Unsaon Pagsugidโฆ
ย I-klik dinhi alang sa bersiyon nga sayon i-print
Una, paggahin og gamayng panahon sa hilom nga pag-ampo ug basaha ang pagsusi sa konsensya sa ubos.ย Paggahin og igong panahon kutob sa gikinahanglan.
Tagsa-tagsa nga Pagsusi sa Konsensiya
Tagsa-tagsa nga Pagsusi sa Konsensya โ 10 ka Sugo
ย (O, alang sa pagsusi gamit ang 7 ka Pangunang Sala, i-scroll paubos)
Unang Sugo: โAko ang Ginoo nga imong Dios; ayaw pagbaton og laing mga dios gawas Kanako.โGilimod ko ba ang Dios? Gikaulaw o gilimod ko ba ang akong pagtuo atubangan sa uban? Gibugalbugalan ko ba ang mga pagtulon-an o mga binuhatan sa Simbahan? Gipasagdan ko ba ang akong mga pag-ampo? Migamit ba ako og pagpang-ungo, Wicca, o ubang okultong mga binuhatan? Gibuhat ko ba ang nagkalainlaing matang sa patuotuo sama sa pagdangop sa mga mananag-an, mga espiritista, mga ouija board, ug mga tarot card?
Ikaduhang Sugo: โAyaw paggamit sa ngalan sa Ginoo sa walay kapuslanan.โย
Gigamit ko ba ang ngalan sa Dios nga walay pagtahod, tungod sa kasuko, o sa pagkakurat? Gitunglo ko ba ang bisan kinsa o bisan unsa?
Ikatulong Sugo: โBalaana ang Adlawng Igpapahulay.โ
Tungod ba sa akong kaugalingong sala, wala ako makatambong sa Misa matag Domingo ug sa matag Adlaw nga Obligadong Tambongan ang Misa? Naulahi ba ako sa Misa o mibiya sa wala pa kini mahuman nga walay igong hinungdan? Gipasagdan ko ba nga mabalda ang akong pagtagad panahon sa Misa?
Ikaupat nga Sugo: โTahora ang imong amahan ug inahan.โย
Gisupak ko ba ang akong mga ginikanan o wala ko sila tahora? Wala ba akoy pagtahod, maayong pamatasan, o pagkamatinahuron ngadto sa akong pamilya? Gipasagdan ko ba ang akong trabaho o pagtuon? Mitabang ba ako sa among panimalay? Wala ba ako magtuon nga seryoso ug makugihon? Wala ba ako makatambong sa eksamin sa eskwelahan tungod sa katapolan? Wala ba akoy pagtahod sa mga tigulang? Gisupak ko ba ang balaod sibil o ang mga may awtoridad sama sa mga pulis?
Ikalimang Sugo: โAyaw pagpatay.โ
Nagpakuha ba ako sa gisabak o mitabang sa uban sa pagpakuha sa ilang gisabak? Gipungkol ko ba ang akong lawas o ang lawas sa uban? Misulay ba ako sa paghikog o seryosong naghunahuna sa paghikog? Nagbuhat ba ako og kapintasan pinaagi sa pagpakig-away o pagpangulata sa uban? Nagdumot ba ako sa uban? Migamit ba ako og ilegal nga droga o nag-abuso sa mga tambal nga gireseta? Nagbaligya o nag-apod-apod ba ako og ilegal nga droga? Gipasagdan ko ba ang hustong pag-atiman sa akong lawas? Sobra ba ang akong pagkaon o pagkatulog? Nagpasobra ba ako sa pag-inom og serbesa o ubang ilimnong makahubog? Gipasagdan ko ba ang akong kaugalingon nga mahubog?ย Sobra ba ang akong kabalaka sa akong panglawas o panagway? Gituyo ko ba nga tipigan sa akong hunahuna ang daotang mga hunahuna ug tinguha sa pagpanimalos batok sa uban? Nanimalos ba ako? Migamit ba ako og sakit o mapasipalahong mga pulong ngadto sa uban? Bastos ba ako, walay maayong pamatasan, o nagbiaybiay sa uban? Nakasala ba ako tungod sa rasismo? Mapintas ba ako sa mga mananap?
Ikaunom & Ikasiyam nga mga Sugo: โAyaw panapaw.ย Ayaw pangibog sa asawa sa imong isigkatawo.โย
Nagtinguha o nagbuhat ba ako og mahugaw nga mga butang? Nagpatuyang ba ako sa pagtagamtam sa mahugaw nga mga hunahuna o tinguha? Nagbasa ba ako og mahugaw nga mga basahon, naminaw og musika nga adunay mahugaw nga mga liriko, o mitan-aw og mahugaw nga mga hulagway, diha man sa mga litrato, sa telebisyon, sa mga salida, o sa Internet? Gipukaw ko ba ang seksuwal nga tinguha sa akong kaugalingon o sa uban pinaagi sa mahugaw nga paghalok, paggakos, o paghikap? Nagbuhat ba ako nga mag-inusara og mahugaw nga mga buhat, nga mao ang masturbasyon? Nagbuhat ba ako og mga seksuwal nga buhat uban sa kaparehog sekso o ubang mga buhat nga supak sa kinaiyahan? Migamit ba ako og artipisyal nga pagpugong sa pagpanamkon, pinaagi man sa operasyon, mga babag, o kemikal nga mga pamaagi? Nagsul-ob ba ako og dili makigdangpanong mga sinina o sobra nga nabalaka sa akong panagway? Migamit ba ako og malaw-ay nga pinulongan o nagsulti o naminaw sa mahugaw nga mga komedya o sugilanon?
Ikapito ug Ikanapulo nga mga Sugo: โAyaw pangawat.ย Ayaw pangibog sa mga kabtangan sa imong isigkatawo.โย
Mikuha ba ako og bisan unsang dili ako? Gidaot ko ba ang pribado o publikong kabtangan o gihugawan ang dagway niini pinaagi sa bandalismo? Nangawat ba ako sa tindahan? Midawat o mipalit ba ako og kinawat nga kabtangan o mitabang sa usa ka tawo sa pagpangawat? Nanghiphip ba ako og tawo? Nagpasobra ba ako sa pagsugal? Nanghulam ba ako og butang nga walay pagtugot sa tag-iya? Wala ba nako iuli ang akong gihulaman? Nag-usik-usik ba ako og kuwarta o nagpatuyang sa paggasto niini? Gitipigan ko ba sa akong kasingkasing ang kahakog sa kuwarta o kalibotanong mga kabtangan? Gihimo ko ba ang kuwarta o bisan unsang kabtangan nga usa ka bakak nga dios? Nag-usik-usik ba ako og mga butang o pagkaon? Nanikas ba ako sa mga eksamin o sa mga buluhaton sa eskwelahan? Nanikas ba ako sa mga dula o isport?
Ikawalong Sugo: โAyaw pagsaksi og bakak batok sa imong isigkatawo.โ
Tinuyo ba akong namakak? Nanumpa ba ako nga mobuhat og butang nga makasasala o supak sa balaod? Gibutangbutangan ba nako ang uban pinaagi sa pagpasangil kanila og mga sala nga wala nila buhata o nga wala akoy ebidensya? Naglibak ba ako bahin sa uban o naminaw sa mga libak? Gibutyag ba nako ang usa ka sekreto nga gihangyo akong tipigan? Gibudhian ba nako ang pagsalig sa usa ka tawo? Gisaway ba nako ang bisan kinsa nga walay gugma? Dali-dali ba akong mohukom ug magtipig og walay basihanan nga mga pagduda bahin sa uban? Tinuyo ba nakong gipahisalaag o gilimbongan ang bisan kinsa? Nagdumili ba akong mopasaylo sa usa ka tawo o nagdumot kaniya? Napakyas ba akong mangayo og pasaylo o mobawi sa akong nabuhat ngadto sa usa ka tawo nga akong napasakitan?
Uban pang mga angay pamalandongan: Hakog ba ako o makikaugalingon, o nagpatuyang ba ako sa pagkaluoy sa akong kaugalingon? Mapahitas-on ba ako o mapagarbohon, o mapasundayag ba ako? Taphaw ba ako ug kalibotanon? Nagtinguha ba akong dayegon pinaagi sa pagpasobra sa akong mga kalamposan? Dali ba akong masuko ug sobra ka sensitibo? Gipadako ba nako ang pinakagamayng pagkalimot o pagkadili-matinagdanon nga daw usa kini ka insulto o tinuyong pagtamay? Naghinambog ba ako? Nagmapahitas-on ba ako ngadto sa uban? Gahi ba ang akong ulo sa pagdepensa sa mga buhat nga makasasala, akoa man o sa uban? Masinupakon ba ako? Nag-usik ba ako og panahon sa pagtutok sa TV samtang aduna unta akoy mas mapuslanong mabuhat? Nasina ba ako sa mga kabtangan sa uban ug nagtinguha ba ako sa dili hustong paagi nga maakoa kini? Nalipay ba ako sa mga kaalautan sa uban?
(Alang sa pagsusi bahin sa 7 ka Kapital nga Sala, i-scroll paubos)
Human ka makapamalandong sa imong mga sala, adto lang sa kumpisalan ug saulogon ang sakramento sa Rekonsilyasyon niining paagiha:
Sulod sa kumpisalan ug isulti, Sa Ngalan sa Amahan, ug sa Anak, ug sa Espiritu Santo. Amen. Pasayloa ako, Padre, kay nakasala ako. (Unsa na kadugay?) na sukad sa akong kataposang pagkumpisal ug mao kini ang akong mga salaโฆ(ikumpisal ang tanan nimong mga salaโฆayaw kahadlok!).
Hatagan ka sa pari og penitensiya ug dayon hangyoon ka niya nga mag-ampo sa Pagbasol. Mahimo nimong gamiton kini:
BUHAT SA PAGBASOL
O akong Dios, kinasingkasing akong nagbasol sa akong pagpasakit Kanimo, ug gikasilagan ko ang tanan kong sala tungod sa Imong matarong nga mga silot, apan labaw sa tanan tungod kay nakapasakit kini Kanimo, akong Dios, nga hingpit nga maayo ug takos sa tanan kong gugma.ย Lig-on kong gituyo, uban sa tabang sa Imong grasya, nga dili na magpakasala ug maglikay sa mga kahigayonan nga daling makapahulog sa sala.ย Amen.
Dayon isulti sa pari ang pag-ampo sa pagpasaylo (absolusyon).
Kon ang imong penitensiya mao ang pag-ampo og pipila ka mga pag-ampo, balik dayon sa imong lingkoranan ug iampo kini.
Mao ra kana! Gipasaylo ka na!
Tagsa-tagsa nga Pagsusi sa Konsensiya โ 7 ka Pangunang Sala
Garbo: โAng garbo usa ka dili tinuod nga pagtan-aw sa atong kaugalingon, usa ka dili tinuod nga ideya bahin sa unsay dili kita.โ Nagpakalabaw ba ako sa akong panghunahuna, pagsulti o paglihok? Matamayon ba ako? Makapasakit ug mapahitas-on ba ang akong mga lihok o pagdala sa akong kaugalingon? Giisip ba nako ang akong kaugalingon nga labaw sa uban? Nag-insistir ba akong ilhon? Nagtinguha ba akong kanunay mauna? Nangayo ba ako og tambag? Andam ba akong modawat og tambag? Aduna ba akoy pagpangdaogdaog sa bisan unsang paagi? Hilig ba akong magbuot-buot? Nagsulti ba ako og daotan bahin sa uban? Namakak ba ako bahin sa uban? Gibutyag ba nako ang mga sayop sa uban? Naningkamot ba akong ipasa sa uban ang pagbasol aron makalingkawas ang akong kaugalingon? Aduna bay tawo nga dili nako gustong pakigsultihan? Aduna bay tawo nga dugay na nakong wala pakigsultihi? Hilig ba akong makiglalis? Makapasakit ba ako kon makiglalis? Nagpakalabaw ba ako nga daw โnahibalo sa tananโ kon makiglalis? Sobra ba akong mabalaka sa pagtan-aw sa uban kanako? Sensitibo ba ako? Dali ba akong masakitan?
Kasina: โAng kasina usa ka kasubo nga atong gibati tungod sa maayong nahitabo sa atong isigkatawo.โ Masubo ba ako sa pag-uswag sa uban? Sa ilang kalamposan sa mga dula? Sa mga paugnat sa kusog? Malipay ba ako sa ilang mga kapakyasan? Masina ba ako sa mga bahandi sa uban?
Katapolan: โAng katapolan usa ka matang sa katalawan ug pagkasuko sa atong mga buluhaton, nga makapapasagad ug makapabiya kanato sa atong mga katungdanan imbes nga disiplinahon nato ang atong kaugalingon.โ Sobra ba ang akong paghigugma sa pagpahulay nga napasagdan ko na ang akong mga katungdanan? Tapolan ba ako sa akong mga lihok? Sobra ba akong mahilig sa pagpahulay? Nagtinapolan ba ang akong posisyon sa lawas sa pagtubag sa mga pag-ampo? Nagluhod ba ako nga daw nagpahayahay lang? Nahimuot ba ako sa walay pulos nga panag-istorya? Napakyas ba akong magmainiton sa pag-alagad sa Dios?
Kaulag: โAng kaulag mao ang paghigugma sa mga kalipayan nga supak sa kaputli.โย Nangandoy ba ako o nagbuhat og mga butang nga dili putli? Nalipay ba ako sa pagpalandong sa dili putli nga mga hunahuna o tinguha? Nagbasa ba ako og dili putli nga mga basahon, naminaw og musika nga adunay dili putli nga mga pulong, o mitan-aw og dili putli nga mga hulagway, sa mga litrato man, sa telebisyon, sa mga salida, o sa Internet? Gipukaw ba nako ang seksuwal nga tinguha sa akong kaugalingon o sa uban pinaagi sa dili putli nga paghalok, paggakos, o paghikap? Nagbuhat ba ako og dili putli nga mga buhat nga ako ra, nga mao ang masturbasyon? Nagsul-ob ba ako og dili makasaranganong sinina o sobra ba ang akong pagtagad sa akong panagway? Mogamit ba ako og bastos nga pinulongan o mosulti o maminaw og dili putli nga mga komedya o sugilanon? Nagpadala ba ako sa mga tinguha sa pagpanapaw bisan sa akong hunahuna lamang?
Kahakog: โAng kahakog mao ang dili hustong paghigugma sa mga kabtangan niining kalibotana.โย Gigamit ba nako ang akong kuwarta sa hustong paagi o alang lamang sa akong kaugalingon?ย Gituman ba nako ang akong mga katungdanan ngadto sa akong isigkatawo sumala sa hustisya?ย Gituman ba nako ang akong mga katungdanan ngadto sa Simbahan sumala sa hustisya?
Pagpalabi sa Pagkaon ug Pag-inom: โAng pagpalabi sa pagkaon ug pag-inom mao ang dili hustong paghigugma sa pagkaon ug pag-inom.โย Mokaon ba ako aron mabuhi o mabuhi aron mokaon?ย Nagpasobra ba ako sa pag-inom?ย Nagpahubog ba ako?ย Sayop ba ang akong paggamit sa mga tambal nga gireseta?ย Naggamit ba ako og ilegal nga mga droga?ย Gitugotan ba nako ang akong kaugalingon nga maadik sa alkohol ug/o mga droga?
Kasuko: โUsa ka pagbati sa kalag nga nagtukmod kanato sa mapintas nga pagsalikway sa bisan unsang makapasakit o dili makapahimuot kanato.โย Dali ba akong masuko?ย Hapit bisan unsang gamayng butang makapasuko ba kanako?ย Usa ba ako sa kasagarang gitawag og โtawong sapotonโ? Napakyas ba ako sa pagpugong sa unang mga timailhan sa kasuko? Napakyas ba ako sa maayong pagpakig-uban sa tanan? Gibalikbalik ba nako sa hunahuna ang mga pagtamay o mga kadaot nga akong nahiagoman ug bisan nagdahom nga gibuhat kini kanako bisan walay kasigurohan?ย Nalipay ba ako sa mga katalagman sa uban? Naghunahuna ba ako og mga paagi sa pagpanimalos? Sa โpagbalos aron makabawiโ?ย Hilig ba akong makiglalis? Hilig ba akong mosupak?ย Hilig ba akong magbiaybiay sa mga tawo, dapit, o butang?ย Lisod ba akong pakig-ubanan?ย Naghambin ba ako og mga pagdumot, ug nagpadayon nga โdili maayog buotโ kang bisan kinsa?ย Naghisgot ba ako bahin sa mga sayop sa uban?ย Gibutyag ba nako ang mga sayop o mga kakulangan sa uban?ย Gibutyag ba nako ang mga sayop sa uban tungod sa dili maayong katuyoan?
