Nangita ka og mga tubag ug mga pangutana ang imong nakaplagan.
Nakakaplag ka og mga pangutana nga walay tubag.
Unsang mga tubag ang makapahimuot kanimo?
Ang imong pagtuo gisulayan niining lisod nga mga suliran.
Ang imong pagpangita sa kamatuoran gipalapad
pinaagi niining mga kasinatian.
Unsaon man nimo pag-atubang kining mga sulirana?
Tugoti nga ang imong pagpangita og kalinaw mogiya kanimo
aron makakaplag og kahupayan diha Kanako.
AKO MAO ang imong tubag.
Pangutan-a Ako;
dangop Kanako alang sa imong mga tubag.
Dili kinahanglan nga mahibalo ka sa mga kasulbaran
alang sa tanang panghitabo sa imong kinabuhi,
kay kini magdala kanimo ngadto sa Akong kinaiya.
Ilha ang imong mga kinutoban isip tawo ug salig
nga Ako kabahin sa tanan nga lapas sa imong kahibalo.
Ang imong pagtuo malig-on kon magpasakop ka Kanako.
Kaplagi diha Kanako ang imong gipangita;
AKO MAO ang tanan nga anaa.
Kaplagi diha Kanako ang kalinaw nga imong gipangita,
kay ihatag Ko kanimo ang gikinahanglan.
Kaplagi diha Kanako kon unsa ka,
kay AKO MAO ang imong gipangita.
AKO MAO ang dili nimo masabtan.