Pag-ampo sa Pasko

Malipayong Pasko!

Himaya sa Dios sa kahitas-an!

Akong hinigugmang Ginoong Jesus,

Gisimba Ko Ikaw uban sa lawom nga gugma ug nagmaya sa pagsaulog sa Imong pagkatawo.

Ang Imong gugma alang kanamo dili matugkad,

kini mahimayaon,

makapausab,

makapahingangha,

ug hilabihan ka personal.

Gipili Nimo ang pag-anhi ug pagpuyo uban kanamo,

nga natawo diha sa kakabos, pagsalikway ug pagkamapainubsanon.

Apan ang Imong inahan nasayod kon kinsa ang iyang gipanganak,

Ang iyang kasingkasing napuno sa labing malumong gugma

samtang iyang gisimba ang iyang Anak ug iyang Dios.

Tabangi ako, minahal nga Ginoo.

nga mahigugma Kanimo uban sa kasingkasing sa Imong inahan.

Dapita ako sa pagsimba Kanimo uban ni San Jose ug sa mga kabos nga magbalantay sa karnero.

Ipadayag kanako ang mahimayaong gahom sa Imong pagkatawo

ug usba ang akong kinabuhi pinaagi niining hingpit nga gasa sa Imong Kaugalingon.

Gihigugma Ko Ikaw, minahal nga Ginoong Jesus.

Tabangi ako sa paghigugma Kanimo sa tibuok kong kasingkasing.

Bag-ong Natawo nga Manluluwas sa Kalibotan,

Nagsalig ako Kanimo.

Inahang Maria ug San Jose,

Iampo ninyo ako ug ang tanan.

Amen.

Dugang nga mga Pamalandong sa Pasko: