
Ang akong kalag nagmantala sa pagkahalangdon sa Ginoo,
ang akong espiritu nagmaya sa Dios nga akong Manluluwas
kay iyang gitan-aw uban sa kaluoy ang iyang ubos nga sulugoon.
Gikan niining adlawa, tawgon akong bulahan sa tanang kaliwatan:
ang Makagagahum sa tanan nagbuhat ug dagkong mga butang alang kanako,
ug balaan ang iyang Ngalan.
Siya adunay kaluoy sa mga may kahadlok kaniya
sa matag kaliwatan.
Iyang gipakita ang kusog sa iyang bukton,
iyang gipatibulaag ang mga mapahitas-on sa ilang pagkamapagarbohon.
Iyang gipukan ang mga gamhanan gikan sa ilang mga trono,
ug gibayaw ang mga ubos.
Iyang gibusog ang mga gigutom sa maayong mga butang,
ug ang mga adunahan iyang gipapahawa nga walay dala.
Siya mitabang sa iyang sulugoon nga Israel
kay iyang nahinumdoman ang iyang saad sa kaluoy,
ang saad nga iyang gihimo sa atong mga katigulangan,
kang Abraham ug sa iyang mga kaliwat hangtod sa kahangtoran.
Himaya sa Amahan, ug sa Anak,
ug sa Espiritu Santo:
maingon sa sinugdan, mao usab karon,
ug hangtod sa kahangtoran.
Amen.
Adlaw-adlaw nga mga Pamalandong