
ఈ జపమాలకు పరిచయం
మిమ్మల్ని బాధపెట్టిన వ్యక్తిని క్షమించడం ఎంతో కష్టంగా ఉండవచ్చు. అది ఒక్క రాత్రిలోనే సులభంగా సాధించగలిగేది కాదు. అందుకు ఎంతో కృప, దేవునికి ఆత్మసమర్పణ అవసరం. ఎంతో ప్రార్థన కూడా అవసరం.
యేసు తాను చేయడానికి సిద్ధంగా లేని దేనినీ చేయమని మనలను ఎన్నడూ అడగడు. తనపట్ల అప్పుడే అంత క్రూరంగా ప్రవర్తించినవారిని ఆయన సిలువపై నుండి క్షమించాడు. మరొకరిని క్షమించడానికి కష్టపడుతున్నవారికి సహాయపడేలా క్రిందనున్న జపమాల రూపొందించబడింది. మీరు కూడా అలాంటి స్థితిలో ఉంటే, ఈ భారం నుండి దేవుడు మిమ్మల్ని విముక్తులను చేయగలిగేలా దీనిని ప్రతిరోజూ ప్రార్థించండి.
ఈ క్రింది జపమాలను (దైవకారుణ్య జపమాలకు ఇది భిన్నమైనది) కూడా జపమాల పూసలను ఉపయోగించి ప్రార్థిస్తారు. ఈ ప్రార్థనలు పవిత్ర గ్రంథం నుండి తీసుకోబడ్డాయి:
మొదటి ప్రార్థన తొలి క్రైస్తవ వేదసాక్షి అయిన పునీత స్తెఫాను పలికినది. రాళ్లతో కొట్టబడుతూ మరణించడానికి కొద్దిముందు ఆయన ఇలా పలికాడు:
ప్రభువా, ఈ పాపాన్ని వారికి ఆపాదించకు. అపొస్తలుల కార్యములు 7:60
రెండవ ప్రార్థన, యేసు సిలువపై వ్రేలాడుతూ ప్రాణాలు విడుస్తున్నప్పుడు పలికిన మాటలపైనే ఆధారపడి ఉంది:
జపమాల
మొదట ఒకసారి పరలోక ప్రార్థన, ఒకసారి నమో మరియా ప్రార్థన, అపొస్తలుల విశ్వాస ప్రమాణం చెప్పండి.
పరలోకమందున్న మా తండ్రీ, నీ నామము పవిత్రపరచబడును గాక; నీ రాజ్యము వచ్చును గాక; నీ చిత్తము పరలోకమందు నెరవేరునట్లు భూమిమీదను నెరవేరును గాక. మా అనుదిన ఆహారమును ఈ రోజు మాకు దయచేయి; మాకు అపరాధము చేసినవారిని మేము క్షమించినట్లు మా అపరాధములను క్షమించు; మమ్మును శోధనలోనికి నడిపించక, కీడు నుండి మమ్మును రక్షించు. ఆమేన్.
అనుగ్రహ పరిపూర్ణురాలైన మరియమ్మా, నీకు వందనము. ప్రభువు నీతో ఉన్నాడు. స్త్రీలందరిలో నీవు ఆశీర్వదింపబడినదానవు; నీ గర్భఫలమైన యేసు కూడా ఆశీర్వదింపబడినవాడు. దేవుని తల్లియైన పునీత మరియమ్మా, పాపులమైన మా కొరకు ఇప్పుడును, మా మరణ సమయమందును ప్రార్థించు. ఆమేన్.
పరలోక భూలోకములను సృష్టించిన సర్వశక్తిమంతుడైన తండ్రి దేవునియందు విశ్వసిస్తున్నాను; ఆయన ఏకైక కుమారుడైన మన ప్రభువు యేసుక్రీస్తునందు విశ్వసిస్తున్నాను. ఆయన పవిత్రాత్మ వలన గర్భమున ధరింపబడి, కన్య మరియమ్మ నుండి జన్మించాడు; పోంతి పిలాతు అధికారములో శ్రమలనుభవించి, సిలువ వేయబడి, మరణించి, సమాధి చేయబడ్డాడు. పాతాళమునకు దిగాడు; మూడవ రోజున మృతులలో నుండి తిరిగి లేచాడు; పరలోకమునకు ఆరోహణమై, సర్వశక్తిమంతుడైన తండ్రి దేవుని కుడిపార్శ్వమున ఆసీనుడై ఉన్నాడు; అక్కడి నుండి సజీవులకును మృతులకును తీర్పు తీర్చడానికి రానున్నాడు. పవిత్రాత్మయందు, పవిత్ర కతోలిక సభయందు, పునీతుల సహవాసమందు, పాపక్షమాపణయందు, శరీర పునరుత్థానమందు, నిత్యజీవమందు విశ్వసిస్తున్నాను. ఆమేన్.
జపమాలలోని ప్రతి పది పూసల విభాగానికి చెందిన పెద్ద పూసపై ఇలా ప్రార్థించండి:
“ప్రభువా, ఈ పాపాన్ని వారికి ఆపాదించకు,” ఎందుకంటే నీవు అందరిపట్ల దయాకనికరములతో నిండి ఉన్నావు. నీ పరిపూర్ణ ప్రేమను అనుకరించేలా క్షమించడానికి నాకు కృపను దయచేయి…
తండ్రీ, వీరేమి చేస్తున్నారో వీరికి తెలియదు కనుక వీరిని క్షమించు.
పది పూసల విభాగాలు ఐదూ పూర్తయిన తరువాత, ఈ క్రింది ప్రార్థనను మూడుసార్లు చెప్పి ముగించండి:
జీవముగల దేవుని కుమారుడవైన ప్రభువైన యేసూ, పాపినైన నన్ను కరుణించు.
ఆమెన్.
