Cebuano

Pag-ampo sa Labing Balaang Sakramento

Akong Ginoong Jesucristo,

nga tungod sa imong gugma kanamo,

nagpabilin adlaw ug gabii niining Sakramento,

puno sa kalooy ug gugma,

naghulat, nagtawag ug nag-abiabi

sa tanan nga moduaw kanimo.

Nagtuo ako nga anaa kaย 

sa Sakramento sa Altar.ย 

Gisimba ko ikaw gikan sa kinahiladman sa akong pagka-walaย 

ug nagpasalamat ako kanimo sa tanang grasyaย 

nga imong gihatag kanako hangtod karon,ย 

ug ilabi na,ย 

sa imong paghatag kanako sa imong Labing Balaang Inahan nga si Mariaย 

isip akong tigpanalipodย 

ug sa imong pagtawag kanakoย 

aron moduaw kanimo niining simbahan.

ย 

Karon akong gitimbaya ang imong Labing Mahigugmaong Kasingkasing,ย 

ug kini alang sa tulo ka katuyoan:ย 

una, sa pagpasalamat niining dakong gasa;ย 

ikaduha, sa pagbayad-puri kanimo alang sa tanang pagpasipalaย 

nga imong nadawat niining Sakramentoย 

gikan sa tanan nimong kaaway;ย 

ikatulo, pinaagi niining pagduaw nagtinguha ako sa pagsimba kanimoย 

sa tanang dapit sa kalibotanย 

diin anaa ka niining Sakramentoย 

ug diin labing diyutay ang pagtahod kanimoย 

ug labing gibiyaan ka.

ย 

Akong Jesus, gihigugma ko ikaw sa tibuok kong kasingkasing.ย 

Gikasubo ko nga hangtod karon, sa makadaghan,ย 

nakasala ako batok sa imong walay kinutobang kaayo.ย 

Pinaagi sa imong grasya, nagtinguha ako nga dili na gayod makasala batok kanimoย 

sa umaabot;ย 

ug karon, bisan pa sa akong pagkaalaot ug pagkadili takos,ย 

gikonsagrar ko ang akong kaugalingon kanimo nga walay pagduhaduha o pagpugong.ย 

Gitugyan ko kanimo ug gitalikdan ang akong tibuok kaugalingong kabubut-on,ย 

ang akong mga pagbati, mga tinguha, ug ang tanan kong gipanag-iya.ย 

Sukad karon, gamita akoย 

ug ang tanan nga ania kanako sumala sa imong kabubut-on.ย 

Ang akong gipangayo ug gitinguha lamang gikan kanimo mao ang imong balaang gugma,ย 

ang paglahutay hangtod sa kataposanย 

ug ang hingpit nga pagtuman sa imong kabubut-on.

ย 

Gitugyan ko kanimo ang mga kalag sa Purgatoryo;ย 

ilabina kadtong adunay labing dakong debosyonย 

sa Labing Balaang Sakramentoย 

ug sa Labing Bulahang Birhen Maria.ย 

Gitugyan ko usab kanimo ang tanang makaluluoy nga makasasala.

ย 

Ug sa kataposan, akong hinigugmang Manluluwas,ย 

Gihiusa ko ang tanan kong mga pagbati sa mga pagbatiย 

sa imong labing mahigugmaong Kasingkasing,ย 

ug akong ihalad kini uban kanimo ngadto sa imong Amahang walay kataposanย 

ug mangamuyo kaniya tungod kanimoย 

ug tungod sa gugma kanimo,ย 

nga sa iyang kaayo dawaton ug itugot kini.

Amen.

Niย San Alfonso de Ligorio


Dugang nga mga Pag-ampo

Adlaw-adlaw nga mga Pamalandong