Njia ya Kuelekea Utakatifu

Njia ya Utakatifu:
Kuwa Sadaka Hai ya Upendo

Umeitwa kuwa mtakatifu.  Lakini “utakatifu” ni nini, na unaupataje? Njia ya utakatifu inajikita katika fadhila za unyenyekevu na kutumaini. Kwa kuzikumbatia fadhila hizo, utaanza kuona Mungu akibadilisha maisha yako kwa namna itakayokufanya uanze kuishi upendo uleule wa Kristo wa kujitoa sadaka.  Zaidi ya hayo, kuishi maisha ya upendo wa kujitoa sadaka kunakuhitaji uwe mwanga wa huruma katika ulimwengu huu. Kwa bahati mbaya, tunaishi katika ulimwengu ambao kwa namna nyingi hauna huruma. Ni ulimwengu ambamo ukali na kuwahukumu wengine ni mambo ya kawaida. Hata hivyo, mojawapo ya sababu kuu zinazowafanya watu wengi sana kukosa huruma katika nyakati zetu ni kwamba wanakosa unyenyekevu na kutumaini. Pia tunaishi katika ulimwengu uliojaa mateso. Lakini jambo la kusikitisha ni kwamba mateso hayaeleweki mara nyingi kuwa fursa ya kufikia kiwango cha juu kabisa cha utakatifu. Ni nadra mateso kugeuzwa kuwa maisha ya kujitoa sadaka. Badala yake, mara nyingi yanaonwa tu kuwa mzigo wa kuepukwa.

Lengo la kitabu hiki ni kukualika kuitazama kwa kina zaidi njia ya utakatifu na kugundua namna unavyoweza kuifuata katika maisha yako mwenyewe. Mwaliko huu hautolewi tu ili kukusaidia kuelewa teolojia ya utakatifu; bali ni mwaliko wa kuishi utakatifu huo.  Soma mtandaoni bila malipo, au nunua katika muundo wa kitabu cha kielektroniki au wa kitabu chenye jalada laini.