
ఓ కన్యామాతా, అనుగ్రహపూర్ణురాలా,
ఇశ్రాయేలుకు ఆనందమా,
మా మానవజాతికి అత్యంత శోభాయమానమైన గౌరవమా,
నోటిమాటలతో చెప్పలేనంత ధన్యురాలా!
మరియా, నీవు సర్వసుందరివి,
నీలో ఏ కళంకమూ లేదు,
మానవుల వేదనలన్నిటినీ ఓదార్చే
నీ మధుర సాన్నిధ్యంలో దుఃఖమే లేదు.
దేవదూతల ఆనందమా, భూలోక రాణీ,
దీనుడైన నీ కుమారుణ్ణి దయతో కటాక్షిస్తావు,
నీతో కలిసి అతడు పరిపాలించేలా,
వేదనలో అతనికి నీవు జన్మనిచ్చావు.
నీ నిర్మల హృదయానికి హత్తుకొని,
అతని బలహీన ఆత్మ విశ్రాంతి పొందుతుంది,
నీ మాతృవక్షస్థలంపై
తన చింతలన్నిటినీ విడిచిపెడుతుంది.
నీ సున్నితమైన బాహువుల్లో పొదువుకున్న కుమారుణ్ణి
సర్వోన్నతుడైన దేవునికి సమర్పించు.
ఇలా నీ పైవస్త్రపు మడతలో మోసుకుపోబడుతూ,
అతడు మరణించడానికి భయపడడు.
తనకు ఉన్నదంతా నీకు ఇవ్వడం
అతనికి అతిశయమేమీ కాదు.
నిన్ను పొందడమే నిజంగా జీవించడం,
నీకు సేవ చేయడమే పవిత్రత.
భూలోక ప్రేమల ముళ్లన్నిటితో
నిన్నెలా పోల్చగలం, సఖీ?
నీ చూపు ఎంతో పవిత్రం, నీ కన్నులు కపోతాలు,
నీవు అరుదైన లిల్లీ పుష్పానివి.
నీ ప్రేమ తనపై ఉందని తెలుసుకోవడం
బంగారమంతటికన్నా విలువైనది.
అన్నిటినీ త్యజించి, అతని హృదయం స్వేచ్ఛ పొందింది,
నూరింతల ప్రతిఫలమైన నీ కోసం.
-ఫా. తిమోతి జె. డ్రేపర్
ప్రధాన చిత్రం: మడోన్నా మరియు శిశువు, రోబెర్టో ఫెర్రుజ్జి చిత్రకృతి
