Gipangita nimo ang wala nimo mailhi
apan wala nimo kini makaplagi.
Pangitaa Ako
ug makaplagan nimo ang imong gipangita.
Unsang kalipay ang imong makaplagan
sa imong gibuhat?
Unsang kalipayan ang imong makaplagan
sa imong nabatonan?
Unsang kalinaw ang motungha
gikan niining mga panghitabo ug mga pangandoy.
Ipunting ang imong pangandoy Kanako
ug kaplagi ang imong kalinaw.
Ipunting ang imong paglaom Kanako
ug kaplagi ang imong kaugmaon.
Baling Kanako uban sa imong kasingkasing
ug tan-awa ang Akong pangandoy alang kanimo.
Ibaling ang imong kaugalingon Kanako
ug kaplagi ang kalipay nga nagpaabot kanimo.
Isalikway ang imong kahadlok
ug pulihi kini og paglaom.
Hawani ang imong hunahuna
sa mga butang nga nagpugong kanimo sa pagduol Kanako.
Ibutang ang imong palas-anon sa Akong mga kamot,
ug kuhaon Ko kini gikan kanimo.
Dad-a Kanako ang imong mga pagduhaduha,
kay kini makapabuta kanimo.
Ang usa ka buta dili makakita
tungod kay wala siyay katakos sa pagtan-aw.
Kon kining babag makuha na,
mahimo na siyang makakita.
Kon mawala na ang imong pagkabuta,
mahimo ka nang makakita.
Unsa may nagtabon sa imong mga mata?
Kon mangita ka Kanako,
unsa ang imong makaplagan?
Ang imong pagkabuta ba maoy hinungdan sa sayop nga panan-aw?
Kon makita nimo ang Akong kamot nga naglihok,
unsa ang imong panan-aw Kanako?
AKO MAO ang imong gipangita.