Daghang higayon gitugotan Ko ikaw nga moantos og dakong kasakit.
Isipa kining mga kasinatian nga usa ka panalangin.
Mawala ang imong pag-antos
samtang imong itugyan Kanako ang imong kasakit.
Kining mga kasinatian makapatubo kanimo,
aron madala Ko ikaw ngadto sa sunod nga hugna sa Akong laraw.
Ayaw na lingi-a ang imong pag-antos.
Ang tawong maalamon nakasabot.
Naila niya ang Akong kaayo ug nakasabot siya
nga ang tanan niyang giantos nagpalig-on kaniya sa pag-alagad Kanako.
Pilia kon unsang direksiyon ang imong sundon,
apan sabta nga ang Akong mga dalan
dili kanunay sayon sabton sa tanan.
Pilia ang Akong dalan,
ug panalanginan ka.
Walay kaayohan alang kanimo ang pagpas-an sa kahadlok
kon mosunod ka sa Akong mga dalan.
Ang imong kasakit naghatag og pagdayeg Kanako
kon makaamgo ka nga nag-antos ka alang sa Akong katuyoan.
Batia ang kusog nga nagtubo sulod kanimo
samtang imong gipili ang Akong dalan.
Tugoti kining kalinaw nga mosulod kanimo, mopuno kanimo, mopataas kanimo,
ug moawas ngadto sa mga tawo nga imong ikahibalag sa imong dalan.