வாரந்தோறும் மேற்கொள்ளும் புனித மணி நேரச் செபத்துடன், ஒவ்வொரு நாளும் தவறாமல் செபத்திற்கும் சிந்தனைக்கும் உங்களை அர்ப்பணிப்பது முக்கியம். மேலும், இந்தத் தியானங்களும் அவை விளைவிக்கும் நல்ல ஆன்மிகக் கனிகளும் வாரந்தோறும் ஒன்றின் அடிப்படையில் மற்றொன்று வளர இடமளிப்பதும் முக்கியம். கடவுள் தமது அருள் வாழ்விற்குள் உங்களை மேலும் மேலும் ஆழமாக அழைத்துச் செல்லும் ஒரு பயணத்தில் வழிநடத்த விரும்புகிறார். பின்வரும் அன்றாடச் செபங்கள், அந்தப் பயணத்தில் நிலைத்திருந்து, அவர் உங்களை வழிநடத்தும் இடத்தை நோக்கி முன்னேற உங்களுக்கு உதவும்.
கடவுள் உங்களை வழிநடத்த அனுமதிப்பதற்கு உதவும் மற்றொரு வழி, உங்கள் செபத்தில் நீங்கள் பெற்ற ஆன்மிகத் தெளிவுகளைச் சுருக்கமாக எழுதிவைக்க ஒரு குறிப்பேட்டை வைத்திருப்பதாகும். இவ்வாறு குறிப்புகளை எழுதி, அவற்றைத் தொடர்ந்து மீண்டும் வாசிப்பதன் மூலம், உங்கள் இதயத்தோடு பேசும் கடவுளின் குரல் வெளிப்படுத்தியுள்ள கவலைகளை எதிர்கொள்ளவும், பாவங்களை வெல்லவும், பெற்ற வெற்றிகளில் மகிழவும் உங்களால் முடியும். இந்தக் குறிப்புகள் ஒவ்வொரு மாலையும் உங்கள் இரவுச் செபத்தின்போது பயன்படுத்தப்படும். நீங்கள் விரும்பினால், எழுத்தில் குறிப்பெடுப்பதற்குப் பதிலாக மனத்தில் பதித்துக்கொள்வதன் மூலமும் இதைச் செய்யலாம்.
அன்றாட மனச்சோதனையுடன் இரவுச் செபம்