അൾത്താരയിലെ കൂദാശയിൽ സന്നിഹിതനായ പ്രിയ ഈശോയേ,
അങ്ങേയ്ക്ക് എന്നും നന്ദിയും സ്തുതിയും ഉണ്ടായിരിക്കട്ടെ.
സ്വർഗത്തിലെയും ഭൂമിയിലെയും സകല സ്നേഹത്തിനും അർഹനായ സ്നേഹമേ!
അനന്തസ്നേഹത്താൽ അങ്ങ്,
നന്ദിയില്ലാത്ത പാപിയായ എന്നെ സ്നേഹിച്ച്,
ഞങ്ങളുടെ മനുഷ്യസ്വഭാവം സ്വീകരിക്കുകയും,
ക്രൂരമായ ചമ്മട്ടിയടിയിൽ അങ്ങയുടെ അതിവിലയേറിയ തിരുരക്തം ചിന്തുകയും,
ഞങ്ങളുടെ നിത്യനന്മയ്ക്കായി അപമാനകരമായ കുരിശിൽ മരിക്കുകയും ചെയ്തുവല്ലോ!
ഇപ്പോൾ സജീവമായ വിശ്വാസത്താൽ പ്രകാശിതനായി,
എന്റെ ആത്മാവിനെ മുഴുവനായി പകർന്നുകൊണ്ടും ഹൃദയത്തിന്റെ തീക്ഷ്ണതയോടെയും,
ഞാൻ അങ്ങയോട് വിനയപൂർവം അപേക്ഷിക്കുന്നു,
അങ്ങയുടെ വേദനാജനകമായ പീഡകളുടെ അനന്തമായ യോഗ്യതകളാൽ,
എന്റെ ഹൃദയത്തെ ഭരിക്കുന്ന എല്ലാ ദുഷിച്ച അഭിനിവേശങ്ങളെയും നശിപ്പിക്കുവാൻ എനിക്ക് ശക്തിയും ധൈര്യവും നൽകണമേ,
എന്റെ കടമകൾ കൃത്യമായി നിറവേറ്റിക്കൊണ്ട് അങ്ങയെ വാഴ്ത്തുവാനും,
എല്ലാ പാപങ്ങളെയും അങ്ങേയറ്റം വെറുക്കുവാനും,
അങ്ങനെ ഒരു വിശുദ്ധനാകുവാനും.
ആമ്മേൻ.