Kredo sa mga Apostoles
Nagatuo ako sa Dios,
ang Amahang makagagahum sa tanan,
Magbubuhat sa langit ug sa yuta,
ug kang Jesukristo, iyang bugtong Anak, atong Ginoo,
nga gipanamkon pinaagi sa Espiritu Santo,
natawo kang Birhen Maria,
nag-antos ubos kang Poncio Pilato,
gilansang sa krus, namatay ug gilubong;
mikanaog siya sa dapit sa mga minatay;
sa ikatulong adlaw nabanhaw siya gikan sa mga minatay;
misaka siya sa langit,
ug nagalingkod sa tuo sa Dios Amahang makagagahum sa tanan;
gikan didto moanhi siya aron paghukom sa mga buhi ug sa mga minatay.
Nagatuo ako sa Espiritu Santo,
sa santos nga Simbahang Katolika,
sa panag-ambit sa mga santos,
sa kapasayloan sa mga sala,
sa pagkabanhaw sa lawas,
ug sa kinabuhing walay kataposan. Amen.
Amahan Namo
Amahan namo, nga anaa sa mga langit, pagdayegon ang imong ngalan. Umabot kanamo ang imong gingharian. Matuman ang imong pagbuot dinhi sa yuta maingon sa langit. Ang kalan-on namo sa matag-adlaw ihatag kanamo karong adlawa. Ug pasayloa kami sa among mga sala, maingon nga kami nagapasaylo sa mga nakasala kanamo; ug dili mo kami itugyan sa panulay, hinonoa luwasa kami gikan sa dautan. Amen.
Maghimaya Ka, Maria
Maghimaya ka, Maria, napuno ka sa grasya,
ang Ginoo anaa kanimo.
Bulahan ka sa mga babaye,
ug bulahan ang bunga sa imong tiyan, si Jesus.
Santa Maria, Inahan sa Dios,
iampo mo kaming mga makasasala,
karon ug sa takna sa among kamatayon.
Amen.
Himaya sa Amahan
Himaya sa Amahan,
ug sa Anak,
ug sa Espiritu Santo.
Maingon sa sinugdan,
karon ug sa gihapon,
ug sa mga katuigan nga walay kataposan.
Amen.
Kredo sa Nicea
Nagatuo ako sa usa ka Dios,
ang Amahang makagagahum sa tanan,
Magbubuhat sa langit ug sa yuta,
sa tanang makita ug dili makita.
Nagatuo ako sa usa ka Ginoong Jesukristo,
ang Bugtong Anak sa Dios,
natawo sa Amahan sa wala pa ang tanang katuigan.
Dios gikan sa Dios, Kahayag gikan sa Kahayag,ย
matuod nga Dios gikan sa matuod nga Dios,
natawo, dili binuhat, usa ra og kinaiya sa Amahan;
pinaagi kaniya gibuhat ang tanan.
Alang kanatong mga tawo ug alang sa atong kaluwasan
mikanaog siya gikan sa langit,
ug pinaagi sa Espiritu Santo nagpakatawo siya gikan kang Birhen Maria,
ug nahimong tawo.
Alang kanato gilansang siya sa krus ubos kang Poncio Pilato,
nag-antos siya sa kamatayon ug gilubong, ย
ug nabanhaw sa ikatulong adlaw
sumala sa Kasulatan.
Misaka siya sa langitย
ug nagalingkod sa tuo sa Amahan.
Moanhi siya pag-usab uban sa himaya
aron paghukom sa mga buhi ug sa mga minatay
ug ang iyang gingharian walay kataposan.
Nagatuo ako sa Espiritu Santo, ang Ginoo, ang maghahatag sa kinabuhi,
nga nagagikan sa Amahan ug sa Anak,
nga uban sa Amahan ug sa Anak ginasimba ug ginahimaya,
nga misulti pinaagi sa mga propeta.
Nagatuo ako sa usa, santos, katolika ug apostolika nga Simbahan.
Nagasugid ako sa usa ka Bunyag alang sa kapasayloan sa mga sala
ug nagapaabot ako sa pagkabanhaw sa mga minatay
ug sa kinabuhi sa kalibotang umaabot. Amen.
Pag-ampo sa Dili Pa Mokaon
Pan alangini kami, O Ginoo, ug kining imong mga gasa
nga among pagadawaton gikan sa imong kaayo.
Pinaagi kang Kristo nga among Ginoo.
Amen.
Pagbasol sa mga Sala
O akong Dios, kinasingkasing akong nagbasol sa akong pagpasakit Kanimo, ug gikasilagan ko ang tanan kong sala tungod sa Imong matarong nga mga silot, apan labaw sa tanan tungod kay nakapasakit kini Kanimo, akong Dios, nga hingpit nga maayo ug takos sa tanan kong gugma.ย Lig-on kong gituyo, uban sa tabang sa Imong grasya, nga dili na magpakasala ug maglikay sa mga kahigayonan nga daling makapahulog sa sala.ย Amen.

