Cebuano

Panahon sa Pasko

Naandam Na ang Dalanโ€ฆAndam Ka Na Ba?

Enero 2, kon sa dili pa ang Epipanya

Miingon si Juan: โ€œAko mao ang tingog sa usa nga nagsinggit sa kamingawan, โ€˜Tul-ira ang dalan sa Ginoo,โ€™ sumala sa giingon ni propeta Isaias.โ€ John 1:23

Buhi si San Juan Bautista! Oo, buhi siya sa Langit, diin nadawat niya ang iyang walay kataposang ganti. Apan buhi usab siya sa laing paagi. Buhi siya sa iyang padayong pagmantala, nga nagtawag kanato sa paghinulsol ug sa pag-andam sa dalan alang sa Ginoo sa atong kinabuhi.

Ang iyang mensahe mahinungdanon gihapon alang kanato karon sama sa mga 2,000 ka tuig na ang milabay. Sa panahon nga nagkinabuhi siya sa kalibotan, nagsangyaw siya aron sa pag-andam sa dalan alang sa haduol nga pag-abot ni Kristo. Giandam niya ang dalan aron ang Mesiyas moanhi sa atong kalibotan sa lawasnong paagi ug motanyag kanato sa gasa sa kaluwasang walay kataposan. Apan si San Juan nagpadayon sa pag-andam sa dalan alang sa Ginoo, kon andam kita sa pagpaminaw.

Nakat-onan nato gikan kang San Juan nga ang unang lakang ngadto sa kinabuhi sa pagkabalaan mao ang โ€œpagtul-id sa dalan sa Ginoo.โ€ Unsaon nato kini pagbuhat? Unsaon nato pagtul-id ang dalan sa Ginoo? Mahimo nato kini pinaagi sa mapaubsanong pag-angkon sa mga sala nga nagbabag sa pag-anhi ni Jesus kanato ug sa pagbag-o sa atong kinabuhi.

Pamalandongi karon ang milabay nga tuig ingon man ang umaabot nga tuig. Unsa man gikan sa nangagi ang kinahanglan nimong buhian, ug unsa man ang kinahanglan nimong tutokan sa umaabot nga tuig? Paghimo og tin-aw nga panaad sa pag-ila sa bisan unsang babag sa pag-anhi ni Kristo sa imong kasingkasing ug tugoti ang imong kaugalingon nga makadiskobre sa bag-ong kinabuhi nga naghulat kanimo niining umaabot nga tuig.

Ginoo, mianhi Ka niining kalibotana tungod sa hingpit Mong gugma alang kanako. Mianhi Ka aron luwason ako gikan sa tanang sala ug aron gawason ako gikan sa tanang daotan. Tabangi ako sa pag-ila sa nakapahilayo kanako gikan Kanimo sa miaging tuig ug sa pagtugyan niini Kanimo. Tabangi usab ako nga magbaton og paglaom ug tin-aw nga panan-aw alang sa tanang naghulat kanako ug sa tanan nga Imong gitawag kanako nga buhaton. Hinaot nga tumanon ko ang mga pulong sa Bautista ug tul-iron ang dalan sa unahan aron masunod ko ang Imong hingpit nga kabubut-on. Jesus, misalig ako Kanimo.


Tan-awa, ang Kordero sa Diyos

Enero 3, kon sa wala pa ang Epipaniya

โ€œTan-awa ang Kordero sa Diyos, nga nagawagtang sa sala sa kalibotan.โ€ John 1:29b

Kining pamilyar nga mga pulong ni San Juan Bautista naghatag kanato og usa ka maanindot nga pamalandong. Litokon kini matag higayon nga motambong kita sa Misa sa dihang ipataas sa pari ang Sagradong Ostiya. Kining mga pulonga, nga unang gisulti ni San Juan sa dihang miduol kaniya si Jesus aron magpabunyag, mga pulong nga mahimo natong pamalandongan uban sa pag-ampo sa tibuok natong kinabuhi.

Hunahunaa kining mga pulonga: โ€œTan-awa ang Kordero sa Diosโ€ฆโ€ Maayo nga magsugod kita pinaagi sa paghanduraw kang Juan nga nagsulti niining mga pulonga mahitungod kang Jesus. Apan gikan niana, atong iangay kini sa Eukaristiya ug sa dili maihap nga ubang mga higayon sa atong adlaw-adlaw nga kinabuhi.

Sa unang pagsulti ni Juan niining mga pulonga, ang โ€œKordero sa Diosโ€ nakita sa usa ka ordinaryo kaayong paagi. Ang mga mata sa tanang anaa didto nakakita lamang og usa ka ordinaryong tawo nga nagpadulong sa maong dapit. Apan ang mga mata sa pagtuo nakakita Kaniya nga mohalad sa Iyang kinabuhi alang sa kaluwasan sa kalibotan isip Korderong Ihalad.

Ug sa atong pagtan-aw sa Sagradong Ostiya, samtang gipataas kini sa Misa aron makita sa tanan, makita nato si Jesus, ang Korderong Ihalad, sa paagi nga labaw pang natago. Sa atong mga mata, usa ka piraso sa pan ang atong makita. Apan pinaagi sa mga mata sa pagtuo, sa makausa pa atong makita ang Manluluwas.

Ang Kordero sa Dios nga gihalad kanunay nga moanhi kanato sa tibuok natong adlaw. Anaa Siya sa atong palibot, nag-anhi kanato sa natagong dagway, ug nagpadayag sa Iyang kaugalingon pinaagi sa pagtuo. Nakita ba nimo Siya? Sa unsang paagi ka gitawag niining adlawa sa pagtan-aw sa Iyang diosnon ug mahalaron nga presensya? Sa unsang paagi Siya anaa sa mga buhat sa gugma nga walay pagpangita sa kaugalingong kaayohan? Giunsa Niya pag-anhi kanimo matag adlaw, ug sa unsang paagi Niya gusto nga dad-on nimo Siya ngadto sa uban matag adlaw?

Pamalandongi karon kadtong balaang mga pulong. โ€œTan-awa ang Kordero sa Dios.โ€ Pangitaa Siya, nga nagpaabot nga ang Iyang diosnong presensya matago apan tinuod. Ilha Siya pinaagi sa mga mata sa pagtuo ug pagmaya samtang nagkaduol Siya.

Ginoo, akong gipamalandongan ang Imong balaanong presensya karon ug sa matag adlaw.ย  Gipangita ko Ikaw ug gihigugma ko Ikaw.ย  Hatagi ako sa mga mata sa pagtuo aron mailhan ko ang Imong tinuod apan tinagong presensya sa tanang panahon.ย  Anaa Ka sa akong palibot matag adlaw.ย  Tabangi ako nga magmaya tungod kay duol Ka kanako kanunay.ย  Jesus, misalig ako Kanimo.


Pagtultol sa Uban Ngadto kang Jesus

Enero 4, kon sa wala pa ang Epipaniya

Nagtindog si Juan uban sa duha sa iyang mga tinun-an, ug sa dihang nakita niya si Jesus nga milabay, miingon siya, โ€œTan-awa, ang Kordero sa Dios.โ€ย  Nadungog sa duha ka tinun-an ang iyang gisulti ug misunod sila kang Jesus.ย  John 1:35โ€“37

Handurawa kon nahigugma pag-ayo si Juan sa pagtagad nga iyang nadawat gikan sa tanan nga mihukom siyang angkonon lamang kini alang sa iyang kaugalingon.ย  Handurawa kon mihukom siya nga mahimo siyang โ€œhariโ€ kon maayong pagkadiskarte ang iyang buhaton.ย  Handurawa kon nabalaka lamang siya sa iyang kaugalingong pagkapopular nga dili na niya gustong giyahan ang uban ngadto kang Jesus, kay basin mobiya sila kaniya aron mosunod kang Jesus.ย  Siyempre, dili kana ang nahitabo.ย  Ang nahitabo mao nga gituman ni Juan sa labing maayong paagi ang iyang tahas, nga giandam ang dalan alang kang Jesus ug gigiyahan ang uban ngadto Kaniya sa hustong panahon.

Niining teksto sa ibabaw, gipunting ni Juan ang mga mata sa duha sa iyang mga sumusunod ngadto sa atong Ginoo.ย  Miingon siya kanila, โ€œTan-awa, ang Kordero sa Diosโ€ฆโ€ย  Nakita nila si Jesus ug gibiyaan nila si Juan.ย ย 

Tingali kadto nga kasinatian sagol nga kalipay ug kasubo alang kang Juan.ย  Tingali sa usa ka bahin, gibati niya ang kasubo sa pagbiya sa iyang mga sumusunod.ย  Apan ang bisan unsang kasubo tungod sa ilang pagbiya mausab ug mahupay unta sa kalipay sa pagkahibalo nga iyang gituman ang katuyoan sa iyang kinabuhi pinaagi sa paggiya sa uban ngadto kang Cristo.

Ingon usab niini ang angay kanato.ย  Sayon ra nga mahunahuna lamang nato ang atong kaugalingon sa kinabuhi.ย  Sayon ra nga tinguhaon nato nga ania kanato ang tanang pagtagad ug, kon madawat na nato kini, lisod na kining buhian.ย  Apan ang tinuod nga Kristohanong gugma dili gayod hakog.ย  Kanunay kining nakapunting sa atong Ginoo ug kanunay kining naggiya sa uban ngadto kang Jesus.ย  Nagpakita si Juan og maanindot nga panig-ingnan niining kinabuhi sa hiyas, ug gitawag kita sa pagbuhat usab niini.

Pamalandongi karon ang mga tawo nga anaa sa imong kinabuhi.ย  Gipangita ba nimo ang ilang pagtagad alang lamang sa imong hakog nga tinguha?ย  O nagmaya ka ba sa daghang kahigayonan nga imong nabatonan sa paggiya kanila ngadto kang Jesus?ย  Pinaagi sa paggiya sa uban ngadto sa atong Ginoo, makabaton ka og katagbawan nga labaw pa sa ikahatag sa bisan unsang kahakog ug gantihan ka nga dili masukod.

Ginoo, tabangi ako nga kanunay mangitag mga paagi sa paggiya sa mga tawo sa akong kinabuhi ngadto Kanimo.ย  Tabangi ako nga dili maghinakog ug andam mosakripisyo sa tanang panahon.ย  Tabangi ako nga masabtan nga ang gugma nakapunting gayod Kanimo ug sa pagtabang sa uban nga makaila Kanimo ug mosunod Kanimo.ย  Kon nagkinahanglan kini og sakripisyo sa akong bahin, tabangi ako nga dawaton kana nga sakripisyo uban sa kinasingkasing nga kalipay ug kadasig.ย  Jesus, misalig ako Kanimo.


Pagpabilin nga Tinuod sa Imong Kaugalingonย 

Enero 5, kon sa wala pa ang Epipaniya

Nakita ni Jesus si Natanael nga nagpadulong kaniya ug miingon siya mahitungod kaniya, โ€œAnia ang usa ka tinuod nga anak sa Israel.ย  Walay pagpakaaron-ingnon diha kaniya.โ€ย  Miingon si Natanael kaniya, โ€œGiunsa man nimo pagkaila kanako?โ€ Mitubag si Jesus ug miingon kaniya, โ€œSa wala pa ikaw tawga ni Felipe, nakita ko ikaw ilalom sa kahoyng igera.โ€ย  Mitubag si Natanael kaniya, โ€œRabbi, ikaw ang Anak sa Dios;ย ikaw ang Hari sa Israel.โ€ย  John 1:47โ€“49ย 

Nailhan ug gipahayag ba gayod ni Natanael si Cristo ingon nga Anak sa Dios ug Hari sa Israel tungod lamang kay giingnan siya ni Jesus nga nakita Niya siya ilalom sa usa ka kahoyng igera?ย  Morag mao kana.ย  Apan dayag nga mas daghan pa ang nahitabo dinhi.

Una sa tanan, mahinungdanong tan-awon ang unang gisulti ni Jesus mahitungod kang Natanael.ย  Miingon si Jesus nga โ€œWalay pagpakaaron-ingnon diha kaniya.โ€ย  Sa laing pagkasulti, si Natanael usa ka tawo nga matinud-anon, matinuoron, sinsero ug prangka.ย  Kon unsa ang imong makita kaniya, mao gayod kana siya.ย  Pagkaanindot nga hiyas!ย ย 

Ikaduha, atong makita nga kining pagkamatinud-anon nagdala kang Natanael sa pagpahayag dayon sa iyang pagtuo kang Kristo. Ngano man kini? Tungod ba sa usa ka butang nga gisulti ni Jesus? Tin-aw nga adunay mas lawom nga butang nga nagdala kang Natanael sa pagpahayag sa iyang pagtuo kang Kristo. Kini usa ka espirituhanong gasa sa pagtuo diin gipadayag kini kaniya sa Espiritu Santo. Ang maayo niini mao nga si Natanael, ingon nga usa ka tawo nga walay pagpakaaron-ingnon, naminaw sa Espiritu Santo nga nagsulti sa iyang kasingkasing, ug dayon iyang gipahayag kini nga pagtuo sa dayag ug sa walay pagtago. Pagkamaayong hiyas nga maangkon kon ang usa ka tawo bukas usab sa kamatuoran.

Sa atong kaugalingong kinabuhi, kinahanglan natong sundogon kining hiyas ni Natanael. Kinahanglan nga bukas kita sa Espiritu Santo nga nagsulti kanato, ug unya kinahanglan kitang masaligon ug matinud-anon sa mga pagtuong gibutang sa atong mga kasingkasing aron ikapadayag nato kini sa uban sa matinud-anon ug dayag nga paagi. Sa pagsundog niining mga hiyasa, mahimo usab kitang mga galamiton sa atong Ginoo alang sa tanan natong mahimamat.

Pamalandongi karon kining makapainteres nga panagtagbo ni Jesus ug Natanael. Unsa ka kabukas sa tingog sa Dios nga nagsulti sa imong konsensiya? Ug unsa ka kaandam sa pagpaambit sa imong gasa sa pagtuo ngadto sa uban sa dayag ug matinud-anon nga paagi? Itugyan ang imong kaugalingon sa pagkahimong bukas nga galamiton sa tingog sa Dios niining kalibotana, sa pagsundog niining bantogang Apostol.

Ginoo, nagtinguha ako nga madungog ug mailhan ang Imong tingog nga nagsulti kanako diha sa akong konsensiya. Samtang naminaw ako Kanimo, tabangi ako nga mahimong andam ug kinabubut-on nga mopadayag Kanimo ngadto sa uban. Jesus, nagsalig ako Kanimo.


Ang Dignidad sa Usa ka Anak sa Dios

Enero 6, kon sa wala pa ang Epipaniya

โ€œIkaw ang akong Anak nga pinalangga; kanimo nalipay ako pag-ayo.โ€ย  Mark 1:11b

Kining mga pulonga, nga gisulti sa Amahan sa Langit sa pagbunyag kang Jesus, nagpadayag dili lamang sa dignidad sa Anak sa Dios, kondili usab sa daghang butang mahitungod kanato. Mga pulong kini nga gisulti mahitungod sa matag usa kanato tungod sa atong kaugalingong bunyag diha kang Kristo.

Kinsa ka?ย  Usa kini ka mahinungdanong pangutana.ย  Kasagaran, ibase nato ang atong pagkatawo sa ubang butang imbes sa kamatuoran.ย  Kanunay natong ibase ang atong pagkatawo sa atong nahimo o sa wala nato mahimo.ย  Ug sa pagbuhat niini, lagmit tugotan nato ang atong mga buhat nga maoy motino sa atong dignidad.ย ย 

Bisan tuod tinuod nga ang atong mga buhat nahiuyon o supak sa atong dignidad, dili tinuod nga ang atong mga buhat maoy motino sa atong dignidad.ย  Usa lamang ka butang ang nagtino sa atong dignidad: ang Bunyag.ย  Sa atong bunyag gihimo kitang mga anak sa Amahan sa Langit.ย  Tungod niini, giila kita sa Amahan nga Iyang pinalanggang mga anak ug gitan-aw kita Niya uban sa dakong kalipay.ย  Dili tungod sa atong gibuhat o wala buhata, kondili tungod sa kon kinsa kita.ย ย 

Pamalandongi karon kining mga pulonga nga gisulti sa Amahan ug tugoti nga ipamulong usab kini kanimo. โ€œIKAW ang akong hinigugmang anak,โ€ nag-ingon ang Amahan sa Langit. โ€œNalipay ako pag-ayo KANIMO.โ€ Nalipay ang Amahan kanimo kay naghatag ka Kaniya og kalipay tungod lamang kay Iya kang anak. Pamalandongi kana nga kamatuoran ug tugoti nga motuhop kini sa imong kasingkasing samtang nangandam kita alang sa umaabot nga pagsaulog sa Bunyag sa Ginoo.

Ginoo, tabangi ako nga kanunayng makita ang akong dignidad isip Imong anak. Tabangi ako nga mahibalo ug motuo nga wala akoy mahimo aron mapalig-on o mapahuyang ang Imong gugma kanako ug, busa, ang dignidad nga akong nadawat gikan sa Imong gugma. Tabangi ako nga kanunayng masabtan nga ang akong kinabuhi naghatag Kanimo og dakong kalipay dili tungod sa akong gibuhat o wala buhata, kondili tungod sa kon kinsa ako. Nagpasalamat ako Kanimo sa paghigugma kanako isip usa ka hingpit nga Amahan. Palihog, tabangi ako nga kanunayng mailhan ug dawaton kining hingpit nga gugma. Jesus, nagsalig ako Kanimo.


Usa ka Pagpadayag sa Kalipay

Enero 7, kon sa wala pa ang Epipaniya

Gitawag sa tigdumala sa kombira ang pamanhonon ug miingon kaniya, โ€œAng tanan mag-alagad una sa maayong bino, ug unya kon daghan na ang nainom sa mga tawo, ang dili kaayo maayong bino; apan gitipigan mo ang maayong bino hangtod karon.โ€ย  Gibuhat kini ni Jesus isip sinugdanan sa iyang mga timailhan didto sa Cana sa Galilea ug sa ingon gipadayag niya ang iyang himaya, ug ang iyang mga tinun-an misugod sa pagtuo kaniya. John 2:9cโ€“11

Sa Ebanghelyo ni Juan, adunay pito ka โ€œtimaanโ€ nga gihimo ni Jesus nga nagpadayag sa Iyang gahom ug himaya. Kini, ang una sa Iyang mga timaan, daghag gipadayag kanato. Sumala sa asoy, nahutdan ug bino sa kasal sa Cana, ug ang inahan ni Jesus nangamuyo Kaniya. Gisugo Niya ang mga sulugoon nga pun-on ug tubig ang unom ka tadyaw nga bato, ug ang maong tubig dihadiha nahimong bino. Ug dili kini ordinaryong bino! Kini ang labing maayong bino.

Ang bino usa ka simbolo sa hilabihang kadagaya sa Dios. Nagpadayag kini sa tinuod nga pagsaulog ug kalipay. Sa paghatag kanila sa labing maayong bino sa madagayaong paagi, gipadayag ni Jesus nga mianhi Siya aron pun-on kita sa kadagaya sa labing hingpit nga kalipay.

Sa ulahi, gigamit usab ang bino isip paagi sa paghatag sa Bililhong Dugo nga iula ni Jesus alang sa kapasayloan sa mga sala.ย  Gidawat nato kining madagayaong gasa sa matag higayon nga modawat kita sa Balaang Komunyon.ย ย 

Samtang nagkaduol kita sa kataposan sa panahon sa Pasko ug sa pagsugod sa Kasagarang Panahon, tugoti kining unang milagrosong timaan ni Jesus nga mosulti kanimo. Pasultihi Siya kanimo nga mianhi Siya aron pun-on ang imong kalag sa madagayaong kalipay. Ug hibaloi nga ang tanan Niyang gidala kanimo gihatag kanimo pinaagi sa mahimayaong pagpangamuyo sa halangdong Inahan sa Dios.

Ginoo, nagpasalamat ako Kanimo alang sa madagayaong kinabuhi sa grasya nga Imong gitanyag kanako. Nagpasalamat ako Kanimo alang niini, ang una sa Imong mga milagro, ug alang sa mensahe nga Imong gipadala kanako ug sa tanan Mong sumusunod. Tabangi ako nga itutok ang akong mga mata sa Langit ug sa hilabihan ka madagayaong kinabuhi sa kalipay nga nagpaabot kanako didto. Jesus, misalig ako Kanimo.


Ang Pulong Nahimong Unod

Ikaduhang Domingo human sa Pasko
(Kon ang Epipaniya dili ibalhin ngadto sa Domingo human sa Enero 1)ย 

Ug ang Pulong nahimong tawo ug mipuyo uban kanato, ug nakita nato ang iyang himaya, ang himaya sa bugtong Anak sa Amahan, nga puno sa grasya ug kamatuoran. John 1:14

Kining teksto gikan sa Ebanghelyo ni Juan nagpadayag kanato sa misteryo sa Pasko.ย  Ang Walay Kataposang Pulong sa Amahan, ang Anak sa Dios, nahimong unod ug mipuyo uban kanato.ย  Ang Iyang presensya uban kanato nagpadayag sa himaya sa Amahan kay ang bugtong Anak sa Amahan โ€œpuno sa grasya ug kamatuoran.โ€ย ย ย ย 

Sayon ra nga dili masabtan ang dakong kahulogan sa Pasko. Sayon ra nga isipon kini nga usa ka nindot nga istorya nga nahitabo kaniadto mahitungod sa pagkatawo sa usa ka bata, ug dili masabtan ang dakong misteryo sa Pagpakatawo sa Dios.

Sa pagsul-ob sa atong unod, ang Dios nakighiusa sa Iyang kaugalingon sa atong tawhanong kahimtang.ย  Ang Iyang Pagpakatawo naghimo og taytayan tali sa Dios ug sa tawo, nga nagtugot sa katawhan sa pagtan-aw sa himaya sa Dios.ย  Apan ang pagtan-aw sa himaya sa Dios, pinaagi sa misteryo sa Pagpakatawo, dili mahitabo pinaagi lamang sa atong mga mata.ย  Kinahanglan natong tan-awon ang dakong misteryo sa Pagpakatawo pinaagi sa mga mata sa pagtuo.

Ang pagtan-aw sa misteryo sa Pagpakatawo pinaagi sa mga mata sa pagtuo nagpasabot nga, sa pagkatinuod, atong masugatan ang himaya sa Dios diha mismo sa atong kinabuhi. Nagpasabot kini nga atong madiskobrehan ang dignidad sa pagkatawo pinaagi sa pag-ila sa talagsaong kamatuoran nga ang Dios nahimong usa kanato. Angay kining mopuno kanato sa katingala samtang nagmaya kita sa pagkaduol sa Dios kanato.

Samtang nagpadayon ka sa imong pagsaulog sa Pasko, pamalandongi karon kining yano nga mga pulong: โ€œUg ang Pulong nahimong tawo.โ€ Hunahunaa kini pag-ayo, pamalandongi ug iampo kini. Tugoti nga ang misteryo sa Pasko, ang Pagpakatawo sa Dios, mosalom pa gayod sa imong kinabuhi.

Ginoo, nagpasalamat ako Kanimo alang sa Imong Pagpakatawo. Nagpasalamat ako Kanimo uban sa kinahiladmang pagpasalamat tungod sa Imong pagkahimong usa kanamo. Tabangi ako nga makita ang Imong himaya kay ania Ka na karon sa tawhanong kinaiya, ug tabangi ako nga makita ang dignidad nga Imong gipadayag kanamong tanan pinaagi sa pagsul-ob sa among unod. Jesus, misalig ako Kanimo.


Ang Pagsimba sa mga Mago

Ang Epipaniya sa Ginoo
Enero 6, o ang unang Domingo human sa Enero 1ย 

Sa pagsulod nila sa balay, nakita nila ang bata uban ni Maria nga iyang inahan. Nanghapa sila ug misimba kaniya. Unya giablihan nila ang ilang mga bahandi ug gihalaran siya ug mga gasa nga bulawan, insenso ug mira. Matthew 2:11

Ang โ€œEpifaniaโ€ nagpasabot og pagpadayag. Ang โ€œEpifania sa Ginooโ€ mao ang pagpadayag ni Jesus dili lamang niining tulo ka Mago gikan sa Sidlakan, kondili usa usab ka simboliko apan tinuod nga pagpadayag ni Kristo ngadto sa tibuok kalibotan. Kining mga Mago, nga mipanaw gikan sa usa ka langyaw ug dili Judio nga nasod, nagpakita nga si Jesus mianhi alang sa tanang tawo ug ang tanan gitawag sa pagsimba Kaniya.

Kining mga Mago maoy โ€œmaalamong mga tawoโ€ nga nagtuon sa mga bituon ug nahibalo sa pagtuo sa mga Judio nga adunay Mesiyas nga moabot. Lagmit batid sila sa daghang kaalam niadtong panahona ug nadani sa pagtuo sa mga Judio mahitungod sa Mesiyas.

Gigamit sa Dios ang ilang nasinati na aron tawgon sila sa pagsimba kang Kristo. Gigamit Niya ang usa ka bituon. Nakasabot sila sa mga bituon, ug sa dihang nakita nila kining bag-o ug talagsaong bituon ibabaw sa Betlehem, nakaamgo sila nga adunay talagsaong nahitabo. Busa ang unang leksiyon nga atong makuha gikan niini alang sa atong kaugalingong kinabuhi mao nga gamiton sa Dios ang atong nasinati na aron tawgon kita ngadto Kaniya. Pangitaa ang โ€œbituonโ€ nga gigamit sa Dios sa pagtawag kanimo. Mas duol kini kay sa imong gihunahuna.

Ang ikaduhang angayng timan-an mao nga ang mga Mago mihapa sa atubangan sa Batang Kristo. Ilang gitugyan ang ilang kinabuhi sa Iyang atubangan uban sa hingpit nga pagtugyan ug pagsimba. Naghatag sila kanato og hingpit nga panig-ingnan. Kon kining mga astrologo gikan sa usa ka langyaw nga yuta nakaabot ug nakasimba kang Kristo sa ingon ka lawom nga paagi, kinahanglan nga buhaton usab nato kini. Tingali mahimo nimong sulayan karong adlawa ang aktuwal nga paghapa diha sa pag-ampo, sa pagsundog sa mga Mago, o bisan buhaton man lamang kini diha sa imong kasingkasing pinaagi sa pag-ampo. Simbaha Siya uban sa hingpit nga pagtugyan sa imong kinabuhi.

Sa kataposan, ang mga Mago nagdala og bulawan, insenso, ug mira. Kining tulo ka gasa, nga gihalad ngadto sa atong Ginoo, nagpakita nga ilang giila kining Bata isip Balaang Hari nga mamatay aron luwason kita gikan sa sala. Ang bulawan alang sa usa ka Hari, ang insenso maoy halad nga sunogon alang sa Dios, ug ang mira gigamit alang sa usa nga mamatay. Busa, ang ilang pagsimba nakagamot sa mga kamatuoran kon kinsa kining Bata. Kon buot natong simbahon si Kristo sa hustong paagi, kinahanglan usab natong pasidunggan Siya niining tulo ka paagi.

Pamalandongi karong adlawa kining mga Mago ug tan-awa sila isip simbolo sa unsay gitawag ka nga buhaton. Gitawag ka gikan sa langyaw nga dapit niining kalibotana aron pangitaon ang Mesiyas. Unsay gigamit sa Dios aron tawgon ka ngadto Kaniya? Sa dihang makaplagan nimo Siya, ayaw pagduhaduha sa pag-ila sa bug-os nga kamatuoran kon kinsa Siya, nga maghapa sa Iyang atubangan uban sa hingpit ug mapainubsanong pagpasakop.

Ginoo, gihigugma Ko Ikaw ug gisimba Ko Ikaw.ย  Gitugyan ko ang akong kinabuhi sa Imong atubangan ug gitugyan ko ang tanan.ย  Ikaw ang akong Balaang Hari ug Manluluwas.ย  Ang akong kinabuhi Imo. (Iampo kini sa tulo ka higayon ug dayon paghapa sa atubangan sa Ginoo) Jesus, nagsalig ako Kanimo.


Pagpangita sa mga Nanginahanglan

Unang Adlaw sa Semana sa Panahon sa Pasko human sa Epipanya
Lunes human sa Epipanya (O Enero 7)

Gidala nila ngadto kang Jesus ang tanang masakiton nga adunay nagkalainlaing mga balatian ug grabeng kasakit, ang mga giyawaan, ang mga nabuang, ug ang mga paralitiko, ug Iya silang giayo. Matthew 4:24b

Karon nga nahuman na nato ang pagsaulog sa Oktaba sa Pasko ug gisaulog na usab nato ang Epifania sa Ginoo, nagsugod na kitag pagtutok sa publiko nga ministeryo ni Jesus. Ang Ebanghelyo karong adlawa nagpadayag sa sinugdanan sa Iyang ministeryo human dakpa si Juan Bautista. Niining Ebanghelyo, daghang mga nanginahanglan ang gidala ngadto kang Jesus.

Mahimo natong tan-awon kining maong teksto gikan sa nagkalainlaing mga panglantaw. Mahimo nato kining tan-awon gikan sa panglantaw sa ministeryo ni Jesus, gikan sa panglantaw niadtong nangaayo, ug gikan usab sa panglantaw niadtong nagdala sa uban ngadto kang Jesus. Kining ulahing panglantaw mao ang atong pamalandongan karon.

Handurawa ang imong kaugalingon nga usa niadtong nagdala ngadto kang Jesus sa mga adunay โ€œnagkalainlaing balatian,โ€ sa mga โ€œgisakit pag-ayo,โ€ ug sa mga โ€œgiyawaan, buang ug paralitiko.โ€ Aduna ka bay gikinahanglang gugma, pagtagad ug kalooy aron mahimong usa nga magdala niining mga tawhana ngadto kang Jesus?

Kasagaran, kon makasugat kita og mga tawo nga nag-antos o giisip nga mga โ€œsinalikwayโ€ sa katilingban, dali ra nato silang tamayon.ย  Gikinahanglan ang usa ka tawong puno sa kalooy ug pagkamabination aron makita ang dignidad niining mga tawhana ug makahimo og paagi sa pagtabang kanila nga mamaayo ug makasinati sa gugma sa Dios.ย  Ang pagduol sa mga tawo nga nanginahanglan pag-ayo nagkinahanglan og dakong pagkamapainubsanon sa atong bahin ug og kasingkasing nga tinuod nga dili mahukmanon.ย  Ang Anak sa Dios mianhi sa atong kalibotan aron pagdala og kaayohan ug kaluwasan sa tanang tawo.ย  Katungdanan nato ang pagtabang sa pagdala sa tanang tawo ngadto kang Jesus, bisan unsa pa ang ilang kahimtang, kadako sa ilang panginahanglan, o kahimtang sa katilingban.

Pamalandongi karon ang mga tawo sa imong kinabuhi nga nahisakop niini.ย  Kinsa ang nag-antos ug nanginahanglan?ย  Kinsa ang mahimong matental ka sa paghukom ug pagsaway?ย  Kinsa ang may samad sa kasingkasing, masulob-on, naglibog, nahisalaag, o masakiton sa espiritu?ย  Tingali adunay mga tawong masakiton sa lawas nga gitawag ka sa Dios nga duolon ug tabangan, o tingali adunay usa nga masakiton sa hunahuna, sa moral nga kinabuhi, o sa espiritu sa usa ka paagi.ย  Giunsa nimo sila pagtagad?ย  Ang Ebanghelyo karon nagtawag kanato sa pagsunod sa panig-ingnan niining unang mga tinun-an ni Jesus pinaagi sa pagpangita sa mga nanginahanglan ug sa mga paagi sa pagdala kanila ngadto kang Jesus, ang Balaang Mananambal.ย  Itugyan ang imong kaugalingon niining buhat sa kalooy ug panalanginan ka tungod sa imong pagkamaayo.

Ginoo, palihog hatagi ako og kasingkasing nga puno sa kalooy ug pagkamabination.ย  Tabangi ako nga makaamgo nga mianhi Ka alang sa tanang tawo, ilabina niadtong nanginahanglan pag-ayo.ย  Hatagi ako sa grasya sa pagtuman sa akong bahin aron ang tanang tawo makaduol sa Imong presensya nga nagdala og kaayohan.ย  Jesus, misalig ako Kanimo.


Pagsalig kang Jesus sa Tanang Butang

Ikaduhang Adlaw sa Semana sa Panahon sa Pasko human sa Epipanya
Martes human sa Epipanya (O Enero 8)

Niadtong higayona hapon na kaayo, ug miduol kang Jesus ang Iyang mga tinun-an ug miingon, โ€œHilit kining dapita ug hapon na kaayo. Palakwa ang mga tawo aron makaadto sila sa kasikbit nga mga uma ug mga baryo ug makapalit og ilang makaon.โ€ Mark 6:35โ€“36

Misalig ka ba kang Jesus?ย  Gikinahanglan ang atong pagsalig sa daghang bahin sa kinabuhi.ย  Gikinahanglan kini sa pagdawat sa tanang espirituhanon, emosyonal ug sikolohikal nga kusog nga atong gikinahanglan dili lamang aron makalahutay matag adlaw kondili aron usab molambo sa daghang paagi.ย  Gikinahanglan usab ang pagsalig nga ang Dios motagana sa atong batakang inadlaw-adlaw nga mga panginahanglan sama sa pagkaon, kapuy-an ug sinina.ย  Alang sa kadaghanan, dili lisod ang pagsalig niining mga butanga, apan alang sa uban nagkinahanglan kini og dakong pagtugyan sa kaugalingon.

Kining kahimtang sa Ebanghelyo naghatag og higayon kang Jesus sa pagsulay sa pagsalig sa Iyang mga tinun-an.ย  Sa sinugdan, napakyas sila sa pagsulay tungod kay nataranta sila ug mihangyo kang Jesus nga papaulion ang katawhan aron makakuha og pagkaon, apan sa kataposan nahingangha sila sa ilang pagkakita sa paglihok sa pag-atiman sa Dios.ย  Sa kataposan, gipadaghan ni Jesus ang lima ka tinapay ug duha ka isda aron mapakaon ang kapin sa lima ka libo ka tawo.

Una sa tanan, kining Ebanghelyo wala mag-ingon nga mahimo kitang magpasagad sa pagtagana sa atong kaugalingong mga panginahanglan ug mosalig na lamang nga si Jesus milagrosong motagana kanato sa tanang panahon. Dili kini mahitungod sa pagbiya sa atong kaugalingong katungdanan sa pagtrabaho ug pagtagana alang sa atong kaugalingon ug sa atong mga pamilya.

Ang gitudlo niining Ebanghelyo mao ang pagsalig.ย  Niining kahimtanga, ang mga sumusunod ni Jesus giaghat sa pagtutok sa atong Ginoo ug sa pagpakig-uban Kaniya.ย  Sa espirituhanong paagi, giaghat sila sa pagtugyan sa tanang kabalaka sa kinabuhi niadtong higayona aron maamoma sila sa espirituhanong paagi.ย  Gidapit sila sa usa ka buhat sa pagtuo, ug klaro nga ang katawhan tinuod nga misalig niining pagdapit diha sa ilang kasingkasing.ย  Klaro kini tungod kay nagpabilin sila uban Kaniya bisan pa sa dayag nilang kagutom.

Busa, usa ka mahinungdanong mensahe mao nga usahay gitawag kita sa Dios sa pagsalig Kaniya sa mga paagi nga sa unang pagtan-aw daw dili praktikal ug dili makataronganon.ย  Ang praktikal unta nga buhaton mao ang pagbiya ug pagkuha og pagkaon alang sa ilang kaugalingon.ย  Apan ang labaw-sa-kinaiyahan nga pagtawag sa grasya niadtong higayona nag-awhag niining pundok sa lima ka libo ka tawo nga magpabilin uban kang Jesus ug mosalig nga mamaayo ra ang tanan.ย  Ug mao kana ang ilang gibuhat, ug mamaayo gayod ang tanan.

Pamalandongi karon kon giunsa ka usahay pagtawag sa Diyos sa pagsunod Kaniya sa mga paagi nga dili dayon nimo masabtan. Ayaw kahibulong kon usahay imong mabati nga gitawag ka sa Diyos nga mas mamati pag-ayo sa Iyang saad sa pagtagana kay sa imong kaugalingong natural nga mga pangatarongan pinasikad sa tawhanong lohika. Ang mga paagi sa Diyos labaw kaayo sa atong mga paagi. Usahay ang Iyang tawag radikal, ug kon lig-on ang imong pagtuo nga gitawag ka sa Diyos sa pagsalig Kaniya, buhata kini. Salig Kaniya sa tanang butang ug kanunay Siyang motagana kanimo.

Ginoo, usahay maluya ang akong pagsalig Kanimo. Usahay magduhaduha ako sa Imong kaayo ug sa Imong pag-atiman sa akong kinabuhi. Tabangi ako nga kanunayng mosalig pag-ayo sa Imong malumo nga pagdapit kay sa akong kaugalingong mga konklusyon sa kinabuhi. Tabangi ako nga magpagiyang kanunay Kanimo aron matag adlaw magkinabuhi ako sumala sa Imong hingpit nga plano. Jesus, nagsalig ako Kanimo.


Pagpamalandong sa Kasinatian sa Grasya

Ikatulong Adlaw sa Semana sa Panahon sa Pasko human sa Epipanya
Miyerkules human sa Epipanya (O Enero 9)

Human makakaon ug mabusog ang lima ka libo, gipasakay ni Jesus sa sakayan ang Iyang mga tinun-an ug gipauna ngadto sa pikas daplin paingon sa Betsaida, samtang Iyang gipapauli ang mga tawo. Ug human Siya manamilit kanila, miadto Siya sa bukid aron mag-ampo. Mark 6:45โ€“46

Unsa kaha ang gihunahuna sa mga tawo sa pagbiya ni Jesus kanila? Pipila na sila ka adlaw nga kauban Niya nga walay pagkaon, gipadaghan ni Jesus ang lima ka tinapay ug duha ka isda aron pakan-on silang tanan, nahingangha sila sa milagrosong pagpakaon, ug unya gibiyaan sila ni Jesus ug milakaw nga nag-inusara aron mag-ampo. Hunahunaa ang ilang mga gihunahuna ug ang panag-estorya sa mga tawo bahin niining kasinatiana!

Tingali ang uban misulay pagpangita og makataronganong pagpasabot sa pagpadaghan sa pagkaon, ang uban mituo sa milagro sa tibuok nilang kasingkasing, ug ang uban wala makasiguro kon unsay ilang hunahunaon. Mao kini ang kasinatian nga sagad natong maangkon kon masinati nato ang gahom ug grasya sa Dios sa atong kinabuhi.

Tingali dili kita makakita og aktuwal nga pisikal nga mga milagro matag adlaw. Sa pagkatinuod, tingali dili gayod kita makasugat og bisan usa niini sa tibuok natong kinabuhi. Apan kon bukas kita, kanunay natong masinati ang gahom sa Diyos nga buhi diha sa atong kinabuhi. Kasagaran kini maliputon ug natago, apan usahay kini tin-aw ug makapausab. Ang unang pangutana mao kon aduna ba kitay mga mata sa pagtuo aron makita ang Diyos nga naglihok, ug ang ikaduhang pangutana mao kon gitugotan ba nato ang Iyang paglihok nga makapausab kanato.

Samtang nagkatibulaag ang mga tawo, kining ikaduhang pangutana ipangutana unta sa Diyos diha sa ilang kinasuloran. Bag-o pa silang nakasaksi sa gahom sa Diyos, ug karon nga nasinati na nila kini, ang matag usa kanila gitawag sa pagtugot nga kini makapausab kanila. Gitawag sila sa pagpauli nga maghinamnam sa nahitabo, motuo niini ug motugot nga kini motuhop sa ilang kasingkasing.

Pamalandongi karon ang presensya sa Diyos sa imong kinabuhi. Giunsa ka sa Diyos pagpakigsulti, pagtabang ug pag-uban sa panahon sa imong panginahanglan? Sayon ra kaayong malimtan dayon ang gibuhat sa Diyos. Ang tumong mao ang paghupot sa tanan Niyang gibuhat ug pagtugot nga kadtong mga buhat padayong moatiman sa atong mga kasingkasing. Pamalandongi niining adlawa ang Iyang mga buhat kaniadto aron kadtong mga buhat sa gugma sa Diyos padayong mamunga sa imong kinabuhi karon.

Ginoo, nasayod ako nga buhi Ka ug naglihok sa akong kinabuhi sa dili maihap nga mga paagi. Tabangi ako nga kanunayng magkupot niadtong mga gasa sa grasya. Tabangi ako nga tugotan ang Imong presensya sa akong kinabuhi nga mahimong padayon nga tinubdan sa pagsalig sa Imong hingpit nga plano. Ug kon daw mibiya Ka na, tabangi ako nga mahibalo nga kanunay Kang duol ug kanunayng naglihok sa akong kinabuhi. Jesus, nagsalig ako Kanimo.


Ang Propeta nga Tahas ni Kristo

Ikaupat nga Adlaw sa Semana sa Panahon sa Pasko human sa Epipanya
Huwebes human sa Epipanya (O Enero 10)

Miingon si Jesus kanila, โ€œKarong adlawa natuman kining teksto sa Kasulatan samtang kamo naminaw.โ€ Ug ang tanan nagsulti ug maayo bahin Kaniya ug nahibulong sa mga pulong nga puno sa grasya nga migula gikan sa Iyang baba. Luke 4:21โ€“22a

Bag-o pa lang miabot si Jesus sa Nazaret, diin Siya nagdako, ug misulod sa dapit sa Templo aron sa pagbasa sa Kasulatan. Iyang gibasa ang teksto gikan kang Isaias: โ€œAng Espiritu sa Ginoo ania Kanako, kay gidihogan Niya Ako aron sa pagdala sa Maayong Balita ngadto sa mga kabos. Gipadala Niya Ako aron sa pagpahibalo sa kagawasan sa mga binilanggo ug sa pagpakakita pag-usab sa mga buta, sa pagpagawas sa mga dinaogdaog, ug sa pagpahibalo sa usa ka tuig nga gikahimut-an sa Ginoo.โ€ Human Niya kini mabasa, milingkod Siya ug mipahayag nga natuman na kining panagna ni Isaias.

Makapainteres ang tubag sa mga tawo sa Iyang lungsod. Silang โ€œtanan midayeg Kaniya ug nahibulong sa mga pulong nga puno sa grasya nga migula sa Iyang baba.โ€ Mao kini, sa labing menos, ang ilang unang tubag. Apan kon mopadayon kita sa pagbasa, makita nato nga gihagit ni Jesus ang mga tawo ug, tungod niini, napuno sila sa kasuko ug misulay sa pagpatay Kaniya diha-diha dayon.

Kasagaran, ingon usab niini ang atong mga tubag kang Jesus. Sa sinugdan, tingali modayeg kita Kaniya ug malipayong modawat Kaniya. Pananglitan, sa Pasko tingali manganta kita og mga awit sa Pasko ug magsaulog sa Iyang adlawng natawhan uban sa kalipay ug mga kalihokan sa pagsadya. Tingali moadto kita sa simbahan ug manghinaot og malipayong Pasko sa uban. Tingali magbutang kita og belen ug magdayandayan gamit ang Kristohanong mga simbolo sa atong pagtuo. Apan unsa ba kalalom kining tanan? Usahay ang mga pagsaulog ug mga tradisyon sa Pasko kutob lamang sa gawas ug wala magpakita og tinuod nga kalalom sa Kristohanong kombiksiyon o pagtuo. Unsay mahitabo kon kining bililhong Batang Kristo mosulti og mga pulong sa kamatuoran ug lig-on nga kombiksiyon? Unsay mahitabo kon tawgon kita sa Ebanghelyo sa paghinulsol ug pagkakabig? Unsa ang atong tubag kang Kristo niining mga higayona?

Samtang nagpadayon kita sa kataposang semana sa atong Panahon sa Pasko, pamalandongi karon ang kamatuoran nga ang gamayng Bata nga atong gipasidunggan sa Pasko midako na ug karon nagsulti kanato og mga pulong sa kamatuoran. Pamalandongi kon andam ba kang mopasidungog Kaniya dili lamang isip usa ka masuso, kondili usab isip Propeta sa tanang Kamatuoran. Andam ka bang maminaw sa Iyang tibuok mensahe ug modawat Kaniya uban sa kalipay? Andam ka bang motugot nga ang Iyang mga pulong sa Kamatuoran motuhop sa imong kasingkasing ug mag-usab sa imong kinabuhi?

Ginoo, gihigugma ko Ikaw ug nagtinguha ako nga ang tanan Mong gisulti motuhop sa akong kasingkasing ug modala kanako ngadto sa tibuok kamatuoran. Tabangi ako nga dawaton Ka dili lamang isip gamayng bata nga natawo sa Betlehem, kondili usab isip bantog nga Propeta sa Kamatuoran. Hinaot nga dili gayod ako masilo sa mga pulong nga Imong isulti, ug hinaot nga kanunay akong bukas sa Imong tahas isip propeta sa akong kinabuhi. Jesus, misalig ako Kanimo.


Pagduko nga Naghapa sa Atubangan ni Jesus

Ikalimang Adlaw sa Panahon sa Pasko human sa Epipaniya
Biyernes human sa Epipaniya (O Enero 11)

Nahitabo nga dihay usa ka tawo nga puno sa sanla sa usa sa mga lungsod diin atua si Jesus; ug sa pagkakita niya kang Jesus, mihapa siya, nangamuyo Kaniya, ug miingon, โ€œGinoo, kon buot Nimo, makahimo Ka sa paghinlo kanako.โ€ Gituy-od ni Jesus ang Iyang kamot, gihikap siya, ug miingon, โ€œBuot Ko. Mahinlo ka.โ€ Luke 5:12โ€“13a

Sa makausa pa, makita nato ang hulagway sa paghapa sa atubangan sa atong Ginoo. Niining higayona, usa ka sanlahon ang naghapa. Apan sa miaging semana lamang, sa atong pagsaulog sa Epipanya, gipahinumdoman kita sa tulo ka Mago gikan sa Sidlakan nga miabot usab aron pagsimba kang Kristo ug mihapa sa Iyang atubangan.

Tingali kitang tanan gustong motan-aw sa atong kaugalingon nga sama sa mga Mago, nga nangita kang Kristo isip mga tawo nga dungganon ug gidayeg sa uban sa katilingban. Siguradong ingon niana ang pagtan-aw sa mga tawo sa mga Mago. Apan dili usab nato kalimtan ang pagtan-aw sa atong kaugalingon nga sama niining sanlahon nga miduol kang Jesus diha sa iyang kahuyang ug kaluyahon, nga mihapa sa atubangan sa atong Ginoo ug nangamuyo og kaluoy. Dili, tingali wala kitay sanla sa literal nga kahulogan, apan kitang tanan moduol kang Jesus nga masakiton ug nanginahanglan sa Iyang kaluoy ug makaayong paghikap.

Matikdi ang gibuhat ni Jesus. Iyang โ€œgituy-od ang Iyang kamot, gihikap siya,โ€ ug unya giayo siya. Wala magduhaduha si Jesus, wala Niya tamaya ang sanlahon, ni nakulangan Siya bisan gamay sa kalooy. Gilayon nga gibubo ni Jesus ang Iyang makapaayong grasya ngadto sa kinabuhi sa sanlahon.

Samtang nagkaduol kita sa kataposan sa Panahon sa Pasko uban sa umaabot nga pagsaulog sa Bunyag sa Ginoo, angay kitang mahinumdom nga kitang tanan natandog ni Kristo diha sa Bunyag. Kini nga โ€œpaghikapโ€ nagpadayon sa tibuok natong kinabuhi. Kini usa ka paghikap nga nagbalaan ug nagbag-o. Usa kini ka paghikap nga nag-ayo ug naghupay. Tugoti ang imong kaugalingon nga makasinati sa kaluoy ni Jesus pinaagi sa pagduol Kaniya uban sa pagpaubos samtang giila nimo ang imong panginahanglan sa grasya. Ayaw kahadlok sa pagtugyan sa imong kaugalingon ngadto Kaniya, kay nasayod ka nga dili gayod Siya magpanuko bisan sa makadiyot sa pagkab-ot kanimo ug sa pagtanyag kanimo sa kadagaya sa Iyang kaluoy.

Ginoo, kon buot Nimo, makahimo Ka sa paghinlo kanako. Kon buot Nimo, makahimo Ka sa pag-ayo kanako, pagpasaylo kanako, paglig-on kanako ug paghigugma kanako. Nagpasalamat na daan ako Kanimo kay nasayod ako nga buot gayod Nimo ug gipili Nimo nga panalanginan ako niining mga paagi ug sa tanang uban pang paagi nga akong gikinahanglan. Salamat sa Imong kaluoy ug grasya, ug salamat sa pagdawat kanako diha sa akong kaluyahon. Gihigugma ko Ikaw, akong Ginoo, ug gipili ko gayod ang paghapa sa Imong atubangan uban sa gugma ug pagsimba. Jesus, misalig ako Kanimo.


Ang Prinsipyong Naggiya sa Imong Kinabuhi

Ikaunom nga Adlaw sa Panahon sa Pasko human sa Epipaniya
Sabado human sa Epipaniya (O Enero 12)

โ€œKinahanglan nga Siya motubo; ako kinahanglan mokunhod.โ€ John 3:30

Kining gamhanan ug matagnaong mga pulong ni San Juan Bautista angay molanog sa atong mga kasingkasing matag adlaw. Nagtabang kini sa paghatag ug direksiyon sa tanan natong pagkatawo ug sa matang sa tawo nga kinahanglan natong mahimong. Unsay kahulogan niining mga pulonga? Tin-aw nga adunay duha ka butang nga gisulti ni Juan dinhi: 1) Kinahanglan motubo si Jesus, 2) Kinahanglan mokunhod kita.

Una sa tanan, ang pagtubo ni Jesus sa atong kinabuhi mao ang unang tumong nga kinahanglan natong batonan. Unsa gayod ang kahulogan niini? Nagpasabot kini nga mas bug-os Niyang gipanag-iya ang atong hunahuna ug kabubut-on. Nagpasabot kini nga Iya kita ug Siya atoa. Nagpasabot kini nga ang atong labing unang tumong ug tinguha sa kinabuhi mao ang pagtuman sa Iyang balaang kabubut-on sa tanang butang. Nagpasabot kini nga gisalikway ang kahadlok ug ang gugma nahimong hinungdan sa atong pagkinabuhi. Makapalingkawas gayod ang pagtugot nga motubo ang Ginoo sa atong kinabuhi. Makapalingkawas kini kay dili na kita kinahanglang maningkamot sa pagdumala sa tanan pinaagi lamang sa atong kaugalingon. Si Jesus karon nagkinabuhi diha kanato ug pinaagi kanato.

Ikaduha, sa dihang miingon si Juan nga kinahanglan siyang mokunhod, nagpasabot kini nga ang iyang kaugalingong kabubut-on, mga tinguha, ambisyon, paglaom, ug uban pa, kinahanglan mahanaw samtang si Jesus na ang magbuot. Nagpasabot kini nga kinahanglang biyaan ang tanang pagkahakog ug ang pagkinabuhi nga dili alang sa kaugalingon lamang kinahanglan mahimong sukaranang prinsipyo sa atong kinabuhi. Ang โ€œpagkunhodโ€ sa atubangan sa Dios nagpasabot nga magmapainubsanon kita. Ang pagpaubos usa ka paagi sa pagbiya sa tanang dili iya sa Dios ug sa pagtugot nga ang Dios lamang ang modan-ag pinaagi kanato.

Pamalandongi karon kining matahom nga pamahayag ni San Juan Bautista. Himoa kini nga usa ka pag-ampo ug balikbalika kini sa pagsulti. Himoa kini nga prinsipyo nga mogiya sa imong kinabuhi.

Ginoo, kinahanglan motubo Ka ug kinahanglan mokunhod ako. Palihog, umari Ka ug panag-iyaha sa hingpit ang akong kalag. Bag-oha ang akong hunahuna ug kasingkasing, giyahi ang akong kabubut-on, mga pagbati ug mga tinguha. Ug tugoti ako nga mahimong balaang instrumento sa Imong diosnong kinabuhi. Jesus, misalig ako Kanimo.


โ€œKanimo Ako Nahimuot Pag-ayoโ€

Ang Pagbunyag sa Ginoo
Dominggo human sa Enero 6

Human mabunyagi ang tanang katawhan ug mabunyagi usab si Jesus, samtang Siya nag-ampo, naabli ang langit ug mikunsad Kaniya ang Espiritu Santo sa lawasnong dagway sama sa usa ka salampati. Ug may tingog nga gikan sa langit, โ€œIkaw ang Akong hinigugmang Anak; Kanimo Ako nahimuot pag-ayo.โ€ Luke 3:21โ€“22 (Ebanghelyo gikan sa Tuig C)

Ang Pista karong adlawa nagtimaan sa kataposan sa Panahon sa Pasko ug sa sinugdanan sa Ordinaryong Panahon. Kini usa ka pista sa pagbalhin gikan sa natagong kinabuhi ni Jesus ngadto sa Iyang publikong ministeryo. Nagpalanog usab kini sa tema sa Epipaniya, kay ang Pagbunyag sa Ginoo maoy laing pagpadayag nga nagpahibalo sa pagka-Dios ni Jesus ngadto sa tanan Niyang unang mga sumusunod ug sa mga tinun-an ni Juan Bautista.

Una sa tanan, kinahanglang ipatin-aw nga wala magkinahanglan si Jesus sa bunyag ni Juan. Si Juan nagbunyag isip usa ka tawag ug timaan sa paghinulsol sa kasingkasing. Wala magkinahanglan si Jesus nga maghinulsol. Apan bisan pa niana, miduol Siya kang Juan. Mibalibad si Juan sa sinugdan, apan miinsistir si Jesus. Nganong midawat man Siya sa bunyag?

Una, pinaagi sa pagdawat sa bunyag ni Juan, gipamatud-an ni Jesus ang tanan nga gisulti ug gibuhat ni Juan ug ang iyang sagradong tahas sa pag-andam sa dalan alang kang Jesus ug alang sa usa ka bag-ong panahon sa grasya. Busa, ang Pagbunyag ni Jesus nagsilbing taytayan tali sa mga propeta sa Daang Tugon (nga si Juan mao ang kataposan kanila) ug sa panahon sa grasya ug kamatuoran sa Bag-ong Tugon.

Ikaduha, giingon nga sa pagsulod ni Jesus sa tubig sa bunyag, dili ang tubig ang nagbunyag Kaniya; hinuon, ang Iyang Bunyag maoy higayon diin ang tanang binuhat nga tubig niining kalibotana, sa usa ka diwa, โ€œgibunyaganโ€ Niya. Pinaagi sa pagsulod sa tubig, gibalaan ni Jesus ang tubig ug gibubo ang Iyang grasya, nga naghimo sa tanang tubig nga umaabot nga tinubdan sa kaluwasan.

Ikatulo, ang Pagbunyag ni Jesus usa ka epipaniya. Kini usa ka higayon sa pagpadayag. Sa Iyang paghaw-as gikan sa tubig, โ€œNaabli ang langit ug mikunsad Kaniya ang Espiritu Santo sa lawasnong dagway sama sa usa ka salampati. Ug may tingog nga gikan sa Langit, โ€˜Ikaw ang Akong hinigugmang Anak; Kanimo Ako nahimuot pag-ayo.โ€™โ€ Kining pagpadayag sa pagka-Anak ug pagka-Dios ni Jesus nahitabo sa pisikal nga paagi, nga madungog ug makita, aron ang tanan nga didto masayod, sa walay pagduhaduha, nga si Jesus mao ang Anak sa Amahan. Busa, ang Iyang bunyag maoy paagi diin gipaila sa Amahan ang Iyang Anak ug ang misyon sa Iyang Anak ngadto sa kalibotan.

Samtang nangandam kita sa pagsugod sa Ordinaryong Panahon, pamalandongi karon kining mga pulong sa Amahan sa Bunyag ni Jesus. Paminawa ang Amahan nga nakigsulti kanimo bahin sa pagka-Diyos sa Iyang Anak. Itutok ang imong mga mata kang Jesus ug andama ang imong kaugalingon sa pagsunod Kaniya ug sa pagtuman sa matag pulong nga Iyang isulti. Gipadala Siya niining kalibotana aron dad-on kita ngadto sa Amahan; tugoti Siya sa pagtuman nianang misyon sa imong kaugalingong kinabuhi.

Ginoo, nagtuo ako nga Ikaw ang Anak sa Amahang Walay Kataposan ug ang Manluluwas sa Kalibotan. Nagtuo ako nga Ikaw ang nagpasiugda sa usa ka bag-ong panahon sa grasya ug kamatuoran ug nga gitawag ako sa pagsunod Kanimo bisan asa Mo ako dad-a. Sa among pagsugod niining liturhikanhong panahon sa Ordinaryong Panahon, hinaot nga mahimo kini nga panahon sa talagsaong grasya diin adlaw-adlaw kong pamatian ug tumanon ang Imong tingog. Jesus, misalig ako Kanimo.

 

Mga Pista ug mga Solemnidad

Talaan sa mga Sulod


Anaa usab sa Paperback & eBook

Amazon.comย โ€“ย Google Playย โ€“ย iTunesย โ€“ย Barnes and Noble