ప్ర. అంతర్జాలంలో అశ్లీల చిత్రాలు చూడడానికి ఇష్టపడే స్నేహితులు నాకు కొందరు ఉన్నారు. అలాంటివి స్త్రీల గౌరవాన్ని దిగజారుస్తాయని నా తల్లిదండ్రులు ఎప్పుడూ చెబుతుంటారు. వారు ఆ చిత్రాలను చూడడం మొదలుపెట్టినప్పుడు నేను చూడకుండా ఉంటాను, కానీ నేనెప్పుడూ ఏమీ అనలేదు. వారిని స్నేహితులుగా కోల్పోవడం నాకు నిజంగా ఇష్టం లేదు; అలాగే నేను వింతగా ఉన్నానని ఇతరులు అనుకోవడమూ నాకు ఇష్టం లేదు. నేనేం చేయగలను?
జ. నా ప్రియ మిత్రమా…దురదృష్టవశాత్తూ, మనలో చాలామంది ఒప్పుకోవడానికి ఇష్టపడేదానికంటే ఎక్కువమందిని ప్రభావితం చేసే అంశం ఇది. కొన్ని ఆలోచనలను మీతో పంచుకుంటాను.
మొదటిగా, మీ తల్లిదండ్రుల స్పందన పూర్తిగా సరైనది! అంతేకాదు, అశ్లీల చిత్రాలు పురుషుల గౌరవాన్ని కూడా దిగజారుస్తాయని నేను జోడిస్తాను. ఈ చర్చ వచ్చినప్పుడల్లా లేదా ఈ శోధన ఎదురైనప్పుడల్లా ఈ దృఢనిశ్చయాన్ని మీ మనసులో ముందుంచుకోవడం మంచిది.
అది వ్యక్తి గౌరవాన్ని ఎందుకు దిగజారుస్తుంది? ఇటీవల నేను విన్న, లైంగిక పవిత్రత గురించి చక్కగా ప్రసంగించే ఒక వక్త ఇలా అన్నారు: “అశ్లీల చిత్రాల సమస్య ఏమిటంటే, అవి అతిగా చూపించడం కాదు; నిజానికి, అవి చాలా తక్కువగా చూపిస్తాయి!” ఆయన చెప్పింది పూర్తిగా నిజం. ఆయన ఉద్దేశం ఏమిటంటే, అశ్లీల చిత్రాలు మరొక వ్యక్తి శరీరాన్ని మాత్రమే చూపిస్తాయి; అలా చూపించేటప్పుడు ఆ వ్యక్తిని మరొకరి అస్తవ్యస్తమైన, స్వార్థపూరిత సుఖానికి ఒక వస్తువుగా మార్చివేస్తాయి. దీనినే మనం “వ్యక్తిని వస్తువుగా చూడటం” అంటాము. కాబట్టి, ప్రదర్శించబడుతున్న వ్యక్తిలోని నిజమైన సౌందర్యాన్ని, గౌరవాన్ని చూపించడంలో అశ్లీల చిత్రాలు విఫలమవుతాయి అనే అర్థంలో అవి “చాలా తక్కువగా చూపిస్తాయి.” ఆ వ్యక్తి నిజానికి ఒక వ్యక్తి అని… దేవుని స్వరూపంలో, పోలికలో సృష్టించబడిన దేవుని కుమారుడు లేదా కుమార్తె అని అవి వెల్లడించవు. అశ్లీల చిత్రాలను చూసే వ్యక్తికి కూడా అవి ఎంతో హాని చేస్తాయి, ఎందుకంటే అవి ఆ వ్యక్తిని అస్తవ్యస్తమైన లైంగిక వాంఛలోకి లాగుతాయి. అంటే, అశ్లీల చిత్రాలను చూడటం వల్ల ఆ వ్యక్తి లైంగిక వాంఛలు అస్తవ్యస్తంగా మారి, అదుపు తప్పే అవకాశం చాలా ఎక్కువగా ఉంటుంది. ఇది ఒక రకమైన “బంధనాన్ని,” అనారోగ్యకరమైన మమకారాన్ని కలిగిస్తుంది. ఫలితంగా, అశ్లీల చిత్రాల ప్రపంచంలో చిక్కుకున్న వ్యక్తికి ఇతరులను గౌరవంతో, మర్యాదతో, నిజమైన ప్రేమతో చూడటం కష్టమవుతుంది. అది నిజంగా ఒక వ్యక్తి సంబంధాలను ఎంతో ప్రతికూలంగా, స్వార్థపూరితంగా ప్రభావితం చేయగలదు. కాబట్టి, అవును, అది అన్ని విధాలా వ్యక్తి గౌరవాన్ని దిగజారుస్తుంది.
అశ్లీల చిత్రాలను చూస్తూ, మీకూ వాటిని చూపించడానికి ప్రయత్నిస్తున్న మీ స్నేహితుల గురించి, “వారిని స్నేహితులుగా కోల్పోవడం నిజంగా నాకు ఇష్టం లేదు” అనీ, “[మిమ్మల్ని] వింతగా ఉన్నారని ఇతరులు అనుకోవడం నాకు ఇష్టం లేదు” అనీ మీరు అంటున్నారు. దీనిపై నాకు కొన్ని ఆలోచనలు ఉన్నాయి. మొదటిగా, మరొక వ్యక్తి గౌరవాన్ని ఆదరించడం, దేవుడు ఆ వ్యక్తిని చూసే విధంగా చూడటం ఏ అర్థంలోనూ “వింత” కాదు. అశ్లీల చిత్రాల్లో ఒక వ్యక్తిని చూపించే విధంగా మీరు ఆ వ్యక్తిని చూడాలని దేవుడు ఎన్నడూ కోరుకోడు. నా మాట నమ్మండి, ఈ అలవాటులోకి లాగబడకూడదని మీరు కోరుకోవడంలో ఏమాత్రం వింత లేదు.
వారిని స్నేహితులుగా కోల్పోయే విషయానికొస్తే, స్నేహితులు అంటే ఎవరో, ఎవరు కాదో అర్థం చేసుకోవడం ముఖ్యం. నిజమైన స్నేహితులు అశ్లీల చిత్రాలు చూడమని మిమ్మల్ని ఒత్తిడి చేయరు. ఈ అలవాటు అనారోగ్యకరమైనదని నిజమైన స్నేహితులు గుర్తిస్తారు; అందులో పాల్గొనకూడదనే మీ నిర్ణయాన్ని గౌరవిస్తారు. కాబట్టి, మీరు వారితో కలిసి అలా చేయడానికి ఆసక్తి చూపనందుకు మీ స్నేహితులు మీతో సమయం గడపడానికి ఇష్టపడకపోయినా, మిమ్మల్ని ఎగతాళి చేసినా, లేదా “వింతగా ఉన్నారు” అని పిలిచినా, వారు మీ నిజమైన స్నేహితులు కారని నేను మీకు నిశ్చయంగా చెప్పగలను. అందరిలో “కలిసిపోవాలనే” ఒత్తిడి బలంగా ఉండగలదని నాకు తెలుసు, కానీ దానికోసం ఇలా చేయడం తగదు. ఈ అస్తవ్యస్త ప్రవర్తనలో అందరినీ అనుసరించడం కంటే, మీ నిర్ణయానికి కట్టుబడి ఉండి వారు మిమ్మల్ని తిరస్కరించడాన్ని ఎదుర్కోవడమే మీకు ఎంతో మేలు. మెదడుపై ఇటీవల జరిగిన శాస్త్రీయ అధ్యయనాలు, అత్యంత వ్యసనకరమైన కొన్ని మత్తుపదార్థాలంత బలమైన ప్రభావాన్ని అశ్లీల చిత్రాలు కూడా చూపగలవని వెల్లడిస్తున్నాయి. విచారకరంగా, ఈ వ్యసనంలో ఎంతగా చిక్కుకుపోయారంటే, తమ అలవాటును మానుకోవడానికి మార్గమే కనుగొనలేని వారు ఎంతోమంది ఉన్నారు. ఈ వ్యసనం సంవత్సరాలపాటు కొనసాగి, ఎంతో మనోవేదనను, అపరాధ భావాన్ని, సిగ్గును, లైంగిక గందరగోళాన్ని కలిగించగలదు. తుది ఫలితం ఏమిటంటే, దేవుడు మీరు ఇతరులను ఎలా ప్రేమించాలని కోరుకుంటున్నాడో అలా ప్రేమించగల మీ ఆరోగ్యకరమైన సామర్థ్యాన్ని అశ్లీల చిత్రాల వ్యసనం దెబ్బతీయగలదు (అది “తప్పక దెబ్బతీస్తుంది” అని కూడా నేను ధైర్యంగా చెప్పగలను).
కాబట్టి, దృఢంగా ఉండండి; ఈ విషయం గురించి మీ తల్లిదండ్రులతో మాట్లాడుతూనే ఉండండి. వారితో అలా మనసు విప్పి మాట్లాడటం రాబోయే ఎన్నో సంవత్సరాలపాటు మీకు సహాయపడుతుంది!
అశ్లీల చిత్రాల వ్యసనాన్ని ఎలా అధిగమించవచ్చో మరింత సమాచారం కోసం సందర్శించండి: covenanteyes.com
మరిన్ని కతోలిక ప్రశ్నలు & సమాధానాలు