Uone mkono Wangu katika mambo yote.
Daima umo katika matukio yanayokuzunguka.
Utafute mkono Wangu unaokuongoza
unaoamua na kuelekeza
matukio ya maisha yako ya kila siku.
Tazama na uuone mkono Wangu katika mambo yote,
kwani upo hata kwa namna zisizo dhahiri hata kidogo.
Unaweza kuutambua uwepo Wangu katika mambo haya,
ikiwa utasikiliza, utatazama, utaona,
na kuhisi neema ya uwepo Wangu.
Usiogope kuionja neema hii,
kwa kuwa ni tofauti na yote uliyo nayo sasa.
Uwe tayari na utumaini,
kwani sitakuumiza wala kukusababishia
kukata tamaa, huzuni, hasira, kuvunjika moyo, au hofu.
Mimi ni mpole kwa wale
wanaotafuta mwongozo Wangu, msaada Wangu na neema Yangu.
Uwe mmoja wa wanafunzi Wangu na marafiki Zangu;
nataka uwe Wangu.
Jitoe,
nami nitakubariki.