Cebuano

P. Ang Akong Gisul-ob

P. Kanunayng mosulti ang akong inahan bahin sa akong sinul-oban kon mogawas ko sa balay. Kon magsul-ob kog maong ug T-shirt o sayal nga usa ka pulgada ibabaw sa tuhod, supak ba kana sa Simbahan?

T.ย Hmmmm, sulayan nako paghunahuna kon nganong ang usa ka maayong inahan mahimong mabalaka sa sinul-oban sa iyang anak nga babaye. Ang usa ka kabalak-an mahimong may kalabotan sa kaligdong, ug ang usa pa sa sukaranang dignidad ug pagtahod. Unahon nato ang kaligdong.

Nagpuyo kita sa usa ka kultura diin ang mga lalaki ug babaye (ilabina ang mga babaye) gitratar ingong mga butang imbes nga mga tawo. Ang mga paanunsiyo ug ang popular nga kultura sa kinatibuk-an walay hunong nga nagpaulan kanato og mga hulagway sa โ€œsulundongโ€ lalaki o babaye. Unsa man ang โ€œsulundongโ€ lalaki o babaye sumala sa popular nga kultura? Mao kini ang lalaki nga hingpit ang porma sa mga kaunoran sa tiyan o ang babaye nga adunay gitawag nga โ€œlawas nga hingpit og pormaโ€ ug dili maulaw sa pagpasundayag niini. Tan-awa ang mga paanunsiyo sa telebisyon, tan-awa ang mga magasin duol sa kahera, pag-browse sa Internet (o, kon hunahunaon pag-usabโ€ฆmas maayo pang likayan kana), ug dali ra nimong makita nga ang mensahe sa atong kultura mao kini: ang lawas usa lamang ka butang alang sa seksuwal nga tinguha. Dugang pa, kon gusto kang mahimong usa ka tawo nga tagdon, kinahanglan nga sama ka og hitsura sa usa ka supermodel. Pagkamasulob-on nianang mensahe nga balikbalik natong madungog. Ug pagkadako sa pagpaubos niini sa dignidad sa mga lalaki ug babaye.

Busa unsa may kalabotan niana sa paagi sa atong pagsinina? Kasagaran kaayo karon, ang mga sinina gidisenyo aron ipasiugda ang gipasobrahan ug sayop nga paghatag og importansiya sa seksuwal nga pagkamadanihon. Ang sinina sa usa ka tawo angay unta nga mao lamang kanaโ€ฆsinina. Ikasubo, kasagaran kini gidisenyo aron ipakita ang matag kurba ug porma sa lawas, imbes nga tabonan kini sa kaligdong ug dignidad. Tinuod kini nga problema. Ilabina kini nga problema alang sa mga mata sa mga lalaki kay ang mga lalaki daling mapukaw sa ilang makita. Kon dili ligdong ang sinina, nagpadala kini og mensahe sa matag lalaki nga gidapit nimo siya nga tan-awon ka ingong usa ka butang. Dakong tabang sa mga babaye ngadto sa mga lalaki ang pagpili sa ligdong nga pagsinina, kay makatabang kini kanila nga makita ang tinuod nga katahom ug dignidad sa mga babaye. Tungod niana, ang mugbong mga sayal o huot nga maong mahimong makapahinabog mas dakong kadaot kay sa imong naamgohan.

Unsa man ang kasagarang maong ug T-shirt? Dili ko sigurado kon unsa ang gikabalak-an niana, apan, sa makausa pa, makabanabana ako. Aron matabangan ka sa pagsabot niini, hatagan tika og usa ka medyo kataw-anan nga pananglitan. Unsa kaha kon ang inyong kura paroko mohukom nga matag hinapos sa semana motungha siya alang sa Misa nga nagsul-ob og maong ug T-shirt? Tingali ang uban motan-aw niana ug maghunahuna nga nindot kay kaswal kaayo siya. Apan ang dakong kadaghanan makakita dayon nga katingad-an kini. Daghan og gisulti ang sinina bahin sa atong pagkatawo. Ang mga pari nagsul-ob og sinina nga alang sa klero aron ipahayag nga sila mga pari. Tinuod usab kini alang sa tanan. Ang atong gisul-ob nagpadayag kon giunsa nato pagtan-aw ang atong kaugalingon. Siyempre, adunay mga higayon nga ang maong ug T-shirt haom gayod. Apan unsa kaha kon ang tanan magsugod na og pagsinina sa ingon niini sa matag okasyon? Unsa kaha kon ang tanan sa kasal sa usa ka sakop sa pamilya magsinina sa ingon niini? O kon ang tanan ingon niini kakaswal sa Misa sa Domingo? Tin-aw nga nagpasabot kini nga kining mga okasyona walay kalainan sa usa ka adlaw nga nagpahulay lang sa balay. Busa angay kitang magsinina nga haom sa okasyon, uban sa dignidad ug pagtahod sa atong kaugalingon, apan tingali sama ka importante usab, uban sa pagtahod sa okasyon nga atong gitambongan. Pananglitan, ang pagsul-ob og pormal nga sinina alang sa Misa sa Domingo o sa kasal nagsulti sa uban nga giisip nimo kini nga usa ka importanteng okasyon. Nagpahayag kini sa imong pagtahod.

Nanghinaot ko nga makatabang kana! Ug, kon dili pa gihapon kini klaro, nan akong ikatambag nga dili ka masayop kon mosalig ka lamang sa tambag sa usa ka mahigugmaong ginikanan.


Dugang pang Katolikong mga Pangutana ug Tubag