰጥህን ጥበብ ካዳመጥህ።
ይህ ጥበብ እንድትረዳ ይረዳሃል፣
ለአንተ የተዘጋጀውን አቅጣጫ።
ይህን አቅጣጫ ፈልግ፣
ይሰጥህማል።
ለውጥን አትፍራ፣
ለእድገትህና ለመዳበርህ የሚሆን ነውና።
ለውጥን ተመልከተው፣
ከእኔ እንደመጣ ስጦታ፣
አመለካከትህን ወደ እኔ አመለካከት እንደሚያቀርብ።
ማስተዋልን ተመልከተው፣
ከእኔ እንደመጣ ስጦታ።
የሚነሣሡልህን መልካም ሐሳቦችና ጥበብህን ለሌሎች አካፍል፣
እንዲያድጉ፣
እኔንም ይበልጥ እንዲያስተውሉ።
ለብርታት ወደ እኔ ተመልከት፣
ይህን በረከት እሰጥሃለሁና፣
በሚያስፈልግህ ጊዜ።
ጸጋዬ እንዲያበረታህ ለምን።
ብርታትህ ይጠቅማል፣
ሌሎችን ወደ እኔ ለመምራት።
ለጥያቄዎችህ መልስ ወደ እኔ ተመልከት።
እመልስልሃለሁ፣
ጥያቄዎችህን ይዘህ ወደ እኔ ከመጣህ።
ለእኔ የምታውለው ጊዜህ መባህ ነው።
መንገዶችን መፈለግ ይገባሃል፣
ሕዝቤን ወደ እኔ ይበልጥ የሚያቀርቡ።
አዲስ መንገዶችን መፍጠር አያስፈልግህም፤
ብዙ ሁኔታዎች አስቀድመው አሉ፣
እገዛ ልታደርግባቸው የምትችል።
አስቀድሞ ያለውን ፈልግ፣
እነዚህንም ፍላጎቶች ለማሟላት አስተዋጽኦ አድርግ።
እነዚህ ፍላጎቶች ግልጽ ይሆኑልሃል፣
እንዳሉ ካስተዋልህ።
ሌሎችን የምትረዳባቸውን መንገዶች ፈልግ፣
እኔን ይበልጥ እንዲያውቁ።
ብዙ አጋጣሚዎች ይቀርባሉ፣
ለዚህ ሥራ አስተዋጽኦ ማድረግ ለሚፈልጉ።
የሚያስፈልግህን ብርታትና አቅጣጫ ለማግኘት ወደ እኔ ተመልከት።
በእነዚህ ስጦታዎች እባርክሃለሁ፣
አስፈላጊ በሚሆኑበት ጊዜ።
በየቀኑ የሚያጋጥሙህን ውስብስብ ችግሮች ለመረዳት ወደ እኔ ተመልከት፣
በሚያጋጥምህ እያንዳንዱ ፈተና እንድትከተለው የምፈልገውን ትክክለኛ አቅጣጫ ሁልጊዜ መለየት አትችልምና።
ይህን ጸጋ ፈልግ፣
ይሰጥህማል።
ይህን እውነት ተቀበል፣
እንዲሁም አካፍለው፣
ግራ ለተጋቡ፣ ለተሳሳቱ፣ ለማያውቁና በመንፈስ ድኆች ለሆኑ።
ብዙ ጊዜ በቃሌ እናገርሃለሁ፣
ምልክቶችንና አቅጣጫን አሳይሃለሁ፣ መንፈሳዊ መነሣሣትንም እሰጥሃለሁ።
እነዚህ ቃሎችና መመሪያዎች ለአንተ ናቸው፣
ስለ እኔ ይበልጥ እንድታውቅ፣
በምድር ያለህንም ጊዜ በትክክል እንድትመራ።
የምሰጥህን መመሪያ በትኩረት ተቀበል፤
ይህን እርዳታ ለማግኘት ጸልይ።
እንድረዳህና እንድመራህ ለምነኝ።
ልረዳህ እፈልጋለሁ።
በዚህ እርዳታ እንድትተማመን እፈልጋለሁ።
ብዙ ጊዜ ሳትጠይቅ እርዳታ እሰጥሃለሁ።
ብዙ ጊዜ የምሰጥህን እርዳታ አትቀበልም።
ለሁሉም ነገር ወደ እኔ ተመልከት፣
የሚያስፈልግህን ሁሉ አቀርብልሃለሁና።
በረከቶቼን አትመዝን፣
ተስፋ መቁረጥ ወይም ቅጣት በሚመስልህ ነገር ላይ ተመሥርተህ።
ብዙ ጊዜ እነዚህ መጥፎ ዕድሎች የሚመስሉህ፣
ከምሰጥህ በረከቶች ሁሉ እጅግ ፍሬያማ የሆኑት ናቸው።
እነዚህን በረከቶች ለምን፣ ወደ እኔም ተመልከት።