Gamita ang imong kinitaan sa paghatag og kalipay
sa mga tawo nga imong gisuportahan.
Ayaw kabalaka kon pila ang anaa kanimo.
Ako ang magtagana!
Pagmatinabangon sa uban,
apan ayaw ibutang ang imong kaugalingon
sa usa ka kahimtang nga dili makatabang sa Akong buhat.
Kanunayng adunay mga kabos.
Dili Nako sukdon ang pagkabalaan pinaagi sa bahandi.
Gamita sa maalamong paagi ang Akong gihatag kanimo;
gihigugma ug gisaligan Ko ikaw.
Adunay gihatagan og daghan;
adunay gihatagan og mas diyutay;
adunay wala hatagi og bisan unsa.
Ako ang mohimo niining mga hukom.
Adunay nagkinahanglan og daghan;
ang uban wala.
Adunay nagtinguha og daghan;
ang uban wala.
Adunay takos makadawat og daghan;
ang uban dili.
Gihatag Ko sa tanan ang labing maayo alang kanila.
Gamita ang Akong gihatag kanimo
sa pagkamanggihatagon nga imong giisip nga angay.
Ayaw pagtugot nga ikaw madala
sa mga tinguha sa kalibotan.
Hibaloi ug saligi nga ang Akong gihatag kanimo
alang kanimo aron makatabang ka sa pagpanalangin niadtong labing suod kanimo ug niadtong Akong gidala kanimo aron tabangan.
Pakan-a ang mga gigutom;
tabangi ang mga kabos.
Kining mga tawhana naghulat sa imong tabang.
Naghatag Ako og bahandi niadtong
makaserbisyo sa uban niining paagiha.
Adunay modawat og bahandi
ug dili moalagad Kanako.
Kining matanga sa bahandi mapakyas.
Panalanginan Ko ikaw kon motabang ka sa uban.