Ako ang imong kusog,
kay panalipdan Ko ikaw batok sa naghulga kanimo.
Tugoti nga ang Akong panalipod motabon kanimo ug mohatag kanimo og kaisog
ug pahulay samtang nag-atubang ka sa imong mga kabatok ug mga kaaway.
Ayaw hatagig dakong luna ang imong kahadlok sulod sa imong kasingkasing,
kay dili kini makatuman sa Akong laraw pinaagi kanimo.
Busa, kaisog lamang ang imong batoni,
kay Ako anaa sa imong kiliran.
Ako ang imong kusog
samtang nagpadayon ka sa Akong buluhaton.
Nganong mahadlok ka man
kon kamatuoran ang Akong gisulti?
Pahupaya ang imong kaugalingon niining pangutanaha,
kay kini kamatuoran ug Akong saad kanimo!
Ayaw tugoti nga motipas ang imong agianan
gikan sa dalan nga Akong gitakda.
Kay ang imong mga lakang dili magdala kanimo
sa sayop nga direksiyon.