Cebuano

Mga Pag-ampo alang sa Pagkaayo ug Paglaom

Mga Pag-ampo ug Kapanguhaan alang sa Pagkaayo ug Paglaom

Ang matag krisis sa kinabuhi usa usab ka kahigayonan sa pagdangop sa atong hinigugmang Manluluwas uban sa pagsalig ug hingpit nga pagtugyan aron makapahulay diha sa Iyang maluloy-ong mga kamot.ย  Ang pagpahulay diha sa mga kamot sa Diyos nagpasabot nga luwas kita, bisan pa sa kawalay kasigurohan sa kinabuhi.ย  Nagpasabot kini nga gawasnon kitang mahigugma sa Diyos ug sa uban, bisan pa sa mga hagit nga atong giatubang. Nagpasabot kini nga ihangad nato ang atong mga mata ngadto sa Langit, imbes nga moduko tungod sa kahadlok.

Ang mosunod nga mga pag-ampo makatabang kanimo samtang naningkamot kang ibutang ang imong bug-os nga pagsalig sa Diyos:

Usa ka Pag-ampo aron Batokan ang mga Sakit

Litaniya sa Pagpangamuyo

Tan-awa ang Labing Balaang Misa online

Bag-ong mga pag-ampo ni Papa Francisco sa kataposan sa rosaryo

Pag-ampo ni Papa Francisco Panahon sa Pandemya sa Coronavirus

Pag-ampo sa Birhen sa Guadalupe Panahon sa Pandemya sa Coronavirus

Bag-ohon sa mga obispo ang pagkonsagrar sa mga nasod ngadto sa Mahal nga Birhen Maria

Usa ka Pag-ampo sa Panaghiusa

Pag-ampo kang San Jose

Ubang mga Kapanguhaan

Pag-ampo sa Rosaryo

Ang Koronilya sa Balaang Kalooy

Estasyon sa Krus

Mga Pagbasa sa Ebanghelyo ug Pamalandong Karong Adlawa

Pag-ampo sa Espirituhanong Komunyon alang sa mga dili makatambong sa Misa

Nobena sa Mahal nga Birhen sa Monte Berico
Tigpataliwala ug tigpanalipod sa mga panahon sa kamatay

Pagsalig sa Diosnong Kalooy

Pag-ampo sa Pagtugyan sa Kaugalingon

Pag-ampo sa Pagtugyan

Paghiusa sa Pag-antos ngadto sa Krus

Ang Pag-ampo alang sa Milagro

Tabang sa Depresyon

Pag-ampo Atubangan sa Krusipiho

Litaniya kang Kristo nga Hari

Kristo, Kandila sa Paglaom

San Miguel Arkanghel

Mga Pag-ampo gikan sa Catholic Health Association

Dugang nga mga Pag-ampo

โ€œAyaw tugoti nga adunay makasamok kanimo,
ni makapahadlok kanimo,
ang tanang butang lumalabay,
ang Diyos dili mausab.

Ang pagpailob makaangkon sa tanan;
walay kulang sa mga adunay Diyos:
ang Diyos lamang igo na.โ€

Santa Teresa de รvila


Usa ka Pag-ampo alang sa Pagkaayo ug Paglaom*

Labing Maloloy-on nga Diyos, Santisima Trinidad,
Moduol kami Kanimo diha sa among kahuyang.
Moduol kami Kanimo diha sa among kahadlok.
Moduol kami Kanimo nga may pagsalig.
Kay Ikaw lamang ang among paglaom.

Among gitugyan Kanimo ang mga sakit nga ania sa among kalibotan.
Modangop kami Kanimo sa panahon sa among panginahanglan.

Hatagi og kaalam ang mga doktor.
Hatagi og pagsabot ang mga siyentista.
Hatagi og pagkamabination ug pagkamanggihatagon ang mga tig-atiman.
Hatagi og kaayohan ang mga masakiton.
Panalipdi ang mga labing nameligro.
Hupaya ang mga namatyan og minahal.
Dawata ang mga namatay ngadto sa Imong Walay Kataposang Puloy-anan.

Palig-ona ang among mga katilingban.
Hiusahon Mo kami diha sa among pagkamabination.
Kuhaa ang tanang kahadlok gikan sa among mga kasingkasing.
Pun-a kami sa pagsalig sa Imong pag-atiman.

(isulti karon ang imong piho nga mga kabalaka ug mga pag-ampo)

Hesus, nagsalig ako Kanimo.
Hesus, nagsalig ako Kanimo.
Hesus, nagsalig ako Kanimo.

Amen.

Mubo nga Litaniya sa Atong Mahal nga Inahan

Mahal nga Birhen, Rayna sa Kalinaw, iampo mo kami.
Mahal nga Birhen, Maglilipay sa mga Sinakit, iampo mo kami.
Mahal nga Birhen, Tabang sa mga Kristohanon, iampo mo kami.
Mahal nga Birhen, Kaayohan sa mga Masakiton, iampo mo kami.
Mahal nga Birhen, Lingkoranan sa Kaalam, iampo mo kami.
Mahal nga Birhen, Rayna sa Langit ug Yuta, iampo mo kami.

Amen.

Impormasyon sa katungod sa pagmantala

Pag-ampo ni Santo Papa Francisco alang sa Kaayohan sa mga Masakiton

O Maria,
kanunay kang nagdan-ag sa among dalan
ingon nga timaan sa kaluwasan ug paglaom.
Among gitugyan ang among kaugalingon kanimo, Kaayohan sa mga Masakiton,
nga didto sa krus nakig-ambit sa kasakit ni Hesus, samtang nagpabiling lig-on ang imong pagtuo.
Ikaw, Kaluwasan sa Katawhan sa Roma,
nahibalo sa among gikinahanglan,
ug nakasiguro kami nga ikaw motagana
aron, sama didto sa Cana sa Galilea,
makabalik kami sa kalipay ug pagsaulog
human niining panahon sa pagsulay.
Tabangi kami, Inahan sa Diosnong Gugma,
sa pagpahiuyon sa kabubut-on sa Amahan
ug sa pagbuhat sa gisugo kanamo ni Hesus,
nga mipas-an sa among mga pag-antos
ug midala sa among mga kasubo
aron sa paggiya kanamo, pinaagi sa krus,
ngadto sa kalipay sa pagkabanhaw. Amen.

Ubos sa imong panalipod, modangop kami, Balaang Inahan sa Diyos. Ayaw tamaya ang mga pangamuyo namong anaa sa pagsulay, kondili luwasa kami gikan sa tanang katalagman, O mahimayaon ug bulahang Birhen.


Pag-ampo gikan sa Presidente sa U.S.C.C.B., Arsobispo Josรฉ H. Gomez

Balaang Birhen sa Guadalupe,
Rayna sa mga Anghel ug Inahan sa mga Amerika.
Modangop kami kanimo karon isip imong pinalanggang mga anak.
Nangamuyo kami nga mangaliyupo ka alang kanamo ngadto sa imong Anak,
sama sa imong gibuhat sa kasal didto sa Cana.

Iampo mo kami, mahigugmaong Inahan,
ug pangayoa alang sa among nasod ug sa kalibotan,
ug alang sa tanan namong mga pamilya ug mga minahal,
ang panalipod sa imong balaang mga anghel,
aron malikay kami sa labing grabeng epekto niining sakita.

Alang sa mga nasakit na,
nangamuyo kami nga pangayoon mo ang grasya sa kaayohan ug kaluwasan.
Dungga ang mga pagtuaw sa mga huyang ug nahadlok,
pahiri ang ilang mga luha ug tabangi sila sa pagsalig.

Niining panahon sa pagsulay ug pagsukod sa among kalig-on,
tudloi kaming tanan diha sa Simbahan sa paghigugmaay ug sa pagkamapailubon ug pagkamaluloton.
Tabangi kami sa pagdala sa kalinaw ni Hesus ngadto sa among yuta ug sa among mga kasingkasing.

Moduol kami kanimo uban ang pagsalig,
kay nahibalo kami nga ikaw sa pagkatinuod mao ang among mabinationg inahan,
kaayohan sa mga masakiton ug hinungdan sa among kalipay.

Panagoi kami ilalom sa kupo sa imong panalipod,
hupti kami diha sa imong mga bukton,
tabangi kami nga kanunayng mailhan ang gugma sa imong Anak, si Hesus.

Amen.


Mga Kapilian sa Misa Online:

Nasodnong Santuwaryo sa Diosnong Kalooy

Misa sa Relevant Radio

Misa sa Catholic TV

Adlaw-adlaw nga Misa sa EWTN

Basilika sa Nasodnong Santuwaryo sa Imakulada Konsepsiyon

Mga Misa sa Catholic Faith Network


Pag-ampo alang sa Espirituhanong Komunyon
San Alfonso de Liguori

Akong Jesus,
Nagtuo ako nga anaa Ka sa Labing Balaang Sakramento.
Gihigugma ko Ikaw labaw sa tanang butang, ug nagtinguha akong modawat Kanimo sa akong kalag.

Sanglit dili ko Ikaw madawat sa sakramental nga paagi niining taknaa,
umari sa akong kasingkasing bisan sa espirituhanong paagi lamang.

Gihangop ko Ikaw nga daw ania Ka na ug bug-os kong gihiusa ang akong kaugalingon Kanimo.
Ayaw gayod itugot nga mahimulag ako Kanimo.

Amen.

Mga Pagbasa sa Ebanghelyo ug Pamalandong Karong Adlawa

    Feed has no items.

Usa ka Pag-ampo sa Panaghiusa**

Alang sa tanang natakdan sa mga sakit,
Nag-ampo kami alang sa pag-atiman ug kaayohan.

Alang sa mga labi nang daling matakdan o madaot,
Nag-ampo kami alang sa kaluwasan ug panalipod.

Alang sa tanang nakasinati og kahadlok o kabalaka,
Nag-ampo kami alang sa kalinaw sa hunahuna ug espiritu.

Alang sa mga apektadong pamilya nga nag-atubang sa lisod nga pagpili tali sa pagkaon sa lamesa o kaluwasan sa publiko,
Nag-ampo kami alang sa mga palisiya nga moila sa ilang kalisdanan.

Alang sa mga walay igong seguro sa panglawas,
Nag-ampo kami nga walay pamilyang mag-inusarang moatubang sa mga palas-anong pinansyal.

Alang sa mga nahadlok moduol aron magpatambal tungod sa ilang kahimtang sa imigrasyon,
Nag-ampo kami nga ilhon ang dignidad sa tanan nga gihatag sa Dios.

Alang sa among mga igsoon sa tibuok kalibotan,
Nag-ampo kami alang sa panaghiusa sa usag usa.

Alang sa mga opisyal sa gobyerno ug mga tigdesisyon,
Nag-ampo kami alang sa kaalam ug giya.

Amahan, niining panahona hinaot nga ang Imong Simbahan mahimong timaan sa paglaom, paghupay ug gugma alang sa tanan.
Ihatag ang kalinaw.
Ihatag ang paghupay.
Ihatag ang kaayohan.
Uban kanamo, Ginoo.

Amen.


Labing Bag-ong Balita gikan sa Vaticano

Tan-awa: vaticannews.va

YouTube Channel sa Vaticano

I-download: “Malig-on sa Kalisdanan”
Usa ka libreng eBook sa mga pag-ampo ug pagpamalandong gikan sa Vaticano


Gihangyo ni Papa Francisco ang mga magtutuo nga idugang ang mosunod nga duha ka pag-ampo sa ilang adlaw-adlaw nga pagrosaryo sulod sa bulan sa Mayo

UNANG PAG-AMPO

O Maria,

Kanunay kang nagdan-ag sa among panaw
ingon nga timaan sa kaluwasan ug paglaom.
Gitugyan namo ang among kaugalingon kanimo, Kaayohan sa mga Masakiton,
ikaw nga, sa tiilan sa krus,
nahiusa sa pag-antos ni Jesus,
ug nagpabiling lig-on sa imong pagtuo.

โ€œTigpanalipod sa katawhang Romanoโ€,
nasayod ka sa among mga panginahanglan,
ug nasayod kami nga ikaw motagana,
aron, sama didto sa Cana sa Galilea,
mobalik ang kalipay ug kasaulogan
human niining panahon sa pagsulay.

Tabangi kami, Inahan sa Diosnong Gugma,
sa pagpahiuyon sa among kaugalingon sa kabubut-on sa Amahan
ug sa pagbuhat sa gisulti ni Jesus kanamo.
Kay Iyang gidawat ang among pag-antos,
ug Iyang gipas-an ang among mga kasubo
aron dad-on kami, pinaagi sa krus,
ngadto sa kalipay sa Pagkabanhaw.

Amen.

Modangop kami sa imong panalipod,
O Balaang Inahan sa Dios;
Ayaw isalikway ang among mga pangamuyo
sa among mga panginahanglan,
hinunoa luwasa kami kanunay
gikan sa tanang katalagman,
O Mahimayaon ug Bulahang Birhen.

IKADUHANG PAG-AMPO

โ€œModangop kami sa imong panalipod, O Balaang Inahan sa Diosโ€.

Niining makapasubo nga kahimtang karon, nga ang tibuok kalibotan gigapos sa pag-antos ug kabalaka, modangop kami kanimo, Inahan sa Dios ug among Inahan, ug mangitag dalangpanan ubos sa imong panalipod.

Birhen Maria, ipunting kanamo ang imong maluluy-ong mga mata taliwala niining pandemya sa coronavirus. Hupaya kadtong nabug-atan ug nagbangotan sa ilang mga minahal nga nangamatay, ug nga usahay gilubong sa paagi nga nakapaguol kanila pag-ayo. Duoli kadtong nabalaka alang sa ilang mga minahal nga masakiton ug nga, aron mapugngan ang pagkaylap sa sakit, dili makaduol kanila. Pun-a sa paglaom kadtong nabalaka sa kawalay kasigurohan sa umaabot ug sa mga sangpotanan alang sa ekonomiya ug panarbaho.

Inahan sa Dios ug among Inahan, iampo kami sa Dios, ang Amahan sa mga kalooy, aron matapos kining dakong pag-antos ug mosubang pag-usab ang paglaom ug kalinaw. Pakiluoy sa imong diosnong Anak, sama sa imong gibuhat sa Cana, aron mahupay ang mga pamilya sa mga masakiton ug sa mga biktima, ug maablihan ang ilang mga kasingkasing ngadto sa pagsalig ug pagsandig.

Panalipdi ang mga doktor, nars, mga kawani sa panglawas ug mga boluntaryo nga anaa sa unahang linya niining emerhensiya, ug nagbutang sa ilang kinabuhi sa peligro aron maluwas ang uban. Lig-ona ang ilang bayanihong paningkamot ug hatagi sila og kusog, pagkamanggihatagon ug padayong maayong panglawas.

Duoli kadtong nag-atiman sa mga masakiton adlaw ug gabii, ug ang mga pari nga, tungod sa ilang pastoral nga pag-amuma ug pagkamatinud-anon sa Ebanghelyo, naningkamot sa pagtabang ug pagsuporta sa tanan.

Bulahang Birhen, hayagi ang mga hunahuna sa mga lalaki ug babaye nga nagbuhat og siyentipikong panukiduki, aron makakaplag sila og epektibong mga solusyon sa pagbuntog niining virus.

Lig-ona ang mga pangulo sa mga nasod, aron uban sa kaalam, pag-amuma ug pagkamanggihatagon makatabang sila niadtong nakulangan sa batakang mga kinahanglanon sa kinabuhi ug makamugna og mga solusyon sa katilingban ug ekonomiya nga gidasig sa halapad nga panan-aw sa umaabot ug panaghiusa.

Labing Balaang Maria, pukawa ang among mga konsensiya, aron ang dagkong pondo nga gigahin sa pagpalambo ug pagtigom og mga armas igasto hinuon sa pagpalambo sa epektibong panukiduki kon unsaon pagpugong nga mahitabo pag-usab ang susamang mga trahedya sa umaabot.

Hinigugmang Inahan, tabangi kami nga makaamgo nga kaming tanan mga sakop sa usa ka dakong pamilya ug nga makaila sa bugkos nga naghiusa kanamo, aron, diha sa diwa sa panag-igsoonay ug panaghiusa, makatabang kami sa paghupay sa dili maihap nga mga kahimtang sa kakabos ug panginahanglan. Lig-ona kami sa pagtuo, himoa kaming malahutayon sa pag-alagad ug makanunayon sa pag-ampo.

Maria, Kalipay sa mga Sinakit, gaksa ang tanan mong anak nga anaa sa kalisdanan ug iampo nga ituy-od sa Dios ang iyang makagagahom-sa-tanan nga kamot ug gawason kami gikan niining makalilisang nga pandemya, aron ang kinabuhi malinawong makabalik sa naandang dagan niini.

Kanimo, nga nagdan-ag sa among panaw isip timaan sa kaluwasan ug paglaom, among itugyan ang among kaugalingon, O Maluluy-on, O Mahigugmaon, O Matam-is nga Birhen Maria. Amen.


Litaniya sa Pangamuyo

Gisimba ka namo, O Ginoo

Tinuod nga Diyos ug tinuod nga tawo, tinuod nga ania niining balaang Sakramento.
ย  ย  ย Gisimba ka namo, O Ginoo
Among Manluluwas, Diyos nga uban kanamo, matinud-anon ug puno sa kalooy
ย  ย  ย Gisimba ka namo, O Ginoo
Hari ug Ginoo sa kabuhatan ug sa kasaysayan
ย  ย  ย Gisimba ka namo, O Ginoo
Mananaog batok sa sala ug kamatayon
ย  ย  ย Gisimba ka namo, O Ginoo
Higala sa katawhan, ang Nabanhaw, ang Buhi nga nagalingkod sa tuo sa Amahan.
ย  ย  ย Gisimba ka namo, O Ginoo

Nagatuo kami kanimo, O Ginoo

Bugtong Anak sa Amahan, nga nanaog gikan sa langit alang sa among kaluwasan
ย  ย  ย Nagatuo kami kanimo, O Ginoo
Langitnong mananambal, nga nagaduko aron atimanon ang among pagkaalaot
ย  ย  ย Nagatuo kami kanimo, O Ginoo
Kordero nga gipatay, nga nagahalad sa imong kaugalingon aron luwason kami gikan sa daotan
ย  ย  ย Nagatuo kami kanimo, O Ginoo
Maayong Magbalantay, nga nagahatag sa imong kinabuhi alang sa panon nga imong gihigugma
ย  ย  ย Nagatuo kami kanimo, O Ginoo
Buhi nga tinapay ug tambal alang sa pagkadili-mamatay, nga nagahatag kanamo sa kinabuhing dayon
ย  ย  ย Nagatuo kami kanimo, O Ginoo

Lingkawasa kami, O Ginoo

Gikan sa gahom ni Satanas ug sa mga paghaylo sa kalibotan
ย  ย  ย Lingkawasa kami, O Ginoo
Gikan sa garbo ug sa mapahitas-ong pagsalig nga makahimo kami sa bisan unsa kon wala ikaw
ย  ย  ย Lingkawasa kami, O Ginoo
Gikan sa mga pagpanglimbong sa kahadlok ug kabalaka
ย  ย  ย Lingkawasa kami, O Ginoo
Gikan sa pagkawalay pagtuo ug pagkawalay paglaom
ย  ย  ย Lingkawasa kami, O Ginoo
Gikan sa kagahi sa kasingkasing ug sa kawalay katakos sa paghigugma
ย  ย  ย Lingkawasa kami, O Ginoo

Luwasa kami, O Ginoo

Gikan sa tanang daotan nga nagapaantos sa katawhan
ย  ย  ย Luwasa kami, O Ginoo
Gikan sa kagutom, sa dakong gutom ug sa pagkahakog
ย  ย  ย Luwasa kami, O Ginoo
Gikan sa mga sakit, mga epidemya ug sa kahadlok sa among mga igsoon
ย  ย  ย Luwasa kami, O Ginoo
Gikan sa makalaglag nga kabuang, sa walay kaluoy nga mga interes ug sa kapintasan
ย  ย  ย Luwasa kami, O Ginoo
Gikan sa pagkalimbongan, sa bakak nga impormasyon ug sa pagmaniobra sa mga konsensiya
ย  ย  ย Luwasa kami, O Ginoo

Hupaya kami, O Ginoo

Panalipdi ang imong Simbahan nga nagalakaw latas sa kamingawan
ย  ย  ย Hupaya kami, O Ginoo
Panalipdi ang katawhan nga nalisang tungod sa kahadlok ug kasakit
ย  ย  ย Hupaya kami, O Ginoo
Panalipdi ang mga masakiton ug ang mga himalatyon, nga gidaogdaog sa kamingaw
ย  ย  ย Hupaya kami, O Ginoo
Panalipdi ang mga doktor ug mga tig-atiman sa panglawas nga gikapoy pag-ayo sa mga kalisdanan nga ilang giatubang
ย  ย  ย Hupaya kami, O Ginoo
Panalipdi ang mga politiko ug mga tighimog desisyon nga nagapas-an sa kabug-at sa paghimog mga desisyon
ย  ย  ย Hupaya kami, O Ginoo

Ihatag kanamo ang imong Espiritu, O Ginoo

Sa takna sa pagsulay ug gikan sa kalibog
ย  ย  ย Ihatag kanamo ang imong Espiritu, O Ginoo
Sa tentasyon ug sa among kahuyang
ย  ย  ย Ihatag kanamo ang imong Espiritu, O Ginoo
Sa pakigbisog batok sa daotan ug sa sala
ย  ย  ย Ihatag kanamo ang imong Espiritu, O Ginoo
Sa pagpangita sa tinuod nga maayo ug sa tinuod nga kalipay
ย  ย  ย Ihatag kanamo ang imong Espiritu, O Ginoo
sa desisyon nga magpabilin diha kanimo ug sa imong panaghigalaay
ย  ย  ย Ihatag kanamo ang imong Espiritu, O Ginoo

Ablihi kami sa paglaom, O Ginoo

Kon ang sala magdaogdaog kanamo
ย  ย  ย Ablihi kami sa paglaom, O Ginoo
Kon ang pagdumot magtak-op sa among mga kasingkasing
ย  ย  ย Ablihi kami sa paglaom, O Ginoo
Kon ang kasubo moduaw kanamo
ย  ย  ย Ablihi kami sa paglaom, O Ginoo
Kon ang pagkawalay pagtagad makapahinabog kasakit kanamo
ย  ย  ย Ablihi kami sa paglaom, O Ginoo
Kon ang kamatayon mobuntog kanamo
ย  ย  ย Ablihi kami sa paglaom, O Ginoo

Kining matahom nga pag-ampo gigamit sa usa ka pagsimba nga gipangulohan ni Papa Francisco panahon sa epidemya sa COVID-19 ug mabatonan gikan sa:

https://www.vaticannews.va/en/pope/news/2020-03/litany-supplication-urbi-et-orbi-pope-francis.html


Ang mosunod nga Pag-ampo giampo ni Papa Francisco sa Solemnidad ni San Jose

Pag-ampo kang San Jose

Panalipdi, O Balaang Magbalantay, kining among nasod.

Hayagi kadtong gitugyanan sa kaayohan sa tanan, aron mahibalo sila โ€” sama kanimo โ€” sa pag-atiman sa mga gitugyan sa ilang pag-amuma.

Hatagi og salabotan ug kahibalo kadtong nangitag igong mga paagi alang sa panglawas ug pisikal nga kaayohan sa ilang mga igsoon.

Lig-ona kadtong naghatag sa ilang tibuok kusog alang sa mga nanginahanglan, bisan pa kon mameligro ang ilang kaugalingong kaluwasan: mga boluntaryo, nars, ug doktor nga anaa sa unahang linya sa pagtambal sa mga masakiton.

Panalangini, O San Jose, ang Simbahan: sugod sa iyang mga ministro, himoa siya nga timaan ug galamiton sa imong kahayag ug sa imong kaayo.

Ubani, O San Jose, ang among mga pamilya: pinaagi sa imong mainampuong kahilom, pagmugna og panag-uyon tali sa mga ginikanan ug sa ilang mga anak, ilabina sa mga labing gagmay.

Panalipdi ang mga tigulang gikan sa kamingaw: itugot nga walay bisan kinsa nga mawad-an og paglaom tungod sa pagbiya ug pagkaluya sa buot.

Lugpayaย ang labing mahuyang, dasiga ang mga nagduhaduha, ug ipangamuyo ang mga kabos.

Uban sa Birheng Inahan, pangamuyoi ang Ginoo nga luwason ang kalibotan gikan sa tanang matang sa pandemya.

ย Amen.

vaticannews.va


Ubang mga Kapanguhaan

Gihatag ang Espesyal nga Indulhensiya…

Bag-ong mga Balitang Katoliko

Formed: Libreng Pagsulay Online
Maayong mga Katolikong salida ug media

Dr. Scott Hahn: Sentro sa mga Kapanguhaan Alang sa Kwarantina
Libreng mga video sa pagtuon & mga kapanguhaan

Magnificat:ย Iningles |ย Kinatsila
Libreng kapilian sa pagbasa sa mga pagbasa sa Misa online

The Word Among Us:ย Iningles|ย Kinatsila
Mga pagbasa sa Misa ug pagpamalandong

Adlaw-adlaw nga mga Pamalandong

Adlaw-adlaw nga mga Pagpamalandong Pinaagi sa Email

My Catholic Life! nga mobile app


โ€œAyaw tugoti nga adunay makasamok kanimo,
ni makapahadlok kanimo,
ang tanang butang lumalabay,
ang Diyos dili mausab.

Ang pagpailob makaangkon sa tanan;
walay kulang sa mga adunay Diyos:
ang Diyos lamang igo na.โ€

Santa Teresa sa Avila


* “Usa ka Pag-ampo Batok sa Pandemya sa Coronavirus.” pag-ila sa gigikanan:ย  Usa ka orihinal nga pag-ampo sa My Catholic Life! Inc. Copyright ยฉ 2020. Mahimong i-imprinta pag-usab sa kinatibuk-an o sa bahin nga walay pagdili. Dili kinahanglan ang pag-ila sa gigikanan.
** “COVID-19: Usa ka Pag-ampo sa Panaghiusa,” pag-ila sa gigikanan: Copyright ยฉ 2020, Komperensya sa mga Katolikong Obispo sa Estados Unidos. Tanang katungod gigahin. Kini nga teksto mahimong kopyahon sa kinatibuk-an o sa bahin nga walay kausaban alang sa dili pangnegosyong paggamit sa edukasyon, basta dili ibaligya ang maong mga kopya ug ilakip kini nga pahibalo.