Kon imong palandongon ang mga pamaagi sa kalibotan,
ang gitudlo niini kanimo ug kon giunsa ka pagtintal,
hinumdomi nga lahi ang Akong mga pagtulon-an ug mga tinguha.
Gihatagan Ko ikaw og dalan
ug hatagan Ko ikaw sa grasya
sa pagsubay niini nga dalan, kon mangayo ka.
Dili Ko ikaw pugson.
Pag-andam sa pagpamalandong sa mga pulong
nga Akong gihatag kanimo pinaagi sa uban.
Makakita ka og sumbanan ug,
pinaagi sa imong kaalam,
mosubay ka sa Akong dalan.
Kini motultol kanimo ngadto Kanako.
Giyahan Ko ikaw
pinaagi sa Akong mga pulong ug pagtultol.
Gihatag Ko kini kanimo
ingon nga gasa gikan Kanako.
Ipakita Ko kanimo kon unsang dalan ang subayon
kay dili nimo kanunay matin-aw nga mailhan
kon unsa ang dalan nga Akong buot nimong subayon.
Buhaton Ko kini alang kanimo
kon mangayo ka sa Akong paggiya.
Adunay daghang direksiyon
nga mahimo nimong pilion nga subayon.
Hatagan Ko ikaw sa mga gasa
nga imong gikinahanglan
aron matuman ang Akong plano alang kanimo.
Pagpaka-anak Kanako;
tabangi Ako sa paghatag og kalinaw ug kalipay
ngadto sa mga nagtinguha sa mga gasa nga buot Kaayo Nakong ipaambit.
Kon buhaton nimo kini alang Kanako,
masinati nimo ang kalinaw ug katagbawan
nga dili sama sa mga balak ug mga sinulat
sa tawhanong mga damgo.
Ang Akong kalinaw makapahimo kanimo sa pagsabot sa nagpaabot kanimo.