Hinahanap mo ang hindi mo nalalaman
ngunit hindi mo ito matagpuan.
Hanapin mo Ako
at matatagpuan mo ang iyong hinahanap.
Anong kagalakan ang natatagpuan mo
sa iyong ginagawa?
Anong kaligayahan ang natatagpuan mo
sa iyong tinataglay?
Anong kapayapaan ang nagmumula
sa mga pangyayari at hangaring ito.
Ituon mo sa Akin ang iyong hangarin
at matatagpuan mo ang iyong kapayapaan.
Ituon mo sa Akin ang iyong pag-asa
at matatagpuan mo ang iyong kinabukasan.
Bumaling ka sa Akin nang buong puso
at makikita mo ang Aking hangarin para sa iyo.
Bumaling ka sa Akin
at matatagpuan mo ang kagalakang naghihintay sa iyo.
Isantabi mo ang iyong takot
at palitan ito ng pag-asa.
Alisin mo sa iyong isipan
ang anumang humahadlang sa paglapit mo sa Akin.
Ilagay mo ang iyong pasanin sa Aking mga kamay,
at aalisin Ko ito sa iyo.
Dalhin mo sa Akin ang iyong mga pag-aalinlangan,
sapagkat bubulagin ka ng mga ito.
Hindi makakita ang isang bulag
dahil wala siyang kakayahang makakita.
Kapag naalis ang hadlang na ito,
maaari na siyang makakita.
Kapag naalis ang iyong pagkabulag,
maaari ka nang makakita.
Ano ang mga takip sa iyong mga mata?
Kapag hinahanap mo Ako,
ano ang iyong natatagpuan?
Nagdudulot ba ang iyong pagkabulag ng maling pagtingin?
Kapag nakikita mong kumikilos ang Aking kamay,
ano ang iyong nakikitang larawan Ko?
AKO ANG hinahanap mo.