Cebuano

Mga Pag-ampo kang San Jose

“Uban sa Kasingkasing sa Usa ka Amahan” (Patris corde)
Apostolikong Sulat ni Santo Papa Franciscoย 

Pag-ampo ni Santo Papa Francisco

Pag-ampo ni Santo Papa Leon XIII

Litaniya ni San Jose

Adlaw-adlaw nga Pag-ampo sa Nobena kang San Jose

Nobena kang San Jose

Usa ka Halad sa Buntag kang San Jose

Memorare kang San Jose

Pagpahinungod kang San Jose

Katloan ka Adlaw nga Pag-ampo kang San Jose

Mga Pag-ampo sa Pagpasidungog sa Pito ka Kasubo ug Pito ka Kalipay ni San Jose

Apostolikong Pagtambag bahin kang San Jose ni Santo Papa San Juan Pablo II

Ubang mga Dokumento, Pagtulon-an ug Homiliya bahin kang San Jose

Piniling mga Artikulo sa Buletin bahin kang San Jose


Pag-ampo ni Santo Papa Francisco kang San Jose

Aba, Tigbantay sa Manunubos,
Bana sa Mahal nga Birhen Maria.
Kanimo gitugyan sa Dios ang iyang bugtong Anak;
kanimo gibutang ni Maria ang iyang pagsalig;
uban kanimo si Kristo nahimong tawo.

Bulahang Jose, kanamo usab,
ipakita ang imong pagkaamahan
ug giyahi kami sa dalan sa kinabuhi.
Pangayoi kami ug grasya, kalooy ug kaisog,
ug panalipdi kami gikan sa tanang daotan. Amen.

(Gisulat ni Santo Papa Francisco saย Patris Corde.)


ย 

Pag-ampo ni Santo Papa Leon XIII kang San Jose

Kanimo, O bulahang Jose, kami midangop sa among kalisdanan, ug human sa pagpangamuyo sa tabang sa imong labing balaang Asawa, masaligon usab kaming nangayo sa imong panalipod.

Pinaagi sa gugma nga nagbugkos kanimo ngadto sa Putli nga Birheng Inahan sa Diyos ug pinaagi sa inamahan nga gugma nga imong gigakos sa Batang Jesus, mapaubsanon kaming nangamuyo nga mapuangoron mong tan-awon ang panulondon nga gitubos ni Jesucristo pinaagi sa iyang Dugo, ug uban sa imong gahom ug kusog tabangi kami sa among mga panginahanglan.

O labing mabinantayong magbalantay sa Balaang Pamilya, panalipdi ang piniling mga anak ni Jesucristo; O labing mahigugmaong amahan, ipahilayo kanamo
ang tanang makatakod nga kasaypanan ug makadaot nga impluwensiya; O among labing gamhanang tigpanalipod, malooy ka kanamo ug gikan sa langit tabangi kami sa among pakigbisog batok sa gahom sa kangitngit.

Maingon nga kaniadto imong giluwas ang Batang Jesus gikan sa makamatay nga katalagman, panalipdi karon ang Balaang Simbahan sa Diyos gikan sa mga lit-ag sa kaaway ug sa tanang kalisdanan; panalipdi usab ang matag usa kanamo pinaagi sa imong makanunayong panalipod, aron, inabagan sa imong panig-ingnan ug tabang, makahimo kami sa pagkinabuhi nga diosnon, sa pagkamatay diha sa pagkabalaan, ug sa pagkab-ot sa walay kataposang kalipay sa langit.

Amen.

(Gisulat ni Santo Papa Leon XIII sa iyang ensiklikal sa 1889,ย Quamquam pluries.)


Litaniya ni San Jose

Ginoo, kaloy-i kami.
Kristo, kaloy-i kami.
Ginoo, kaloy-i kami. Kristo, dungga kami.
Kristo, maloloy-ong dungga kami.

Diyos nga Amahan sa Langit,ย kaloy-i kami.
Diyos nga Anak, Manunubos sa kalibotan,ย kaloy-i kami.
Diyos nga Espiritu Santo,ย kaloy-i kami.
Santissima Trinidad, Usa ka Diyos,ย kaloy-i kami.

Santa Maria,ย iampo mo kami.
San Jose,ย iampo mo kami.
Halangdong anak ni David,ย iampo mo kami.
Kahayag sa mga patriarka,ย iampo mo kami.
Bana sa Inahan sa Diyos,ย iampo mo kami.
Putling magbalantay sa Birhen,ย iampo mo kami.
Amahang nag-amuma sa Anak sa Diyos,ย iampo mo kami.
Mabinantayong tigpanalipod ni Kristo,ย iampo mo kami.
Ulo sa Balaang Pamilya,ย iampo mo kami.

Jose nga labing matarong,ย iampo mo kami.
Jose nga labing putli,ย iampo mo kami.
Jose nga labing maalamon,ย iampo mo kami.
Jose nga labing maisogon,ย iampo mo kami.
Jose nga labing masinugtanon,ย iampo mo kami.
Jose nga labing matinumanon,ย iampo mo kami.
Salamin sa pagpailob,ย iampo mo kami.
Mahigugmaon sa kakabos,ย iampo mo kami.
Sumbanan sa mga mamumuo,ย iampo mo kami.
Himaya sa kinabuhi sa panimalay,ย iampo mo kami.
Magbalantay sa mga birhen,ย iampo mo kami.
Haligi sa mga pamilya,ย iampo mo kami.
Kahupayan sa mga sinakit,ย iampo mo kami.
Paglaom sa mga masakiton,ย iampo mo kami.
Patron sa mga himalatyon,ย iampo mo kami.
Kalisangan sa mga demonyo,ย iampo mo kami.
Tigpanalipod sa Balaang Simbahan,ย iampo mo kami.

Kordero sa Diyos, nga nagawagtang sa mga sala sa kalibotan,
Pasayloa kami, O Ginoo!
Kordero sa Diyos, nga nagawagtang sa mga sala sa kalibotan,
Maloloy-ong dungga kami, O Ginoo!
Kordero sa Diyos, nga nagawagtang sa mga sala sa kalibotan,
Kaloy-i kami!

V. Gihimo Niya siya nga agalon sa Iyang panimalay,
R.ย Ug pangulo sa tanan Niyang kabtangan.

Mag-ampo Kita
O Diyos, nga sa Imong dili mahulagway nga Providensya maloloy-ong nagpili kang Bulahang Jose aron mahimong bana sa Imong labing balaang Inahan, itugot, nangamuyo kami Kanimo, nga siya nga among gitahod isip among tigpanalipod dinhi sa yuta mahimong among tigpangamuyo sa Langit. Ikaw nga buhi ug nagahari hangtod sa kahangtoran. Amen.


Adlaw-adlaw nga Pag-ampo sa Nobena kang San Joseย 

(Ilabinang iampo matag adlaw gikan sa Marso 10โ€“18 isip pagpangandam sa Solemnidad ni San Jose, Bana ni Maria)

O San Jose, kansang pagpanalipod hilabihan kadako, kalig-on, ug kaabtik atubangan sa trono sa Diyos, gitugyan ko kanimo ang tanan kong mga kabalaka ug mga tinguha.

O San Jose, tabangi ako pinaagi sa imong gamhanang pagpangamuyo ug pangayoa alang kanako gikan sa imong diosnong Anak ang tanang espirituhanong panalangin pinaagi kang Jesukristo, Among Ginoo, aron, human nako masinati dinhi sa yuta ang imong langitnong gahom, makahalad ako sa akong pagpasalamat ug pagtahod sa labing mahigugmaon sa mga amahan.

O San Jose, dili gayod ako pul-an sa pagpamalandong kanimo ug kang Jesus nga natulog diha sa imong mga bukton. Dili ako mangahas sa pagduol samtang Siya nagpahulay duol sa imong kasingkasing. Gaksa Siya pag-ayo alang kanako ug hagki ang Iyang matahom nga ulo alang kanako, ug hangyoa Siya nga balosan ako og halok sa dihang mobuga ako sa akong kataposang gininhawa. San Jose, patron sa mga kalag nga mobiya na niining kinabuhia, iampo mo ako.

Amen.


Pag-ampo kang San Jose nga Mamumuo

O Mahimayaong San Jose, sumbanan sa tanan nga debotado sa pagpamuhat, pangayoa alang kanako ang grasya sa pagtrabaho diha sa diwa sa penitensya aron sa pagbayad-sala sa akong daghang mga sala; sa pagtrabaho nga matinud-anon sa konsensya, nga giuna ang tawag sa katungdanan labaw sa akong kinaiyanhong mga hilig; sa pagtrabaho uban ang pagpasalamat ug kalipay, nga giisip nga usa ka dungog ang paggamit ug pagpalambo pinaagi sa paghago sa mga gasa nga nadawat gikan sa Diyos; sa pagtrabaho uban ang kahapsay, kalinaw, pagkamakasaranganon, ug pagpailob, nga dili gayod mosibog tungod sa kakapoy ug mga pagsulay; labaw sa tanan, sa pagtrabaho uban ang kaputli sa tuyo ug walay pagkahakog, nga kanunayng maghunahuna sa kamatayon ug sa husay nga akong ihatag bahin sa panahon nga giusikan, mga talento nga wala gamita, kaayohan nga wala buhata, ug kawang nga pagkatagbaw sa kaugalingong kalamposan, nga makadaot pag-ayo sa buhat sa Diyos.

Ang tanan alang kang Jesus, ang tanan pinaagi kang Maria, ang tanan subay sa imong panig-ingnan, O Patriarka, San Jose.ย Mao kini ang akong panultihong sundon sa kinabuhi ug sa kamatayon. Amen.

(Gisulat ni Santo Papa San Pio X)


Halad sa Buntag ngadto kang San Jose

Dawata ako, minahal ug piniling Amahan, ug ang halad sa matag lihok sa akong lawas ug kalag, nga buot kong ipresentar pinaagi kanimo ngadto sa akong bulahang Ginoo.

Putlia ang tanan! Himoa ang tanan nga usa ka hingpit nga halad nga sinunog! Hinaot nga ang matag pitik sa akong kasingkasing mahimong usa ka Espirituhanong Komunyon, ang matag pagtan-aw ug hunahuna usa ka buhat sa gugma, ang matag buhat usa ka matam-is nga sakripisyo, ang matag pulong usa ka udyong sa Balaang gugma, ang matag lakang usa ka pagduol kang Jesus, ang matag pagduaw sa Atong Ginoo makapahimuot sa Dios sama sa mga buluhaton sa mga Anghel, ug ang matag paghunahuna kanimo, minahal nga Santos, usa ka buhat nga magpahinumdom kanimo nga ako imong anak.

Itugyan ko kanimo ang mga higayon nga kasagaran akong mapakyas, ilabina . . . [Mention these].

Dawata ang matag gamayng debosyon niining adlawa, bisan puno kini sa mga pagkadili-hingpit, ug ihalad kini kang Jesus, Kansang kalooy dili magtagad niining tanan, kay mas gipabilhan Niya ang gugma sa naghatag kay sa gasa mismo.

Amen.


Memorare ngadto kang San Jose

Hinumdomi, O labing putli nga kapikas sa Mahal nga Birhen Maria, akong gamhanang tigpanalipod, San Jose, nga wala gayoy midangop sa imong panalipod o nangamuyo sa imong tabang nga wala makadawat og kahupayan. Busa, sa pagsalig sa imong kaayo, moduol ako kanimo. Ayaw isalikway ang akong mga pangamuyo, amahang tig-amuma sa Manunubos, kondili dawata kini sa imong kaayo.

Amen.


Pagkonsagrar ngadto kang San Jose

O labing minahal nga San Jose, akong gikonsagrar ang akong kaugalingon alang sa imong kadungganan ug gitugyan ko ang akong kaugalingon kanimo, aron ikaw kanunay mahimong akong amahan, akong tigpanalipod, ug akong giya sa dalan sa kaluwasan. Pangayoa alang kanako ang dakong kaputli sa kasingkasing ug ang mainitong gugma sa kinabuhing espirituhanon sa sulod. Sa pagsunod sa imong panig-ingnan, hinaot nga buhaton ko ang tanan alang sa labawng himaya sa Dios, nga nahiusa sa Balaang Kasingkasing ni Jesus ug sa Putli nga Kasingkasing ni Maria! Ug ikaw, O Bulahang San Jose, iampo ako aron makaambit ako sa kalinaw ug kalipay sa imong balaang kamatayon.

Amen.


Traynta ka Adlaw nga Pag-ampo ngadto kang San Jose

Sumala sa usa ka karaang tradisyon, namatay si San Jose sa wala pa magsugod si Jesus sa Iyang publikong ministeryo. Busa, sa pagpasidungog sa 30 ka tuig nga gikauban ni San Jose sila si Jesus ug Maria, ang mosunod nga pag-ampo giampo sulod sa 30 ka adlaw.

Jose nga kanunayng bulahan ug mahimayaon, maluluy-on ug mahigugmaong amahan, ug matinabangong higala sa tanang anaa sa kasubo! Ikaw ang maayong amahan ug tigpanalipod sa mga ilo, ang tigpanalipod sa mga walay ikapanalipod, ang patron sa mga nanginahanglan ug sa mga naguol.

Tan-awa uban sa kaluoy ang akong pangamuyo. Tungod sa akong mga sala, miabot kanako ang matarong nga kasuko sa akong Dios, ug busa gilibotan ako sa kasubo. Kanimo, mahigugmaong magbalantay sa Pamilya sa Nazaret, modangop ako alang sa tabang ug panalipod. Busa, nangamuyo ako kanimo, pamatia uban sa pag-amuma sa usa ka amahan ang akong tim-os nga mga pag-ampo, ug pangayoa alang kanako ang mga grasya nga akong gipangayo.

Gipangayo ko kini tungod sa walay kinutobang kalooy sa walay kataposang Anak sa Dios, nga maoy nagtukmod Kaniya sa pag-angkon sa atong kinaiyahan ug sa pagkatawo niining kalibotan sa kasubo.

Gipangayo ko kini tungod sa kakapoy ug pag-antos nga imong giantos sa dihang wala kay nakaplagang kapasilongan sa balay-abutanan sa Betlehem alang sa Balaang Birhen, ni balay diin matawo ang Anak sa Dios. Unya, kay gisalikway kamo bisan asa, napugos ka sa pagtugot nga ang Rayna sa Langit manganak sa Manunubos sa kalibotan sulod sa usa ka langob.

Gipangayo ko kini tungod sa katahom ug gahom niadtong balaang Ngalan, Jesus, nga imong gihatag sa Bata nga takos simbahon.

Gipangayo ko kini tungod sa hilabihang kasakit nga imong gibati sa panagna sa balaang Simeon, nga nagpahayag nga ang Batang Jesus ug ang Iyang balaang Inahan mahimong mga biktima sa umaabot tungod sa atong mga sala ug sa ilang dakong gugma alang kanato.

Gipangayo ko kini pinaagi sa imong kasubo ug kasakit sa kalag sa dihang gipahibalo ka sa anghel nga gitinguha sa mga kaaway sa Batang Jesus ang pagpatay Kaniya. Tungod sa ilang daotang laraw, kinahanglan kang mokalagiw ngadto sa Ehipto uban Kaniya ug sa Iyang Bulahang Inahan.

Gipangayo ko kini tungod sa tanang pag-antos, kakapoy, ug kahago niadtong taas ug makuyaw nga panaw.

Gipangayo ko kini tungod sa tanan mong pag-amuma aron mapanalipdan ang Balaang Bata ug ang Iyang Putli nga Inahan sa inyong ikaduhang panaw, sa dihang gisugo kang mobalik sa imong kaugalingong nasod.

Gipangayo ko kini tungod sa imong malinawong kinabuhi sa Nazaret, diin nakasinati ka og daghang kalipay ug kasubo. Gipangayo ko kini tungod sa imong dakong kaguol sa dihang ang takos simbahong Bata nawala kanimo ug sa Iyang inahan sulod sa tulo ka adlaw.

Gipangayo ko kini tungod sa imong kalipay sa pagkakaplag Kaniya sa templo, ug sa kahupayan nga imong nakaplagan sa Nazaret samtang nagpuyo ka uban sa Batang Jesus.

Gipangayo ko kini tungod sa kahibulongang pagpasakop nga Iyang gipakita sa Iyang pagsunod kanimo.

Gipangayo ko kini tungod sa hingpit nga gugma ug pag-uyon nga imong gipakita sa pagdawat sa sugo sa Diyos nga mobiya ka niining kinabuhi ug sa pagpakig-uban kang Jesus ug Maria.

Gipangayo ko kini tungod sa kalipay nga mipuno sa imong kalag sa dihang ang Manunubos sa kalibotan, nga madaogon batok sa kamatayon ug impiyerno, misulod aron pagpanag-iya sa Iyang gingharian ug midala kanimo ngadto uban sa pinasahing mga pasidungog.

Gipangayo ko kini pinaagi sa mahimayaong Pagsaka ni Maria sa Langit, ug pinaagi sa walay kataposang kalipay nga imong natagamtam uban kaniya sa atubangan sa Diyos. O maayong amahan! Nagpakilooy ako kanimo, tungod sa tanan mong mga pag-antos, mga kasubo, ug mga kalipay, nga paminawon mo ako ug ipangayo alang kanako ang akong gipangayo.

(Dinhi isulti ang imong mga pangamuyo o hunahunaa kini.)

Ipangayo alang sa tanan nga nangayo sa akong mga pag-ampo ang tanang mapuslanon alang kanila sumala sa laraw sa Diyos. Sa kataposan, akong minahal nga patron ug amahan, ubanan mo ako ug ang tanan kong mga minahal sa among kataposang mga gutlo, aron sa kahangtoran makaawit kami og mga pagdayeg kang: JESUS, MARIA UG JOSE.

โ€œSan Jose, hinaot magkinabuhi kami nga walay ikasaway, ug pinaagi sa imong mahigugmaong pagpanalipod maluwas kami gikan sa katalagman.โ€


Mga Pag-ampo sa Pagpasidungog sa Pito ka Kasubo ug Pito ka Kalipay ni San Jose

Sinugdanan niining debosyon: Duha ka prayleng Pransiskano ang naglawig daplin sa baybayon sa Flanders sa dihang miabot ang usa ka makalilisang nga unos nga nakapalunod sa sakayan uban sa tulo ka gatos ka pasahero niini. Apan ang duha ka prayle nakagunit sa usa ka tabla sulod sa tulo ka adlaw ug tulo ka gabii samtang walay hunong nga nag-ampo kang San Jose. Nagpakita gayod kanila si San Jose ingon nga usa ka batan-ong lalaki ug mitabang kanila nga makaabot sa luwas nga dapit. Unya gisultihan niya sila nga mag-ampo matag adlaw sa Amahan Namo ug Maghimaya ka Maria sa makapito aron sa paghinumdom sa iyang pito ka kasubo ug pito ka kalipay. Ang mga pag-ampo sa ubos gisulat ni Venerableng Januarius Sarnelli, C.S.S.R. (namatay niadtong 1744) ug mahimong gamiton sa pagtuman niining debosyon. Mahimo kining ampoan sulod sa pito ka sunodsunod nga Domingo, pito ka sunodsunod nga adlaw, o tanan sa usa ka higayon. Alang niadtong buot mag-ampo niini matag adlaw, ang mosunod nga han-ay maoy usa ka paagi nga mahimong sundon:

Unang Kasubo/Kalipay: Mga Domingo

Ikaduhang Kasubo/Kalipay: Mga Lunes

Ikatulong Kasubo/Kalipay: Mga Martes

Ikaupat nga Kasubo/Kalipay: Mga Miyerkules

Ikalimang Kasubo/Kalipay: Mga Huwebes

Ikaunom nga Kasubo/Kalipay: Biyernes

Ikapitong Kasubo/Kalipay: Sabado


Unang Kasubo:ย Ang pagduhaduha ni San Jose.

Apan si Jose nga iyang bana, kay usa ka matarong nga tawo ug dili buot magpakaulaw kaniya, nagtinguha nga bulagan siya sa tago. (Mateo 1:19)

Unang Kalipay: Ang mensahe sa Anghel.

Apan samtang naghunahuna siya niining mga butanga, ania karon, usa ka anghel sa Ginoo nagpakita kaniya sa damgo, nga nag-ingon, โ€œAyaw kahadlok, Jose, anak ni David, sa pagdawat kang Maria nga imong asawa, kay ang gipanamkon diha kaniya gikan sa Espiritu Santo. (Mateo 1:20)

O putli nga Bana ni Maria nga labing balaan, mahimayaong San Jose, dako ang kabalaka ug kasakit sa imong kasingkasing sa dihang nagtinguha ka nga bulagan sa tago ang imong wala mahugawi nga Asawa, apan dili maasoy ang imong kalipay sa dihang gipahibalo kanimo sa Anghel ang labaw sa tanan nga misteryo sa Pagpakatawo sa Diyos!

Tungod niining kasubo ug kalipay, nangamuyo kami kanimo nga lipayon mo ang among mga kalag, karon ug sa mga kasubo sa among kataposang takna, pinaagi sa kalipay sa usa ka maayong kinabuhi ug balaang kamatayon nga sama sa imoha, diha sa mga bukton ni Jesus ug Maria.

Amahan Namo . . .
Maghimaya ka Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikaduhang Kasakit:ย Ang kakabos sa pagkatawo ni Jesus.

Ug iyang gianak ang iyang panganay nga anak nga lalaki, giputos kini sa mga lampin, ug gipahigda sa pasungan, kay walay dapit alang kanila sa balay-abotanan. (Luke 2:7)

Ikaduhang Kalipay:ย Ang pagkatawo sa Manluluwas.

Ug ang anghel miingon kanila, โ€œAyaw kamo kahadlok, kay ania, nagdala ako kaninyo og maayong balita sa dakong kalipay alang sa tanang katawhan; kay karong adlawa sa lungsod ni David, natawo alang kaninyo ang usa ka Manluluwas, nga mao si Kristo nga Ginoo.โ€ (Luke 2:10-11)

O labing bulahang Patriarka, mahimayaong San Jose, nga gipili aron mahimong amahan nga tig-atiman sa Pulong nga nahimong tawo, ang imong kasakit sa pagkakita sa Bata nga si Jesus nga natawo sa hilabihang kakabos kalit nga nahimong langitnong pagmaya sa imong pagkadungog sa awit sa mga anghel ug pagkakita sa mga kahimayaan niadtong masanag nga gabii.

Pinaagi niining kasakit ug kalipay, nangamuyo kami kanimo nga pangayoon mo alang kanamo ang grasya nga, sa among pagpanaw gikan sa dalan niining kinabuhi, madungog namo ang mga awit sa pagdayeg sa mga anghel, ug makapahimulos kami sa kasanag sa langitnong himaya.

Amahan Namo . . .
Aba Ginoong Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikatulong Kasakit: Ang Pagtuli.

Ug sa pagkatuman sa walo ka adlaw alang sa iyang pagtuli, ginganlan siya og Jesus, ang ngalan nga gihatag kaniya sa anghel sa wala pa siya gipanamkon sa sabakan. (Luke 2:21)

Ikatulong Kalipay:ย Ang Balaang Ngalan ni Jesus.

Ug wala siya makighilawas kaniya hangtod nga iyang gianak ang iyang panganay nga anak nga lalaki. Ug iyang ginganlan kini og Jesus. (Matt. 1:25)

O mahimayaong San Jose, matinumanon kang mituman sa balaod sa Dios, ug ang imong kasingkasing natusok sa pagkakita sa Bililhong Dugo nga giula sa Masuso nga Manluluwas sa Iyang Pagtuli, apan ang Ngalan ni Jesus mihatag kanimo og bag-ong kinabuhi ug mipuno kanimo sa malinawong kalipay.

Pinaagi niining kasakit ug kalipay, pangayoa alang kanamo ang grasya nga mahigawas sa tanang sala sa tibuok namong kinabuhi, ug mamatay nga nagmaya, uban sa balaang Ngalan ni Jesus diha sa among mga kasingkasing ug sa among mga ngabil.

Amahan Namo . . .
Aba Ginoong Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikaupat nga Kasakit:ย Ang panagna ni Simeon.

Ug gipanalanginan sila ni Simeon, ug siya miingon kang Maria nga iyang inahan, โ€œTan-awa, kining bataa gitagana alang sa pagkapukan ug pagbangon sa daghan sa Israel, ug isip usa ka timaan nga supakon. Ug ang imong kaugalingong kalag pagatusokon sa usa ka espada. (Luke 2:34)

Ikaupat nga Kalipay:ย Ang mga bunga sa Katubsanan.

Ug sa iyang pagduol niadtong taknaa, misugod siya sa pagdayeg sa Ginoo, ug misulti mahitungod kaniya ngadto sa tanan nga nagpaabot sa katubsanan sa Jerusalem. (Luke 2:38)

O labing matinumanong Santos nga nakaambit sa mga misteryo sa atong Katubsanan, mahimayaong San Jose, ang panagna ni Simeon mahitungod sa mga pag-antos ni Jesus ug Maria nakapakurog kanimo sa hilabihang kahadlok, apan sa samang higayon mipuno kanimo sa bulahang kalipay tungod sa kaluwasan ug mahimayaong pagkabanhaw nga, sumala sa iyang panagna, makab-ot sa dili maihap nga mga kalag.

Pinaagi niining kasakit ug kalipay, pangayoa alang kanamo nga malakip kami sa gidaghanon niadtong, pinaagi sa mga merito ni Jesus ug sa pagpataliwala ni Maria nga Birhen ug Inahan, gitagana nang daan alang sa mahimayaong pagkabanhaw.

Amahan Namo . . .
Aba Ginoong Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikalimang Kasakit:ย Ang pagkalagiw ngadto sa Ehipto.

Busa mibangon siya, ug gidala ang bata ug ang iyang inahan sa kagabhion, ug milakaw ngadto sa Ehipto. (Matthew 2:14)

Ikalimang Kalipay: Ang pagkapukan sa mga diosdios sa Ehipto.

Ang bug-at nga panagna batok sa Ehipto. Tan-awa, ang Ginoo mosakay sa usa ka matulin nga panganod ug mosulod sa Ehipto, ug ang mga diosdios sa Ehipto mokurog sa iyang presensiya, ug ang kasingkasing sa Ehipto matunaw sulod niini. (Isiah 19:1)

O labing mabinantayong Magbalantay sa Anak sa Diyos nga Nahimong Tawo, mahimayaong San Jose, unsa kadako sa imong paghago sa pagbuhi ug pag-alagad sa Anak sa Labing Halangdong Diyos, ilabina sa pagkalagiw ngadto sa Ehipto! Apan sa samang higayon, unsa kadako sa imong kalipay nga kanunay nimong kauban ang Diyos Mismo, ug sa pagkakita sa mga diyosdiyos sa mga Ehiptohanon nga nangahapa sa yuta sa Iyang atubangan.

Pinaagi niining kasubo ug kalipay, pangayoa alang kanamo ang grasya nga makapabilin kaming luwas gikan sa malupigong magmamando sa impiyerno, ilabina pinaagi sa paglikay sa mga higayon nga makapameligro kanamo sa pagpakasala; hinaot nga mawagtang sa among mga kasingkasing ang matag diyosdiyos sa kalibotanong pagmahal; hinaot nga bug-os kaming maghalad sa among kaugalingon sa pag-alagad kang Jesus ug Maria, ug alang lamang kanila kami mabuhi ug mamatay nga malipayon.

Amahan Namo . . .
Aba Ginoong Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikaunom nga Kasubo: Ang pagbalik gikan sa Ehipto.

Apan sa pagkadungog niya nga si Arquelao maoy naghari sa Judea puli sa iyang amahan nga si Herodes, nahadlok siya sa pag-adto didto; ug sa dihang gipasidan-an siya pinaagi sa damgo, mipahilayo siya ngadto sa rehiyon sa Galilea. (Matt. 2:22)

Ikaunom nga Kalipay: Ang kinabuhi uban kang Jesus ug Maria sa Nazaret.

Ug sa dihang natuman na nila ang tanang gisugo sa Balaod sa Ginoo, namalik sila sa Galilea, ngadto sa ilang kaugalingong lungsod sa Nazaret. (Luke 2:39)

O mahimayaong San Jose, usa ka anghel dinhi sa yuta, nahibulong ka sa pagkakita sa Hari sa Langit nga masinugtanon sa imong mga sugo, apan ang imong kahupayan sa pagdala kang Jesus pagawas sa yuta sa Ehipto nasamok tungod sa imong kahadlok kang Arquelao; bisan pa niana, sa dihang gipasaligan ka sa Anghel, nagpuyo ka nga malipayon sa Nazaret uban kang Jesus ug Maria.

Pinaagi niining kasubo ug kalipay, pangayoa alang kanamo nga ang among mga kasingkasing mahigawas sa makadaot nga mga kahadlok, aron kami magmalipayon diha sa kalinaw sa konsensiya ug magpuyo nga luwas uban kang Jesus ug Maria ug, sama kanimo, mamatay nga kauban sila.

Amahan Namo . . .
Aba Ginoong Maria . . .
Himaya sa Amahan . . .ย 

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.


Ikapitong Kasubo: Ang pagkawala sa Batang Jesus.

Ug kay wala man nila Siya makaplagi, namalik sila sa Jerusalem aron sa pagpangita Kaniya. (Luke 2:45)

Ikapitong Kalipay: Ang pagkakaplag sa Batang Jesus sa Templo.

Ug nahitabo nga human sa tulo ka adlaw, ilang nakaplagan Siya sa Templo, nga naglingkod taliwala sa mga magtutudlo, naminaw kanila ug nangutana kanila. (Luke 2:46)

O mahimayaong San Jose, sulondan sa tanang pagkabalaan, sa dihang nawala kanimo ang Batang Jesus nga wala kay bisan unsang sala niini, masulob-on kang nangita Kaniya sulod sa tulo ka adlaw, hangtod nga uban sa dakong kalipay imong nakaplagan Siya pag-usab sa Templo, nga naglingkod taliwala sa mga magtutudlo sa Balaod.

Pinaagi niining kasubo ug kalipay, kinasingkasing kaming nangamuyo kanimo nga panalipdan kami aron dili gayod kami mahiagom sa kaalautan sa pagkawala ni Jesus tungod sa sala nga makamatay; apan kon kining labing dakong kaalautan modangat kanamo, itugot nga pangitaon namo Siya uban sa walay hunong nga kasubo hangtod nga makaplagan namo Siya pag-usab, nga andam mopakita kanamo sa Iyang dakong kalooy, ilabina sa takna sa kamatayon; aron kami makatabok ngadto sa Langit ug makatagamtam sa Iyang presensiya; ug didto, uban kanimo, hinaot nga makaawit kami sa mga pagdayeg sa Iyang Diyosnong kalooy hangtod sa kahangtoran.

Amahan Namo . . .
Aba Ginoong Maria . . .
Himaya sa Amahan . . .

Mag-ampo Kita.

O Dios, nga sa Imong dili mahulagway nga Providensiya midangat sa pagpili kang Bulahang Jose aron mahimong kapikas sa Imong labing balaan nga Inahan, itugot, nangamuyo kami Kanimo, nga siya nga among gipasidunggan isip among tigpanalipod dinhi sa yuta mahimong among tigpataliwala sa Langit. Ikaw nga buhi ug nagahari hangtod sa kahangtoran.ย 

Amen.